Shouk-Med

06/12/2024

❌❌ ACEIs are the anti-hypertensive class of choice in diabetic patients.

✅✅ ACEIs are the anti-hypertensive class of choice in diabetic patients "with urinary albumin-to-creatinine ratio >30 mg/g Cr".

>> Also, the term "microalbuminuria" has fallen out of favor for lack of precision and diagnostic inconsistency. Use "albuminuria" instead.

03/20/2024

فى أبستراكت هيتقدم فى مؤتمر الجمعية الأمريكية لأمراض القلب بيقول أن الصيام المتقطع (أنك تاكل فقط فى خلال 8 ساعات يوميا Time-restricted eating) مصحوب بزيادة بنسبة 91% فى الوفيات من أمراض القلب. النتايج دى عاملة ضجة اعلامية ضخمة و كل الناس بتتكلم عنها.

أولا أنا عمرى ما بعتمد على أبستراكت مؤتمر أنى أخد منه معلومة و نادرا ما بعمله استشهاد لأن الأبستراكت ما بيتعملوش Peer review مفصلة. مجرد بيتقرى قراية سريعة و بياخد سكور ... و بالتالى الضجة اللى اتعملت على الأبستراكت ده مش مفهومة ... بس بما أنها حصلت خلينا نتكلم على الأبستراكت ده شوية.

المؤلفين من الصين حللوا داتا استبيان متاخد من 20 ألف شخص فى أمريكا (داتابيز مفتوحة للعامة). الاستبيان سأل الناس مرتين مختلفين بينهم أسبوعين أنهم يكتبوا كل حاجة أكلوها و شربوها فى أخر 24 ساعة. بعد 8 سنين من المتابعة لقوا أن الناس اللى جاوبت أن أكلهم و شربهم كان محدود ل 8 ساعات بس فى اليوم كان معدل الوفيات فيهم من أمراض القلب و السكتات الدماغية أعلى من غيرهم بنسبة 91% (الضعف تقريبا).

نتيجة مبهرة صح؟ ... و لكن كما يقول الأمريكان "الشيطان يكمن فى التفاصيل" فتعالى نبص على الداتا. مش هنتكلم على الحاجات الواضحة أن دى Observational study و أن النتايج دى بتعارض نتايج دراسات سريرية RCTs لقت مجموعة من الفوايد للصيام المتقطع لأن برده الدراسات دى كان فيها عيوب زى أن أطولها تابع صحة الناس لمدة سنة و بالتالى تأثير الصيام على المدى الطويل مش معروف.

1. أولا Sample size: بالرغم أن رقم 20 ألف كبير الا أن من الناس دى 414 فقط (يعنى 2% من العينة) هما اللى قالوا أنهم بيصوموا بالشكل ده فانت عندك مجموعتين فى الدراسة واحدة بتمثل 2% و التانية بتمثل 98% و بتقارنهم ببعض Imbalanced sample.

2. كما ذكرت الاستبيان سأل الناس عن أكلهم فى يومين فقط يعنى ده مش بالضرورة لايف ستايل للمجموعة الصغيرة دى. أنت ممكن يعدى عليك أيام ما تاكلش فيها لأوقات طويلة لأى سبب. و بالتالى حتى تمثيل العينة دى للنوع ده من الصيام صعب التحقق منه.

3. كمان الموضوع مش بس توقيت الأكل انما أنت بتأكل ايه؟ ... مانت ممكن بتصوم بس فى ال 8 ساعات اللى بتاكل فيهم بتدبها سكريات و دهون ... يبقى المشكلة هنا مش فى مفهوم الصيام نفسه انما فى طبيعة الأكل. كل دى تفاصيل لم تدخل فى التحليل اللى عملوه.

4. رابعا أحد العيوب المعروفة لل Observational studies هو Selection bias ... و هو أن الناس فى المجموعتين هيبقى بينهم اختلافات كتير قد تسهم فى تغيير النتايج ... فمثلا فى الدراسة دى مجموعة الصيام المتقطع كان فيها نسبة أكبر من الأمريكان الأفارقة و كان معدل التدخين فيهم أعلى 60% من المجموعة التانية ... المؤلفين قالوا أنهم عملوا حساب confounding variables دى فى التحليل الاحصائى و ده ممكن بتعمل بطرق بسيطة زى Regression analysis أو طرق أكثر تعقيدا زى Propensity matching الا أن كل الطرق دى مش كاملة و عمرها ما ترقى لمستوى RCTs اللى بيتعمل فيها توزيع عشوائى Randomization فقط لهذا الهدف.

