Dr Nafyad Getu

12/27/2025

Dhukkubbii dugdaa yeroo ulfaaf furmaanni maali ?

Yeroo ulfaa dhukkubbii dugdaa qabaachuun kanuma jiruufii eegamudha. Sababni isaas;-

*ulfaatinni qaama waan dabaluuf( gaining weight.)

*Bakki harkisa lafaa fi haalli dhaabbii wayita ulfaa jijjiiramuu (your center of gravity changes)

*Jijjiiramni hormoonii yeroo ulfaa akka maashaaleen lallaafuun da’umsaaf ofqopheessan taasisuun kan ka'edha (your hormones are relaxing the ligaments in the joints of your pelvis).

Furmaata:

1. Haala dhaabbii ofii sirrii ta’e qabaachuuf shaakaluu(Practice good posture)

Yeroo gadameessi guddataa deemu harkisi lafaa fuulduratti jijjiiramaa deema. Sababa kanaaf akka fuulduratti hinkufneef haadholiin ulfaa duubatti jedhanii deemuun dhaabbii isaanii eeggatu.kunimmoo maashaa dugdaa gara gadii gototuun dhukkubbii dugdaa fida.
Kanaaf ;-
Yeroo dhaabbatan oljedhanii qixxaan dhaabachuu
Miilla cufanii dhaabbachuu dhiisuu(bal’isanii dhaabachuu).
Yeroo sa’a dheeraaf dhaabbachuun dirqama ta’e miilla tokko irra dabaree dabareen ulfaatina hir’isuu
Yeroo taa’an taa’umsa dugdaaf hirkoo gaarii qabu ykn boraatii xiqqoo dugda duubaa fi hirkoo taa’umsaa gidduu kaa’achuu.

2. kophee sirrii kaa’achuu(Get the right gear)

Kophee jalli isaa diriiraa ta’e fayyadamuu. Kan kopheen isaa olka’aa ta’e itti cimsa waan ta’eef dhiisuu.

3. yeroo lafaa waa kaasan haala hinmiineen kaasuu(Lift properly)

Gadjedhanii waa fuudhanii oljechuu dhiisuun,taa’anii waa fuudhuun olka’uu.

Akkasumas waanta gurguddaa kaasuu dhiisuu.

4. cinaachaan ciisuu(Sleep on your side)

Cinaachaan ciisuu/rafuu fi miilla jilbatti dachaasuu. Akkasumas boraatii miilla gidduu kaa’achuun rafuu.

5. Fooxaa bishaan ho’aan jiidheen dugda sukkuummachuu.

6. Sosochii qaama taasisuu

7. Boqonnaa ga’aa qabaachuu/fudhachuu

Haa ta’u malee yoo dhukkubbiin dugdaa baay’ee cimaa ta’e ogeessa fayyaa mariisisuun dawaa dhukkubbii hir’isan fudhachuu. Akkasumas dhukkubbiin dugdaa cimaan mallattoo ciniinsuun yeroo malee dhufuu fi infekshinii ujummoo fincaanii keessaa isa tokko ta’uu waan maluuf ilaalamuun gaariidha.

Fayyaa hin dhabinaa !

Dr. Lammii Gonfaa ( Ispeeshaalistii Ulfaa fi Gadameessaa@WUCSH, Naqamtee)

11/25/2025

Gidduu kana Namoonni hedduun Dhibee bifa Utaalloo/diifafa fakkaatuun Hubamaa jiru.
Kanaaf Maal gochuu qabdu ?

🌻Wantoota ho’aa tahan bishaanis tahe shaa’ee ykn kan biro dhuguu ykn aara ho’asaa funyaan keenyatti qabachuu.

🌻Dhangala’aa sirriitti fayyadamu.
Akkuma beekamu dhangal’aan funyaan namaaa keessaa waan dhangala’uuf dhangala’aan qaama keenya keessaa hir’achaa deema. Kanaaf dhangala’aa fudhachuun bakka buusuu qabna

🌻Cuunfaawwan Vaayitaamin C’n badhaadhan akka loomii, burtukaanaa fi maangoon fayyadamuu . Akkuma beekamu vaayitaamin C’n haguuggii ujummoo qilleensaa keenyaa jabeessun akka dhukkuba ofirraa lolu godha

