Historiku
Ordinanca Gjinekologjike Obstetrike “Te Sanija” funksionon qysh nga koha e masave të dhunshme nga ana e shtetit sërbë (1991), ku nuk lejoi funksionimin e Matrnitetit të Podujevës duke e mbyllur atë. Duke parë gjendjen e mjerueshme pa ndihmë dhe përkujdesje mjekësore profesionale të cilën gjindëshin gratë shtatëzënë në qytetin e Podujevës dhe fshatërave përreth, Sanije Topanica ishte ndër Mamiat e para të Podujevës që filloi rrugëtimin drejt fshatrave për t’iu ndihmuar grave shtatëzëna në lindjen e tyre. Ky rrugëtim nëpër fshatra kishte zgjatur një vit, ngase kishte filluar ora policore nga ana e okupatorit sërbë dhe ishte e pa mundur lëvizja e lirë. Në pamundësi për të udhtuar nëpër fshatra, Sanije Topanica e kishte improvizuar një dhomë medicinale në shtëpinë e saj private për t’iu dalë në ndihmë grave shtatëzëna të fshatrave dhe te qytetit të Podujevës. Me të kuptuar gratë për dhomën medicinale që kishte improvizuar Sanija, nga të gjitha anët e Podujevës iu drejtuan kësaj dhome të improvizuar. Dhe kështu lindi nevoja për zgjerimin e ''Dhomës improvizuese'' ku më pas u transformua në Ambulancë dhe punuan Dr. Xhemajl Ahmeti, Dr. Fejzullah Latifi, motra Afërdita Latifi si dhe vet pronarja e Ambulancës Mamia Sanije Topanica. Puna e Ambulancës vazhdoi punën deri në fillimin e luftës çlirimtare në këtë rajonë (Mars 1999). Ordinanca Gjinekologjike Obstetrike "Te Sanija" rifilloi punën e saj 3 vite pas luftës (3 Janar 2002), ku që prej asaj kohe vazhdon suksesëshëm punën e sajë me një staf të specializuar në fushën gjinekologjike siç janë: Dr. Ali Ahmeti, Dr. Ekrem Kutllofci, motrat medicinale: Katijana Demiraj, Malsore Kamerolli, Administratori teknik Muharrem Kamberi si dhe pronarja Mamia Sanije Topanica.