لما الدراسة تتنشر كاملة ممكن نبص على Methods و نحكم بشكل أفضل ... انما بناءا على الأبستراكت فالنتايج دى لا يمكن الوثوق فيها بأى شكل.

02/17/2024

كتبت عن الدوا ده من 7 شهور لما اتنشرت Phase 1 trial فى NEJM.

اليوم اتنشرت Phase 2 trial فى JAMA على 394 مريض و أثبتت نفس الفاعلية ... حقنة واحدة كل 3 أو 6 شهور (بجرعات متفاوتة من 150 الى 600 ملليجرام) كانت مصحوبة بانخفاض واضح فى ضغط الدم بعد 3 شهور.

https://jamanetwork.com/journals/jama/fullarticle/2815379

النتايج هيتم تقديمها أيضا فى مؤتمر الأكاديمية الأمريكية لأمراض القلب أبريل المقبل ACC.24 و سيتم الاعلان أيضا عن بدء Phase 3 trials.

حقنة تحت الجلد تاخدها كل 6 شهور تظبطلك الضغط؟ 💉🩺

فى دراسة سريرية من المرحلة الأولى Phase 1 trial تم نشرها بالأمس فى NEJM ... قام الباحثون باختبار فاعلية عقار Zilebesiran فى علاج ارتفاع ضغط الدم Hypertension.

عقار Zilebesiran يعمل عن طريق تثبيط انتاج هرمون angiotensinogen فى الكبد باستخدام تقنية RNA interference. باختصار العقار بيكسر mRNA اللى بينتج بروتين angiotensinogen و اللى هو المركب الأولى فيما يعرف ب RAAS System و اللى ثبت دوره من عشرات السنين فى ارتفاع ضغط الدم ... اذا هو بيشتغل على نفس Pathway بتاع ACE Inhibitors و لكن بيجيبه من الأول خالص. ده من أوائل العلاجات لارتفاع ضغط الدم اللى بتشتغل بالطريقة دى. فى عقار تانى تحت الاختبار اسمه IONIS-AGT-LRx و ده بيشتغل على تكسير mRNA أيضا بس بطريقة مختلفة.

طب ليه احنا محتاجين العلاج الجديد ده مع أن عندنا أدوية كتيرة للضغط؟
لأن الأدوية اللى بتتاخد كل يوم صعب على المريض أنه يلتزم بيها و على الدكتور أنه يتابعها و كمان ما بتضمنلكش تحكم ثابت فى ضغط الدم على مدار اليوم.

الدراسة من المرحلة الأولى بمعنى أنها أول دراسة تختبر العقار على البشر ... و لذا فهى تمت على 107 مريض بالضغط فقط قارنت فيهم العقار (بجرعات متفاوتة من 5 الى 800 مجم) بعلاج وهمى Placebo ... النتايج أثبتت أن العقار أمن و فعال فى خفض ضغط الدم (كلما تعلى الجرعة الضغط نزل أكتر). كمان لقوا أن جمعه بعقار تانى بيشتغل على نفس ال Pathway بس فى خطوة فى أخره زى ARBs بيزود فاعليته ... بينما كانت فعاليته أقل فى المرضى اللى بياكلوا ملح أكتر و ده تأكيد أن مهما كانت فاعلية أى دوا فتحكم المريض فى نمط حياته دايما هيفضل مهم.

الدوا ده ممكن يعمل طفرة فى علاج ارتفاع ضغط الدم و يساعد ملايين المرضى ... بس عشان يحقق الطفرة دى لازم يعمل 3 حاجات:

1. يثبت نفس الفاعلية فى التحكم فى ضغط الدم فى الدراسات السريرية الأكبر حجما Phase 3 trials.

2. يثبت فاعلية فى تقليل خطورة Cardiovascular outcomes زى السكتات القلبية و الدماغية و الوفيات من أمراض القلب و ده بيتطلب دراسات بتتابع المرضى لسنين.

3. يكون Cost-effective ... بمعنى أنه علاج جينى و معظم العلاجات دى غالية جدا و لكن لو تم الوصول لسعر معقول و غطته شركات التأمين و السعر ده مناسب لمدى فاعليته فساعتها النقطة دى هتكون اتحلت.