🌻 Boqonnaa fudhachuu
🌻Yoo mataa dhukkubbii hamaan nu mudate qorichoota mataa bowwuuf oolan baayyeen waan jiraniif isaaniin fudhachuu

🌻Qorichooonni dhangala’aa funyaan keessaa dhaaban kan decongestant jedhamanis waan jiraniif isaaniin bitatanii fayyadamuuniis gaariidha

🌻Damma dhangala’aa fayyadamuu. Dammi kemikaala farra baakteriyaaf vaayirasii tahe waan of keessaa qabuuf , qorannoon bahe akka agarsiisuutti damma fayyadamuun qufaa sababa utaalloon dhufu ittisuu keessatti gahee guddaa qaba. Kanaaf yeroo ciisichaa damma fal’aana tokko fayyadamuun baayyee gaariidha , keessaayyuu daa’immaniif baayyee gaariidha.

Hubachiisa :- daa’immaan waggaa tokkoo gadiif damma kennuun fayyaa isaaniif gaarii miti.

🌻Qullubbii fi zinjibillis utaalloo nurrraa loluuf mallattoowwan utaalloon wal qabatanii dhufan nurraa fooyyeessuu keessatti gahee guddaa qaba.

🌻Bishaan soogiddaan xiqqoo ho’isne qoonqoo keenya ittiin lulluuqachuunis mallattoowwaan utaalloon wal qabatanii dhufan kanneen akka dhukkubbii qoonqoo nurraa ittisuu keessatti gahee guddaa qaba.

🌻Bishaan ho’aa erbee xiqqoon jiisuun naannoo morma keenyaarra godhachuu
🌻akka Nama biraatti hin dabarreef Haguuggii funyaanii fayyadamuu, Yeroo haxifattan ciqilee keessan fayyadamuu, harkaan nama dubbisuu dhiisuun barbaachisaadha.

Yeroo tokko tokko utaalloon namarra turuun gara sombaa deemuun ineekshinii sombaaf nama saaxiluu danda’a. kanaaf mallattoowwan akka qufaa jiidha qabu, ho’ina qaamaa olaanaa ,laphee nama waraanuu fi hafuurri namatti cituufaa yoo isin quunname mana yaalaa deemuun yaalii barbaachisaa argachuu qabdu .

Galatoomaa, fayyaa hin dhabinaa
-Dr Nafyad Getu

11/24/2025

Abbaan manaakoo yeroo hunda uffata halkanii mataatti haguuggatee narraa achi galagalee bula naan jette haati manaa guyyaa tokko yaalaaf nu bira dhufanii !
Maal jechuudha jedhee gaafa irra deebiyee gaafadhu fedhii naaf hin qabu, natti hin mirqaanu, calluma jedhee rafa naan jette!

Fedhii wal-qunnamtii saalaa dhiiraa maaltu hir'isa?

1. Dhiphina hamaa/ stress
2. Sochii qaamaa gochuu dhiisuu ykn sochii qaamaa garmalee humnaa oli gochuu
3. Ulfaatina qaamaa garmalee
4. Hirriba dhabuu
5. Ofitti amanamummaa dhabuu
6. Alkoolii baay’inaan dhuguu
7. Dhibee akka sukkaaraa fi dhiibbaa dhiigaa
8. Qorichoota tokko tokko kanneen dhiibbaa dhiigaaf kennaman fi mukuu namaaf kennaman (side effect)
9. Hir’achuu hormoonii testestiroonii
Kanaaf namoonni rakkoo akkanaa qabdan sodaa tokko malee kottaa nu waliin mari’adhaa!

Namoonni rakkoo fayyaa kanaaf kanneen biroon wal qabatan beellama qabattanii nu biratti yaalamuu barbaaddan
Teessoon :- Finfinnee , Ayat , Derartu adebabay
0909102009 ykn Karaa Telegram nuuf barreessaa!
Fayyaa hin dhabinaa!

11/19/2025

Of eeggannoo ‼️‼️
Group Telegram irratti banamee Maqaa kiyyaan daldalamaa jiru kun kan kiyya miti !
Yeroo baay’ee maxxansuun hubachiisuuf yaaleera. Namoonni fake account bananii maqaa namoota amma kana group keessatti add yoo gootan Qarshii amma kanaa argattu jechuun screenshot photoshop hojjetanii nama gowwoomsaa jiru.

