Këshilli i Pacientëve Mitrovicë

30/10/2025

Takimi i Këshillit të Pacientëve
Dje në zyrën e Këshillit të Pacientëve u zhvillua takimi i radhës me pjesëmarrjen e kryeinfermierës Znj. Meleke Morina.
Gjatë takimit u diskutuan disa tema me rëndësi për funksionimin e përditshëm të institucionit, përfshirë:
* Punën dhe organizimin në Mjekësinë Familjare
* Shërbimet në Laborator
* Furnizimin dhe funksionimin e Barnatores
Qëllimi i takimit ishte të dëgjohet zëri i pacientëve dhe të përmirësohen shërbimet shëndetësore për qytetarët.
Falënderime për të gjithë pjesëmarrësit për bashkëpunimin dhe sugjerimet konstruktive!

07/10/2025

🟠 Reagim nga Këshilli i Pacientëve

Këshilli i Pacientëve shpreh shqetësimin dhe indinjatën e thellë për rastin e raportuar më 6 tetor 2025 në Emergjencën e Mitrovicës, ku një punëtor shëndetësor është sulmuar fizikisht nga një pacient pas një fjalosjeje lidhur me trajtimin mjekësor.

Dhuna ndaj punëtorëve shëndetësorë është e papranueshme dhe e dënueshme në çdo formë. Të gjithë pacientët kanë të drejtë të kërkojnë trajtim shëndetësor me cilësi dhe dinjitet, por kjo e drejtë nuk guxon të keqpërdoret për të arsyetuar sjellje të dhunshme ndaj atyre që punojnë për të shpëtuar jetë.

Apelojmë te të gjithë qytetarët që, në rast të ndonjë pakënaqësie të ndjekin rrugët zyrtare për adresim, dhe jo të bien pre e veprimeve të dhunshme që dëmtojnë sistemin shëndetësor dhe shoqërinë në tërësi.

Këshilli i Pacientëve
Mitrovicë, 07.10.2025

30/09/2025

NJOFTIM PËR VAKSINIMIN KUNDËR GRIPIT SEZONAL

Drejtoria Komunale për Shëndetësi njofton se Qendra Kryesore e Mjekësisë Familjare "Dr.Nexhat Çuni" në Mitrovicë është furnizuar me 2500 doza të vaksinës kundër gripit sezonal nga Instituti Kombëtar i Shëndetësisë Publike të Kosovës dhe prej nesër 01.10.2025 fillon vaksinimi kundër gripit sezonal.

Punëtorët shëndetësorë, personat e moshës mbi 65 vjeç, personat me sëmundje kronike, gratë shtatzëna dhe fëmijët mbi 6 muaj me imunitet të dobësuar (me rekomandim nga ana e mjekut), bëjnë pjesë në grupet e rrezikut, që duhet vaksinuar me prioritet.

Vaksinat kundër gripit sezonal qytetarët mund t'i marrin çdo ditë pune prej orës 7.30 deri në 13.30 në këto qendra shëndetësore të Komunës së Mitrovicës:

➡️QKMF "Dr.Nexhat Çuni" në Mitrovicë✅️
➡️QMF në Iliridë ✅️
➡️QMF në Vaganicë ✅️
➡️QMF në Shipol✅️
➡️QMF në Zhabar ✅️
➡️QMF në Bair 1✅️
➡️QMF në Bair 2✅️
➡️QMF në Tunel të Parë✅️
➡️QMF në Bare ✅️
➡️QMF në Koshtovë✅️
➡️QMF në Shupkovc✅️
➡️QMF në Stan Tërg✅️
➡️QMF në Frashër ✅️
➡️AMF në Kqiç të Madh✅️
➡️AMF në Fidanishtë✅️
➡️AMF në Gushavc ✅️
➡️AMF në Kodra e Minatorëve✅️

26/09/2025

Sot u zhvillua një takim pune i Këshillit, ku morën pjesë: z. Hamdi Shyti, znj. Sabrije Selimi, Dr. Elvira Qerimi (AQH), Dr. Nysret Maliqi, dhe
Kryeinfermiere Meleke Morina.
Gjatë takimit u diskutua për planet dhe veprimtarinë e ardhshme të Këshillit.
Këshilli i Pacientëve ka për qëllim promovimin e bashkëpunimit ndërmjet pacientëve dhe stafit shëndetësorë, si dhe të siguroj çasje të barabartë të pacientëve në Kujdesin Parësor Shëndetësor.