الخلاصة ... ده تطور واعد جدا فى علاج ارتفاع ضغط الدم (واحد من أخطر الأمراض فى عصرنا الحالى) ... بس لسه محتاج شغل كتير لتأكيد فاعليته أولا و توصيله للمرضى ثانيا.

المراجع فى العليقات 👇

10/02/2023

جائزة نوبل فى الطب و الفسيولوجيا لعام 2023 👇

BREAKING NEWS
The Nobel Assembly at Karolinska Institutet has today decided to award the 2023 Nobel Prize in Physiology or Medicine to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19.

The discoveries by the two Nobel Prize laureates were critical for developing effective mRNA vaccines against COVID-19 during the pandemic that began in early 2020. Through their groundbreaking findings, which have fundamentally changed our understanding of how mRNA interacts with our immune system, the laureates contributed to the unprecedented rate of vaccine development during one of the greatest threats to human health in modern times.

Learn more
Press release: https://bit.ly/3RypmGw
Advanced information: https://bit.ly/3rrshGw

07/20/2023

حقنة تحت الجلد تاخدها كل 6 شهور تظبطلك الضغط؟ 💉🩺

فى دراسة سريرية من المرحلة الأولى Phase 1 trial تم نشرها بالأمس فى NEJM ... قام الباحثون باختبار فاعلية عقار Zilebesiran فى علاج ارتفاع ضغط الدم Hypertension.

عقار Zilebesiran يعمل عن طريق تثبيط انتاج هرمون angiotensinogen فى الكبد باستخدام تقنية RNA interference. باختصار العقار بيكسر mRNA اللى بينتج بروتين angiotensinogen و اللى هو المركب الأولى فيما يعرف ب RAAS System و اللى ثبت دوره من عشرات السنين فى ارتفاع ضغط الدم ... اذا هو بيشتغل على نفس Pathway بتاع ACE Inhibitors و لكن بيجيبه من الأول خالص. ده من أوائل العلاجات لارتفاع ضغط الدم اللى بتشتغل بالطريقة دى. فى عقار تانى تحت الاختبار اسمه IONIS-AGT-LRx و ده بيشتغل على تكسير mRNA أيضا بس بطريقة مختلفة.

طب ليه احنا محتاجين العلاج الجديد ده مع أن عندنا أدوية كتيرة للضغط؟
لأن الأدوية اللى بتتاخد كل يوم صعب على المريض أنه يلتزم بيها و على الدكتور أنه يتابعها و كمان ما بتضمنلكش تحكم ثابت فى ضغط الدم على مدار اليوم.

الدراسة من المرحلة الأولى بمعنى أنها أول دراسة تختبر العقار على البشر ... و لذا فهى تمت على 107 مريض بالضغط فقط قارنت فيهم العقار (بجرعات متفاوتة من 5 الى 800 مجم) بعلاج وهمى Placebo ... النتايج أثبتت أن العقار أمن و فعال فى خفض ضغط الدم (كلما تعلى الجرعة الضغط نزل أكتر). كمان لقوا أن جمعه بعقار تانى بيشتغل على نفس ال Pathway بس فى خطوة فى أخره زى ARBs بيزود فاعليته ... بينما كانت فعاليته أقل فى المرضى اللى بياكلوا ملح أكتر و ده تأكيد أن مهما كانت فاعلية أى دوا فتحكم المريض فى نمط حياته دايما هيفضل مهم.

الدوا ده ممكن يعمل طفرة فى علاج ارتفاع ضغط الدم و يساعد ملايين المرضى ... بس عشان يحقق الطفرة دى لازم يعمل 3 حاجات:

1. يثبت نفس الفاعلية فى التحكم فى ضغط الدم فى الدراسات السريرية الأكبر حجما Phase 3 trials.

2. يثبت فاعلية فى تقليل خطورة Cardiovascular outcomes زى السكتات القلبية و الدماغية و الوفيات من أمراض القلب و ده بيتطلب دراسات بتتابع المرضى لسنين.

3. يكون Cost-effective ... بمعنى أنه علاج جينى و معظم العلاجات دى غالية جدا و لكن لو تم الوصول لسعر معقول و غطته شركات التأمين و السعر ده مناسب لمدى فاعليته فساعتها النقطة دى هتكون اتحلت.

الخلاصة ... ده تطور واعد جدا فى علاج ارتفاع ضغط الدم (واحد من أخطر الأمراض فى عصرنا الحالى) ... بس لسه محتاج شغل كتير لتأكيد فاعليته أولا و توصيله للمرضى ثانيا.