Ani group Maqaa kiyyaan bane tokko hin qabu . Kanaaf group telegram kun kan kiyya akka hin taane bartanii group sana keessaa akka Baatan kabajaan isin gaafadha !

Galatoomaa !

11/18/2025

Jaalallee qabdaa ?

11/17/2025

Suuraa kana barreefamaan ibsi yoo jedhamte Maal jettee ibsita ?🫣

11/17/2025

Yaalii rakkoo dafanii xumuruu yeroo wal qunnamtii saalaa

11/15/2025

Of eeggannoo‼️
Dhibee sodaachisaa Heemoraajik fiiver Kan naannoo jiinkaatti kaheefi Simbira halkanii!

Tibbana weerarri Dhibee Heemoraajik fiver naannoo jiinkaatti kahe sababa vaayirasii “Marburg virus “ jedhamuun dhufuu isaa qorannoon mirkaneessee jira !

Baattuun vaayirasii kanaa sinbira halkanii (Fruit Bats) iedhamturraa namatti darba . Simbirri halkanii kun akka soorataatti fuduraaleef abaabboo fayyadamti . Dhangala’aan Simbira kana keessaa bahu kan akka Fincaan , gororaa fi dhangala’aan biroo qaama ishii keessa bahu yoo nama tuqe vaayirasiin kun namatti darba .
Vaayirasiin kun yoo nama qabu carraan lubbuu namaa dabarsuu isaa baay’ee ol’aanaadha. Hanga %88 gahuu danda’a.

Dhukkubni kun nama mallattoo dhukkubichaa muldhisuu jalqabe irraa qofa namarraa namatti darba .

Simbirri halkanii baattoo vaayirasii kanaa taate kan isaan jiraatan holqa keessadha. Gaafa namoonni albuuda baasuuf akkasumas waan biraaf gara holqaa seenan, fincaan, udaan, ykn gorora sinbira halkaanii kanaaf saaxilaman vaayirasichi gara namaatti daddarba .

Vaayirasiin kun nama Dhibee kanaan qabamee mallattoo agarsiisu waliin tuttuqii qaamaa fi dhangala’oo qaamaa kanneen akka Dhiiga, gorora, fincaan, sanyii dhiiraa (ispermii) , furrii, imimmaan, dafqa, , balaqqama fi kanneen biroo isaan keessa bahuuf saaxilame Dhibee kanaaf saaxilama. Kana qofa osoo hin taane Uffata walii uffachuun, siree tokko irra waliin ciisuu, wal dhungachuu fi wal qunnamtii saalaan daddarba.

Vaayirasiin kun of eeggannoo yoo hin goone carraa inni dhukkubsataa irraa gara ogeessota fayyaatti daddarbuu isaa olaanaadha. Namoota Dhibee kanaan lubbuun isaanii darbe awwaaluuf Yeroo kafananis of eeggannoo yoo hin goone gara nama isa kafanu sanatti ni daddarba .

Namoonni dhukkuba vaayirasii kanaan qabaman mallattoo armaan gadii agarsiisu

- Dhaqna gubaa/qaama gubaa
-Dadhabbii gar malee
-Dhukkubbii maashaa fi buusaa
-Mataa dhukkubbii
-Teessisaa/garaa kaasaa
-Olguurraa/balaqqama

Yoo dhibeen kun daraan hammaachaa deeme dabalataan malattoo akka
-Dhiiguu qaamaa karaa funyaanii, afaan, irga ilkaanii, gogaa jala, ija, karaa qaamaa saalaa fi qaamota keessaa
-Garmalee gadi bu'uu dhiibbaa dhiigaa
-Dadhabuu kalee fi tiruu fi qaamota ijoo biroo
-Of wallaaluu faa agarsiisa

Kanaaf of eeggannoo akkamii gochuu qabna?