Kontaktoni me Këshillin në:
045 190 802
kp.mitrovice@gamil.com

18/09/2025

18/09/2025

Antarët e Këshillit të Pacientëve mbajtën takim e rradhës.
Ky takim u fokusua në:
* Planifikimin e vizitave të ardhshme;
* Koordinimin e hapave për përmirësimin e shërbimeve ndaj pacientëve.
Pas diskutimit me anëtarët, u zhvillua edhe një takim me Koordinatoren për Cilësi dhe Siguri të Shërbimeve Shëndetsore znj. Shukrije Baruti.
Komitetit per Siguri dhe Cilësi te Shërbimeve Shëndetsore do të bëj matjen e kënaqshmërisë së pacientëve me shërbimet e Kujdesit Parësorë Shëndetësor ku Këshilli i Pacientëve do të jetë pjesë e grupit të punës në këtë projekt.
Qëllimi i këtij angazhimi:
* Të sigurohet përfaqësimi i zërit të pacientëve gjatë gjithë procesit.
* Të kontribuojë në organizimin dhe monitorimin e anketimit.

Këshilli i Pacientëve vazhdon të jetë i përkushtuar në përfaqësimin e zërit të pacientëve dhe në nxitjen e bashkëpunimit të ngushtë me stafin mjekësor, duke synuar shërbime sa më cilësore dhe qasje të barabartë për të gjithë.
📞 Për informata: 044 214 397�📧 Email: kp.mitrovice@gmail.com

19/08/2025

Antarët e Këshillit të Pacientëve mbajtën takimin e rradhës.

Ky takim kishte për qëllim:
-Koordinimin e punëve të ardhshme
-Forcimin e bashkëpunimit me stafin mjekësor.

Këshilli i Pacientëve mbetet i përkushtuar në përfaqësimin e zërit të pacientëve dhe ka për qëllim promovimin e bashkëpunimit ndërmjet pacientëve dhe stafit mjekësor, si dhe të sigurojë çasje të barabartë të pacientëve në Kujdesin Parësor Shëndetësor.

Kontaktoni me Këshillin në:
044 214 397
kp.mitrovice@gamil.com

25/07/2025

📢 Reagim i Këshillit të Pacientëve lidhur me incidentin në QKMF
Këshilli i Pacientëve shpreh shqetësimin dhe indinjatën e thellë lidhur me incidentin e ndodhur në QKMF, ku një përcjellës i pacientit ka shkaktuar një situatë të pakëndshme me tone verbale të papërshtatshme dhe tentim për sulm fizik ndaj stafit mjekësor.

🛑 Këshilli i Pacientëve dënon çdo formë të dhunës verbale apo fizike ndaj profesionistëve shëndetësorë.

Njëkohësisht, u bëjmë thirrje qytetarëve që të përdorin kanalet e duhura të ankesave dhe komunikimit, në të gjitha sektorët e QKMF-së, në të gjitha QMF-të dhe AMF-të janë të vendosura kutitë e ankesave, ku qytetarët mund të adresojnë çdo vërejtje, pakënaqësi apo kritikë rreth marrjes së shërbimeve shëndetësore, të cilat shqyrtohen nga Komisioni për Ankesat e Pacientëve, ku është anëtar edhe një perfaqësues i Këshillit të Pacientëve.
Po ashtu, mund të drejtohen në zyren e Këshillit në QKMF-kati i dytë.

Këshilli i Pacientëve-Mitrovicë
045 190 802
kp.mitrovice@gamil.com

22/07/2025

16/07/2025

Sot, Këshilli i Pacientëve ka mbajtur takimin e radhës në zyrën e re, pas zhvendosjes në ambientet e reja në objektin e Qendrës Kryesore të Mjekësisë Familjare.

Ky takim kishte për qëllim:
Koordinimin e punëve të ardhshme,
Diskutimin mbi përmirësimin e shërbimeve shëndetësore për pacientët,
Si dhe forcimin e bashkëpunimit me stafin mjekësor.

Pas takimit, anëtarët e Këshillit realizuan një vizitë te Mjeku Familjar, ku takuan Dr.Sami Kurti dhe nga afër u informuan për rrjedhën e shërbimeve mjekësore dhe sfidat e përditshme të stafit dhe pacientëve.

Këshilli i Pacientëve mbetet i përkushtuar në përfaqësimin e zërit të pacientëve dhe në mbështetjen e përmirësimit të cilësisë së kujdesit shëndetësor.