03/29/2022
गैर आवासीय नेपाली संघ एउटा संस्था मात्र नभएर अभियान भएको कुराबारे हामी सबै गैर आवासीय नेपाली जानकार छौं । एक पटकको नेपाली सधैको नेपाली र नेपालीका लागि नेपाली मुल मन्त्रलाई आत्मसात गर्दै गैर आवासीय नेपाली अभियान अघि बढिरहेको छ । संघ स्थापनाको १९ औं बर्ष प्रवेशको यो अवधिमा संघमा धेरै उतार चढावहरु आएका छन् । कतिपय अवस्थामा मत मतान्तर पनि आउने गरेका हुन्छन् । जिवन्त र सक्रिय संस्थामा कुनै विषयमा वाद विवाद आउनु वा कुनै विषयमा पक्ष वा विपक्ष हुनुलाई अन्यथा लिनु हुँदैन । खाली त्यसले संस्थाको मुल उद्देश्यलाई हानी पु¥याउन भने अवश्य हुँदैन । संस्था भन्दा माथि अरु केही हुन सक्दैन । संस्थाको महान लक्ष्य भन्दा पर कोही जानु हुँदैन ।
गैर आवासीय नेपाली संघ स्थापना भई १९ वर्ष भैसक्दा यसको कार्यक्षेत्रको दायराहरु पनि फराकिलो बन्दै गएको छ । तत्कालिन र दिर्घकालिन उद्देश्यहरु दिनानुदिन बढ्दै गईरहेको छ । नेपाली नागरिकताको निरन्तरता, दोहोरो कर प्रणालीको खारेजी, एनआरएनहरुलाई व्यवहारतःलगानी मैत्री वातावरण निर्माण, श्रममा जाने नेपालीलाई संचय कोषको प्रबन्ध जस्ता धेरै मुद्दाहरु सम्बोधन हुनुपर्ने आवश्यकता रहेको छ । यसका लागि निश्चयनै एकतावद्व एनआरएनएको आवश्यकता रहन्छ । बलियो एनआरएनए रहँदा गैर आवासीय नेपालीका धेरै मुद्दाहरुलाई सम्बोधनका लागि संघले ठोस पहलकदमी लिन सक्दछ । यसर्थ पनि एनआरएनएलाई एकतावद्व बनाउनु आवश्यक रहेको छ । यस पक्षलाई सबैले हृदयंगम गरेर एउटा सहमती निर्माण भएको र त्यसैको जगमा नया कार्यसमितिको निर्माण भएको सबै एनआरएनहरुलाई थाहा भएकै छ । सबै गैर आवासीय नेपालीलाई एकिकृत गर्न विगतको साखलाई निरन्तरता दिदैं अझ प्रभावकारी एनआरएनए बनाउनका लागि एकतावद्व एनआरएनए आवश्यकता रहेको थियो र त्यसका लागि आम सहमतीको अर्को विकल्प थिएन । त्यस अर्थमा सबैको भावनालाई समेटेर संघको नयाँ कार्यसमितिको निर्माण भएको छ । यस समितिमा मलाई महासचिवको जिम्मेवारी प्राप्त भएको छ, म सबै एनआरएनए अभियन्ताहरुलाई हार्दिक धन्यवाद दिन चाहन्छु । निर्वाचित तिन अध्यक्षसहीत सबै कार्यसमितिका साथीहरुलाई हार्दिक बधाईसहीत सफल कार्यकालको शुभकामना व्यक्त गर्दछु । यस सम्मेलनलाई सहमतीको सम्मेलन बनाउन भूमिका खेल्नुहुने सबैमा हार्दिक आभार प्रकट गर्दछु । मलाई प्राप्त जिम्मेवारीमा न्याय गर्दै आफ्नो तर्फवाट गैर आवासीय नेपालीको अभियानलाई बल पुग्ने गरी कार्य गर्ने प्रतिवद्वता समेत व्यक्त गर्दछु ।
धन्यवाद । जय नेपाल । जय एनआरएनए ।
भवदीय,
डा. केशव पौडेल
महासचिव
गैर आवासीय नेपाली संघ,अन्तराष्ट्रिय समन्वय परिषद्
गैरआवासीय नेपाली संघ आईसीसीका महासचिव डा केशव पौडेल
