Qendra Kryesore e Mjekësisë familjare - Podujevë

16/12/2025

Në proces të zgjërimit dhe krijimit të hapësirave të reja për Këshillimoren për Diabet dhe Hipertension,projekt ky i renovimit dhe inventarizimit investim i AQH-së.

26/11/2025

Me dhimbje pranuam lajmin për ndarjen nga jeta të koleges Dr.Ajete Bashota,profesionistes shumë vjeçare të QKMF-së dhe Ushtares-Veterane e
UÇK-së.Mirënjohës kontributit Tuaj,Dr.Ajete!
I lehtë të qoftë dheu i Kosovës!

14/11/2025

DITA BOTËRORE E DIABETIT
Në Ditën Botërore të Diabetit ekipë e mjekësisë familjare shpërndan fletëpalosje,mat glikeminë dhe këshillon pacientët për menaxhimin e kësaj sëmundje,marrjen e rregulltë të terapisë,rëndësinë e aktivitetit fizik dhe ushqimit për të jetuar shëndetshëm dhe për të parandaluar komplikimet e diabetit.

02/11/2025

Në funksion të parandalimit dhe mbrojtjes së shëndetit publik jemi duke ofruar shërbime për çdo kategori të qytetarëve.Vetëm në muajin tetor janë vaksinuar 1545 persona mes tyre:qytetar sipas indikacioneve,profesionistë shëndetësor,pacientë të hemodializës dhe vaksinim shtëpiak i qytetarëve që për shkak të gjendjes shëndetësore nuk mund të kenë qasje në shërbime.
Faleminderit profesionistëve dhe qytetarëve për bashkëpunim dhe mirëpritje!

19/10/2025

16/10/2025

Sot në sheshin “ 4 Dëshmorët ” nga ora 11:00-14:00 u mbajtë Karvani Shëndetësor "PërSHËNDETJE".Karvani realizohet nga AQH, me financimin e Agjencisë Zvicerane për Zhvillim dhe Bashkëpunim (SDC), të implementuar nga KOPF.Ky aktivitet nga afër përcillet edhe nga Drejtoresha e DSHMS-së znj.Adelina Stublla.

Me këtë rast, vullnetarët e angazhuar nga AQH u kanë ofruar qytetarëve të shumtë të rastit dhe atyre të informuar më parë informata mjaft të rëndësishme për shëndetin, si: aktiviteti fizik, duhani, alkooli, mbipesha dhe ushqyeshmëria. Ndërsa në njërën nga tendat janë ofruar këshilla dhe shërbime profesionale nga profesionistët shëndetësorë të QKMF-së Podujevë.

Interesimi i qytetarëve për këtë fushatë ishte i mirë ku mbi 200 qytetarë vizituan dhe përfituan shërbime për shëndetin.
Faleminderit AQH,SDC,KOPF,faleminderit profesionistëve,faleminderit Drejtoreshës për mundësinë e krijuar nga bashkëpunimi me organizatat e lartëcekura.

13/10/2025

NJOFTIM / FTESË
AQH me financimin e Agjencisë Zvicerane për Zhvillim dhe Bashkëpunim (SDC) të implementuar nga KOPF organizon në Podujevë KARVANIN SHËNDETËSOR të quajtur "PërSHËNDETje”.
I lusim të gjithë qytetarët që me datën 16.10.2025 (e enjte ) duke filluar prej orës 11:00-14:00 të marrin pjesë në fushatën "PërSHËNDETje" ku do të ofrohen informata mjaft të rëndësishme mbi shëndetin duke përfshirë; aktiviteti fizik, duhani, alkooli, mbipesha dhe ushqyeshmëria, ku në njërën nga tendat do të jenë edhe profesionistët shëndetësor të cilët do të ofrojnë edhe shërbime profesionale.
Lokacioni:Podujevë sheshi 4 Dëshmorët.

06/10/2025

Një fillim i mbarë i bashkëpunimit mes KPSh-së dhe KDSh-së,konkretisht QKMF-së dhe Poliklinikës Specialistike në Podujevë.Ekipa e mjekësisë familjare gjatë procesit të vaksinimit të pacientëve të hemodializës dhe stafit profesional të tyre.

03/10/2025

Qendra Kombëtare e Kosovës për Transfuzionin e Gjakut në bashkëpunim me DSHMS-në dhe QKMF-në më datë 07.10.2025 nga ora 11:00-15:00 në katin e dytë të Urgjencës së re organizon aksionin për dhurimin vullnetar të gjakut nga qytetarët që gëzojnë shëndet të mirë. Ky gjak u dedikohet të sëmurëve dhe të lënduarve që shërohën në spitalet tona.
Ftojmë të gjithë njerëzit e vullnetit të mirë në përkrahje të aksionit të dhurimit të gjakut.

02/10/2025

Tetori Rozë-Muaji i ndërgjegjësimit kundër kancerit të gjirit.
Ftojmë të gjitha femrat-gratë posaqërisht ato mbi 40 vjeç të shfrytëzojnë mundësinë e kryerjes së mamografisë.Mamografia është falas,realizohet çdo ditë pune nga ora 08:00-12:00 dhe lexohet nga Radiologu.Ndani pak kohë përveten,kontrollohuni,bëni mamografinë dhe parandaloni të keqen.

01/10/2025

Sot në prezencë edhe të Drejtoreshës së Shëndetësisë dhe Mirëqenjes Sociale znj.Adelina Stublla QKMF-Podujevë pranoi një autoambulancë të re nga Ministria e Shëndetësisë.Një mundësi më e madhe në ofrim të shërbimeve shëndetësore.

30/09/2025

NJOFTIM
Njoftohën të gjithë qytetarët e Komunës së Podujevës se Njësia e Vaksinimit të QKMF-së është furnizuar me sasi të mjaftueshme të vaksinave kundër gripit sezonal.
Vaksinimi do të fillojë nga data 01.10.2025 në orarin 07:00-15:00,fillimisht në QKMF e pas distribuimit të vaksinave edhe në QMF-të dhe AMF-të e tjera për çka qytetarët do të njoftohën me kohë për vendet dhe orarin.Vaksinimi do të bëhet për grupmoshat: të moshuarit mbi 65 vjeç,personat me sëmundje kronike,gratë shtatëzëna,personeli shëndetësor,fëmijët mbi 6 muaj me indikacione.
Suksese,shëndet stafit dhe qytetarëve!