QKMF-Istog

21/11/2025

19/11/2025

Si të plotësoni pyetësorin e kënaqshmërisë së pacientëve?

Ju sjellim një video të shkurtër udhëzuese ku shpjegohet hap pas hapi mënyra e saktë e plotësimit të pyetësorit të kënaqshmërisë.

🔹 Plotësimi i pyetësorit na ndihmon të përmirësojmë shërbimet tona
🔹 Mendimi juaj është shumë i rëndësishëm për ne
🔹 Procesi është i shpejtë, i lehtë dhe plotësisht anonim

Ju ftojmë ta shikoni videon dhe të ndani përvojën tuaj me ne.
Faleminderit për bashkëpunimin dhe besimin! 🩺💙
QKMF-Istog, gjithmonë në shërbim të komunitetit.

14/11/2025

Këshilla të shpejta për pacientët me diabet

🍽️ Ushqyerja
• Zgjidh ushqime të freskëta dhe të balancuara.
• Shmang pijet e ëmbla – uji është gjithmonë zgjedhja më e mirë!
• Mbaje pjatën me gjysmën perime, 1/4 proteina, 1/4 karbohidrate.

🚶 Aktiviteti
• 30 minuta ecje në ditë bën mrekulli për nivelin e sheqerit.
• Lëviz pas çdo vakti për 5–10 minuta.

💉 Kontrolli i glukozës
• Mat rregullisht glikeminë sipas rekomandimit të mjekut.
• Mbaj shënime për vlerat – të ndihmon të kuptosh si reagon trupi yt.

💧 Hidratimi
• Pini shumë ujë gjatë ditës, sidomos në ditët me aktivitet më të madh.

👟 Kujdesi për këmbët
• Kontrollo këmbët çdo ditë për plagë ose skuqje.
• Përdor këpucë të rehatshme dhe çorape pambuku.

😊 Menaxhimi i stresit
• Praktiko frymëmarrje të thellë, ecje në natyrë ose aktivitete të këndshme.
• Gjumi i mirë ul nivelin e stresit dhe stabilizon sheqerin.

14/11/2025

14 Nëntor – Dita Botërore e Diabetit 💙

Sot ekipi i QKMF shënoi këtë ditë me një aktivitet sensibilizues në qendër të qytetit, ku infermierët tanë ofruan matjen e glikemisë dhe tensionit arterial, ofruan këshilla profesionale për kujdesin dhe parandalimin e diabetit.

Bashkë për një komunitet më të shëndetshëm.

AQH Project

06/11/2025

04/11/2025

Të nderuar qytetarë,

Ministria e Shëndetësisë në bashkëpunim me
IKShPK ka prezantuar një pyetësor për matjen e nivelit të kënaqshmërisë së pacientëve me shërbimet shëndetësore.
Qëllimi i këtij pyetësori është rritja dhe përmirësimi i vazhdueshëm i cilësisë së kujdesit shëndetësor në institucionet tona.

Pjesëmarrja juaj është shumë e rëndësishme!
Duke ndarë përvojën dhe mendimin tuaj, ju ndihmoni që shërbimet shëndetësore të jenë më të mira, më të sigurta dhe më afër nevojave të komunitetit.

📲 Pyetësorin mund ta plotësoni lehtësisht duke skanuar QR kodin, i cili është i ekspozuar në hapësirat e QKMF-së, QMF-ve dhe AMF-ve në komunën tonë.

Pyetësori është plotësisht anonim dhe të dhënat përdoren vetëm për qëllime të përmirësimit të cilësisë së shërbimeve.

Kujdesi më i mirë fillon me dëgjimin e zërit tuaj!
Plotësoni pyetësorin dhe kontribuoni në zhvillimin e shëndetit publik.

24/10/2025

Muaji Rozë – Muaji i Ndërgjegjësimit për Kancerin e Gjirit 🎀

Në kuadër të aktiviteteve të muajit tetor, QKMF Istog ka organizuar ligjërata sensibilizuese në disa nga shkollat e komunës sonë.
Dr. Egzone Hajrizaj-Hoxhaj ka ligjëruar për rëndësinë e vetëkontrollit të gjirit, zbulimin e hershëm të kancerit dhe mënyrat e parandalimit.

Këto aktivitete kanë për qëllim ngritjen e vetëdijes tek të rinjtë dhe komuniteti, sepse parandalimi dhe informimi janë hapi i parë drejt shëndetit.

16/10/2025

Sot, nxënësit e shkollës “Mehmet Akif” vizituan Ambulancën e Mjekësisë Familjare në fshatin Shushicë, ku u mirëpritën nga infermierja Rrezarta Bujupi.
Gjatë vizitës, ata u njohën nga afër me punën e përditshme në kujdesin shëndetësor parësor dhe morën këshilla të vlefshme për shëndetin, higjienën personale dhe rëndësinë e kontrollave të rregullta mjekësore.

👩‍⚕️ Këto aktivitete kanë për qëllim të nxisin edukimin shëndetësor dhe ndërgjegjësimin e brezit të ri për kujdesin ndaj shëndetit.

13/10/2025

🩸 Dhuroni gjak, shpëtoni jetë! 🩸

QKMF - Istog, në bashkëpunim me Qendrën Kombëtare të Transfuzionit të Gjakut, organizon Ditën e Dhurimit të Gjakut.

📅 Data: 27.10.2025
🕘 Ora: 11:00 – 14:00
📍 Vendi: QKMF - Istog

Ftojmë të gjithë qytetarët e komunës sonë që t’i bashkohen kësaj nisme humane dhe të dhurojnë gjak për ata që kanë nevojë.
Çdo dhurim është një akt dashurie dhe shpëtimi! ❤️

10/10/2025

Në kuadër të projektit THTP, është organizuar trajnimi me temën:
“Vetëkujdesi dhe praktikat e vetëkujdesit”,
nën organizimin e Medica Gjakova dhe Medica mondiale, me trajnerë: Dr.Kadri Seferaj dhe Inf.Luljeta Berisha

Në këtë trajnim morën pjesë punëtorë shëndetësorë nga QKMF, QMF dhe AMF, të cilët patën mundësinë të thellojnë njohuritë mbi rëndësinë e vetëkujdesit në ruajtjen e shëndetit personal dhe profesional.

Falënderojmë organizatorët dhe trajnerët për bashkëpunimin dhe kontributin në ngritjen profesionale të stafit tonë shëndetësor.

09/10/2025

Nxënësit e shkollës “Avni Rrustemi” në Zallq realizuan një vizitë në Ambullantën e Mjekësisë Familjare në fshatin Zallq.
Ata u mirëpritën nga infermierja Valentina Sylaj, e cila i njoftoi nga afër me punën në ambulancë dhe u dha këshilla të vlefshme rreth higjienës personale dhe ruajtjes së shëndetit.

03/10/2025

🎀 Muaji i Ndergjegjësimit për Kancerin e Gjirit

Tetori është muaji i dedikuar rritjes së vetëdijes për kancerin e gjirit. Kujdesi dhe kontrolli i hershëm shpëton jetë! 💕

📌 Ju njoftojmë se në QKMF-Istog kryhet mamografia nga e hëna deri të premten, nga ora 11:00 deri në ora 13:00( duke caktuar terminin paraprak një ditë me parë)
👉 Ju ftojmë të gjitha gratë që të shfrytëzojnë këtë shërbim falas, sepse zbulimi i hershëm është arma më e fortë në luftën kundër kancerit të gjirit.