-Nama Dhibee kanaan qabame ykn mallattoo agarsiise waliin tuttuqqii qaamaa gochuu dhiisuu
-Yoo nama dhibee kanaan qabame yaalan/kunuunsan golgaa harkaa fi meeshaalee addaa dhimma kanaaf hijiirra oolan (personal protective equipment) fayyadamuu.
-Nama Dhibee kanaan shakkame hatattamaan gara mana yaalaa geessuu
-Harka keenya saamunaaf bishaaniin qulqulleefachuu ykn Sanitizer fayyadamuu

Fayyaa hin dhabinaa
Dr Naafyaad Geetuu

11/08/2025

Akkaataa yaaddoo ykn sodaa of irraa ittisnu

1. Waa'ee yaaddoo(rakkina)keetii dubbadhu. Hiriyaa jaalattu mariisisi
2. Bashannanuu shaakali. Karaa sammuukee dhiphina sana keessaa baaftu fayyadami
3. Qilleensa dheeraa baafadhu
Boqonnaa yeroo gabaabduufi hafuura dheeraa(jalaa kaasanii hamma oliitti) baafachuun dhiphinakee irraa si boqochiisa.
4. Sirriitti nyaadhu.
Guyyaa kee ciree gaarii nyaachuun eegali. Biqiltoota fayyadamuun aarii qabbaneessa.
5. Garee gargaarsaa barbaadi.
Muuxannoo namoota kaanii irraa barumsa baay'ee argatta. Isaanis rakkinakee si hubatu.
6. To'annoo yaadaa
Yeroo yaadonni si yaaddessan gara gola sammuukee dhufan "Waawuu" jedhii waan biraa yaaduu ykn dalaguu eegali.
Fknf, kitaaba qulqulluu, xiinsammuu, onnachiisaa, asoosama garaagaraa dubbisi. Yaaddookee achi keessa dhokfatta.
7. Sammuukee hojiidhaan akka qabamu godhi. Hojii malee taa'uun yaaddoo namatti hammeessa.

8. Malaan miira busheessuu
Adeemsi kun tooftaa bashannanaa barachuun isa Burqaa yaaddoo adda baasuufi to'achuuf nama gargaaru of keessatti qabata. Adeemsi isaas saffisaadha. Carraan milkaa'uu is a as olaanaadha. Haa ta'u malee hirmaanna hayyoota xiinsammuu barbaada.

Fayyaa hin dhabinaa

11/02/2025

Dargaggoonni hedduun Qoricha qaama saalaa dhiiraa kaasu (vigra) hedduminaan fayyadamuun dhiibbaa hamaaf saaxilamaa jiru!

Yeroo amma kana qorichoota baayinaan biyya keenya keessaati gurguramaa jiru keessaa tokko qorichaa qaama saalaa dhiiraa laafe kaasu Vaayigiraa jedhamudha. Qorichi kun haala nama yaaddeessuun irra caalaatti dargaggoonni keenya hedduminaan fayyadamaa jiru.

Mee waa’ee qorichaa kanaa waliin haa ilaallu
Qorichii Vaayigiraa ykn Siildenaafil jedhamu kun ogeessa fayyaan namoota rakkoo fayyaa kahuu dhabuu qaama saalaa dhiiraa qabaniif akkasumas namoota dhiibbaa dhiigaa somba keessaa (Pulmonary hypertension ) qabaniif kennama.

Qorichii kun namoota qaamni saalaa isaanii kahuu dide ykn kahuuf dadhabaa taheef kennama. Kunis namoota sababa umurii fi dhibee fayyaa buleeyyii akka Dhibee sukkaaraafi kkf qabaniif ogeessa fayyaan kennama.
Ogeessi fayyaa tokkos qorichaa kana yoo ajaju namni sun Rakkoo fayyaa kan biro kanneen akka dhibee Onnee , Dhiibbaa dhiigaa, dhibee kaleefi tiruu akkasumas qorichaa inni dhibee biraaf fudhatu ilaalee kenna. Garuu haala yeroo ammaa argaa jirruun qorichi kun bakka garaagaraatti ajaja ogeessa fayyaa ykn hakiimaa malee yeroo gurguramaa jiru argaa jirra. Keessumaa dargaggoonni umuriin isaanii waggaa 20 gadi tahellee qoricha kana yeroo isaan fayyadaman nii argama.

Qorichii kun maashaa ujummoo dhiigaa qaama saalaa keessatti argamu diriirsuun dhiigni gara ujummoo dhiigaa qaamaa saalaa keessa jiru akka guutu gochuun qaamni saalaa akka kahu godha.Kanaaf sababa rakkoo fayyaa garaagaraan namoota qaamni saalaa isaanii kahuu dideef ykn jabaachuu dideef(Erectyle dysfuntion) ajaja ogeessa fayyaan kennama.

