11/28/2025
🚼✨ ሾተላይ ምንድን ነው? | HDFN!
✦───────────────✦
ሾተላይ በመባል የሚታወቀው ክስተት ብዙ ጊዜ አንዲት እናት ከመጀመሪያ እርግዝናዋ በኋላ በተደጋጋሚ የሚከሰት የጽንሱ መጥፋት ነው።
✅✨ ይህ ለምን ይሆናል?
――――――――――――
የሰዎች ደም በአራት መደብ ይከፈላል። እነሱም የደም ዓይነት ኤ፣ ቢ፣ ኤቢ እና ኦ (Blood Type A, B, AB & O) ናቸው።
👉👉 እነዚህ ደግሞ እያንዳንዳቸው በሁለት አበይት የአር ኤች (Rh) መደብ ይከፈላሉ። እነሱም:-
1️⃣🩸አር ኤች ፖዘቲቭ (Rh +) እና
2️⃣🩸አር ኤች ኔጋቲቭ (Rh-) በመባል ይመደባሉ።
ለምሳሌ:- የአንድ ሰው የደም ዓይነት A+ ወይም A- ሊሆን ይችላል።
የሰው ማንነቱ ከእናቱና ከአባቱ በሚወስደው የዘር- መል ይወሰናል። የደም ዓይነትም በዚሁ መልክ እንወስዳለን።
ከአር ኤች ፖዘቲቭ (Rh +) አባት እና ከአር ኤች ኔጋቲቭ (Rh-) እናት የሚፈጠር ጽንስ አር ኤች ፖዘቲቭ (Rh +) የመሆን እድሉ የሰፋ ነው።
✅✨ ሾተላይ እንዴት ይከሰታል?
――――――――――――――
ሾተላይ የሚከሰተው አንዲት ሴት የደም ዓይነቷ አር ኤች ኔጋቲቭ (Rh-) ሆኖ ከዚህ በፊት አር ኤች ፖዘቲቭ (Rh +) የሆነ ደም ወደ ሰውነቷ ሲገባ ደሟ ውስጥ አር ኤች ፖዘቲቭ (Rh +) የሆኑ የደም ህዋሶችን የሚያጠፋ ንጥረ-ነገር በደሟ ውስጥ ይመረታል።
ይህ ንጥረ-ነገር አንዴ ከተመረተ በደሟ ውስጥ እስከ ህይወቷ ፍጻሜ ድረስ ይኖራል ወይም ይቆያል።
በመሆኑም በማህጸንዋ ውስጥ የያዘችው ጽንስ የደም ዓይነቱ አር ኤች ፖዘቲቭ (Rh +) ከሆነ የተመረተው ንጥረ-ነገር ጽንሱን እንደ ባእድ አካል ስለሚቆጥረው ያጠቃዋል።
በዚህም ምክንያት በተደጋጋሚ የምትይዘው ጽንስ የደም ዓይነቱ አር ኤች ፖዘቲቭ (Rh +) ከሆነ አስፈላጊውን ህክምና ካልተደረገላት ይሞትባታል።
የደም ዓይነቱ አር ኤች ኔጋቲቭ (Rh-) ከሆነ ግን በጤና ይወለዳል።
ይህ እንዲሆን ግን የአባትየው የደም ዓይንት አር ኤች ኔጋቲቭ (Rh-) መሆን አለበት።
✅✨ ሕክምናው ምን ይመስላል?
―――――――――――――――
1️⃣ የደም ዓይነቷ አር ኤች ኔጋቲቭ (Rh-) የሆነች እናት ሕክምናዋ በሆስፒታል ውስጥ መሆን አለበት።
2️⃣ በደሟ ውስጥ ያለውን የንጥረ-ነገር መጠን መለካትና የጽንሷን የጉዳት መጠን በማየት ብዙ ሳይጎዳ እንዲወለድ ማድረግ።
3️⃣ በሀገራችን በቅርቡ የተጀመረው ጽንሱ በማህጸን ውስጥ እያለ ደም በመለገስ እንዲያድግና እንዲወለድ ማስቻል።
✅✨ እንዴት እንከላከለው?
―――――――――――――
1️⃣ ማንኛዋም ሴት ከማርገዟ ወይም ማንኛውንም ደም ከመውሰዷ በፊት የደም ዓይነቷን ማወቅ አለባት።
2️⃣ የወንድ አጋሯን የደም ዓይነት ማወቅ አለባት።
3️⃣ እርግዝና አር ኤች ፖዘቲቭ( Rh +) ከሆነ አጋሯ ከተፈጠረ መጀመሪያ በሚደረግላት ምርመራ (Indirect Coomb’s Test) ንጥረ-ነገሩ አለመመረቱን ያረጋግጣል።
እዳይመረት የሚከላከል መድሃኒት (Anti-D) 7ተኛ የእርግዝና ወሯ ላይ ይሰጣታል።
ከወለደች በኋላ የልጇ የደም ዓይነት አር ኤች ፖዘቲቭ (Rh +) ከሆነ በድጋሚ መድሃኒቱ ይሰጣታል።
4️⃣ እርግዝናው ከማህጸን ውጭ ወይም በውርጃ ቢያበቃም መከላከያውን መድሃኒት መውሰድ አለባት።
በዶ/ር ቤቴል ደረጀ- የማህጸን እና የጽንስ ስፔሺያሊስት
መረጃውን ለወዳጅ ዘመድዎ ያጋሩ! ጤና ይስጥልን። 🙏
▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰
ጤና ይስጥልን! 🙏
ለበለጠ የጤና መረጃ የማህበረሰብ ትስስር ገጾቻችንን ይጎብኙ!
▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰
ለበለጠ የጤና መረጃ ኢትዮጤና የፌስቡክ ገጽን ላይክ፣ ሼር፣ እና ፎሎው ያድርጉ!
👇🏼👇🏼👇🏼👇🏼👇🏼👇🏼👇🏼👇🏼
https://linktr.ee/ethiotena
▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰▰
#ሾተላይ #እርግዝና #ጽንስ #ኢትዮጤና
