11/08/2025
مش هتعرف تحب بعدي !!
اول كلمة بيقول العميل إنها قالتها ليه
ليه الست الحدية صعب تتنسي ؟
ال BPD اسمه جاي من فكرة إن الشخص يعيش دايما على الحد بين الحب والكره بين الحضور والغياب بين الجنة والنار
هو مش شخص شرير أو درامي هو شخص مشاعره × 10 وإحساسه بالخطر من الهجر أو الفقد مش خوف طبيعي زي الناس ده هلع وجودي
اللي بيحب ست عندها اضطراب الشخصية الحدية بيعيش تجربة خارج المألوف
هو مش حب عادي دا حب في شكل تسونامي
دماغ الحدية فيها خلل في مناطق تنظيم الانفعالات زي
Amygdala = فرط نشاط + استجابة عاطفية مفرطة
Prefrontal Cortex = ضعف في الفرامل + صعوبة في تهدئة المشاعر
الدوبامين والسيروتونين = اضطرابات في توازنهم + تقلبات حادة في المزاج والدوافع
يعني ببساطة الحدية بتحس 10 أضعاف وبتخاف 10 أضعاف وبتحب 10 أضعاف
فـ لما تحبك بتحس إنك بقيت كل حاجة فعلاً
الجرح القديم اوي اللي اسمه جرح الهجر
غالبا اتزرع في الطفولة بسبب إهمال عاطفي , أسرة متقلبة , غياب أمان ثابت
فالحدية بتحب علشان تثبت إنها مش هتتساب تاني ولما تبدأ تحس إنك بتبعد بتعمل حاجتين متناقضتين
يا إما تتعلق بيك بجنون وتمسك فيك كأنك طوق النجاة
يا إما تهجمك بعنف وتبعدك بنفسها قبل ما تسيبها
وده اللي بيخلي العلاقة أشبه برقصة بين المقام الاعلي من الجنة والدرك الاسفل من النار
البصمة العصبية اللي بتسبها الحدية بتتجاوز البعد الفيزيائي وتذهب حيث روحك تنفذ كالطلقة لا تخطئ هدفها
المشاعر الكثيفة، التناقض، الدراما، المصالحة، الانجذاب الجنوني ، الفوران الانفعالي كل ده بيخلي دماغك يفرز جرعات عالية من دوبامين السعادة وادرينالين الإثارة واوكسيتوسين الارتباط
يعني العلاقة بتتحول حرفيا لإدمان كيميائي مكتمل الأركان فلما العلاقة تنتهي، بيحصل ما يشبه أعراض انسحاب من المخدر
لأن جهازك العصبي اتبرمج على تواجدها كمصدر للذة والوجع معا ودا الاعجاز اللي بتعمله الحدية وهي سايبه ايديها
Anxious Attachment بيكون مصير الشخص اللي مرتبط بحدية
هي بتشدك وتبعدك في نفس الوقت
كل مرة بتقرب منك بتحس إنها أخدتك لفوق هناك في النعيم
ولما تبعد عنك بتحس إنك وقعت في فوهه بركان , الدماغ بيتعلق بيتخطف حرفيا
وده السبب إن كتير بيقولوا
"مش قادر أنساها مع أنها كانت مطلعة عيني "
الكثافة الحسية والعاطفية مستحيل تعشها مع واحدة تانية لأن مفيش ست تعرف تعمل اللي بتعمله الحدية
لكن المشكلة أن قلبها المكسور بيحاول يحب من جوه الكسر وده بيخليها أحياناً تحب بطريقة جارحة او تهاجم اللي بتحبه خوفاً من إنه يبعد ومع ذلك هي قادرة تفتح فيك باب جديد للإحساس , بتخليك تذوق مشاعر عمرك ما دقتها , تحس بالحياة في أعنف وأجمل صورها وده بيخلي النسيان صعب لأنك مش لاقي بعدها نفس درجة الحياة
الحدية حبها بييجي خام، نقي، مش مفلتر، من غير فرامل وده بيخلي أثرهم يمتزج في دمك، مش في ذاكرتك بس
فـ لما يبعدوا، بتفضل تدور على النسخة المحروقة من نفسك اللي كانت حية معاهم
