12/01/2025
👶✨ “با.. با” مش بس صوت — هاي بداية اللغة!
لما تسمعوا طفلكم يطلع أصوات بسيطة زي “با” “ما” “دا”… اعرفوا إنه عم يبني أول لبنات التواصل.
كيف بنقدر نحفز الطفل عالمناغاة؟
💛 1) ردّوا عليه فورًا
لما يقول “با”… ردّوا: “بااا" وكرروها من وراه وتفاعلوا معه واستجيبوا اله !
هيك بفهم إنه صوته مهم وإله تأثير.
🎵 2) قلّدوا أصواته
هو يقول “با”، انتو قولوا “با با با”. لعبة تقليد بسيطة بتخلي الطفل يكرر أكتر.
👀 3) وجهكم قريب منه خلال التواصل
قربوا وجهكم منه… خلوه يشوف الشفايف وهي تتحرك. هاي لحظة تعلم ذهبية.
🧸 4) أعطوه وقت يرد
احكوا… استنّوا ثانيتين… راح تتفاجؤوا إنه بيحاول يجاوب بطريقته.
احتفلوا بهاللحظات الصغيرة لأنها الأساس لكل اللغة اللي جاية. 💛✨