المراجع فى العليقات 👇

08/27/2022

أهم نتائج الدراسات السريرية اللتى عرضت فى اليوم الأول لمؤتمر الجمعية الأوروبية لأمراض القلب

1. وقت تناول علاج الضغط (صباحا أو مساءا) لا يؤثر على معدل حدوث مضاعفات ارتفاع ضغط الدم ⏰

أثبتت دراسة TIME و اللتى تمت على 21 ألف مريض بارتفاع ضغط الدم (تمت متابعتهم لأكثر من 5 سنوات) أن توقيت تناول أدوية الضغط لا يؤثر على معدل حدوث السكتات القلبية أو الدماغية.

2. اضافة Sacubitril الى Valsartan لا يؤدى الى تدهور الوظائف العقلية لمرضى هبوط عضلة القلب مع الحفاظ على معدل الكسر القذفى Heart failure with preserved ejection fraction 🧠

كما أثبتت دراسة PERSPECTIVE Trial و اللتى تمت على 592 من 20 دولة تم توزيعهم الى تناول عقار Sacubitril/Valsartan (المعروف ب Entresto) أو Valsartan فقط و تمت متابعتهم على مدار 3 سنوات بدون أى اختلاف واضح فى النتائج.

3. تناول حبة مجمعة Polypill تحتوى على عقار خافض لضغط الدم Ramipril و عقار خافض لمستوى دهون الدم Atorvastatin و الأسبرين يقلل من خطر الوفيات بأمراض القلب و السكتات القلبية و الدماغية فى المرضى اللذين سبق تعرضهم لجلطة قلبية Myocardial Infarction 💊

كما أثبتت SECURE Trial و اللتى تمت على 2499 مريض بجلطة قلبية و تابعتهم على مدار 3 سنوات و لاحظت انخفاض فى معدل المضاعفات فى مجموعة Polypill مقارنة بمجموعة Usual care.

04/29/2022

اكتشاف نوع جديد للانقسام الخلوى بدون تصنيع حمض نووى 🐠🧬

معظمنا درس نوعين من أنواع الانقسام الخلوى: الميوزى و الميتوزى ... و فى النوعين الخلية لازم تصنع حمض نووى DNA Replication أثناء عملية الانقسام ... من يومين الباحثين فى معهد الكيمياء بتايوان اكتشفوا نوع جديد الخلية بتنقسم فيه بدون تصنيع حمض نووى و أطلقوا عليه "الانشطار اللاتصنيعى Asynthetic Fission".

الباحثين لاحظوا العملية دى أثناء دراسة خلايا الجلد فى يرقات Zebrafish ... فى البداية طوروا نظام لتلوين خلايا الجلد Palmskin و بعدين استخدموا تصوير ميكروسكوبى تسلسلى Time-lapse imaging لمراقبة الخلايا دى ... لاحظوا أن بعض الخلايا فى جلد اليرقات بتنقسم بسرعة كبيرة لدرجة أن بعض الخلايا ممكن تنقسم أكتر من مرة بدون تصنيع DNA جديد ... طبعا الانقسام السريع ده كان مصحوب ببعض الأخطاء زى مشاكل فى الانفصال التام للكروماتيدات أو حتى فقدان بعض المادة الجينية و أحيانا حتى الخلية بدأت فى الانقسام و بعدين رجعت التحمت تانى و هجرت عملية الانقسام.

طب ليه الخلايا دى بتعمل كده؟ ... يعتقد الباحثين ان الخلايا بتعمل كده فى مرحلة النمو السريع للكائن الحى لضمان وجود كمية كافية من خلايا الجلد لتغطية سطحه و بالتالى ده اجراء مؤقت لزيادة مساحة سطح الجسم Body surface area ... لأن بعد أسابيع قليلة Zebrafish اتخلصت من الخلايا دى و استبدلتها بخلايا عادية بانقسام ميتوزى عادى و كمية طبيعية من DNA.

طب هل النوع ده من الانقسام الخلوى بيحصل فى البشر؟ ... ممكن ... هما حاليا اكتشفوه فى Zebrafish و هى أحد فصائل الفقاريات Vertebrates و لذا قد يوجد فى البشر و سيتم التحقق من هذا الأمر فى الدراسات القادمة.
https://www.nature.com/articles/s41586-022-04641-0