Qorichi kun namoota rakkoo fayyaa garaagaraa kanneen akka dhibee onnee qabna, dhiibbaa dhiigaa,dhibee kaleefi tiruu hamaa, namoota qorichaa dhibee onneef kennaman tokko tokko fudhataniifi kkf waliin yoo fudhatan rakkoo biraa irraan geessisuu dandaha.Kanaaf ogeessi fayyaa rakkoo kanaaf kana fakkaatan ilaalee erga adda baasee booda kennuu qaba kan jennu.

Namoota qorichii kun ajaja ogeessa fayyaan kennameef waan isaan beekuu qaban keessaa muraasni:-
1. Qorichaa kana wal-qunnamtii saalaa dura daqiiqaa 30 – sahaa dursanii fudhachuu qabu
2. Guyyaatti yeroo 1 qofa fayyadamuu qabu
3. Doozii ykn hamma ogeessi fayyaa ajajee kennerra dabarsuu hin qaban
4. Qorichii kana fudhatanii sahaa 4f walitti aansee qaamni saalaa isaanii kahee dhaabatee yoo ciisuu dide dabalataanis kahee hedduu dhukkuba yoo tahe hatattamaan mana yaalaa deemuu qaba
5. Mallatoowwan akka dhukkubbii laphee hamaa, rakkoo arguu ijaa, hafuurri namatti ciccituu, harma miilaaf qaamni biraa dhiitahuu,hurka ykn dafaqa garmalee argitanii hin beekneefi kkf yoo isin quunname hatattamaan mana yaalaa deemuu qabdu.

Namoonni rakkoo kahuu dhabuu qaama saalaa , dafanii xumuruu yeroo wal qunnamtii saalaa qabdan dhuftanii nu biratti qorannoof yaalii argachuu dandeessu !
Teessoon keenya Hayat , Derartu Adebaby
0909102009 bilbila ittiin beellama qabattan!

Fayyaa hin dhabinaa !
Dr Nafyad Getu

10/30/2025

🙏🙏

DECx Spotlight: Dr.Nafyad Getu

Since childhood, one dream lived deeply in the heart of a young boy from East Wollega. He wanted to become a medical doctor. That boy grew into Dr. Nafyad Getu, a man whose purpose never faded. After years of dedication, he fulfilled his dream by studying medicine at Haramaya University.

He started his career as a university lecturer, teaching with passion and inspiring future health professionals. But he always believed that important knowledge should reach everyone, not only students sitting inside a classroom. He knew there were people suffering silently simply because no one ever taught them the truth about their bodies and their health.
So he stepped out. With courage and purpose, he began sharing health education on Facebook, TikTok and YouTube. He chose to speak openly about topics many avoided, including sexual health, sexually transmitted diseases, and reproductive health. These were conversations society often pushed into silence. His approach shocked some people and attracted criticism, but it also awakened millions. Dr. Nafyad always responded with calm determination saying that health without shame is a right and a necessity. Very quickly his content spread across the country. People listened, learned and shared. His bold voice earned him a name from the public “Abbaa Cabsaa”.

Today he has a strong and growing community including 576K followers on Facebook, 443K subscribers on YouTube and more than 539K on TikTok.
He did not only educate online. He wrote “Faaya Fayyaa”, a health book in Afaan Oromo, so communities can learn in their own language with dignity and clarity. He opened his own clinic in Addis Ababa to serve patients directly. Through his show on ETV Afaan Oromo, he brings accessible health knowledge to households across the country.

Dr. Nafyad Getu could have chosen comfort, silence and a conventional medical career. Instead, he chose courage, truth and service. From a boy with a dream in East Wollega to a doctor, writer, educator and public health leader, he continues to remind us that knowledge saves lives and silence can harm them.

From a childhood dream to a national voice, Dr. Nafyad has proven that purpose grows when shared with others. By breaking silence and spreading truth, he has opened doors to awareness and dignity in health. His work continues to inspire and transform lives every single day.
…..........................

This story is brought to you by Debo Engineering, a leading digital innovation and software company, in collaboration with DECx Marketing Agency, Ethiopia’s influencer and brand storytelling agency.

Check our website: http://www.decxmarketing.com

For more updates follow our social Medias pages:
Facebook: https://web.facebook.com/DECxMarketingAgency
Linkedin: https://www.linkedin.com/company/decx-marketing-agancy/
Telegram: https://t.me/decxmarketing
TikTok: https://www.tiktok.com/
Instgram : https://www.instagram.com/dexc.marketing