12/03/2026
🌍 Dita Botërore e Veshkës – Kur shkenca dhe humanizmi bashkohen për komunitetin
Laboratori gjerman Dr. Limbach në Kosovë ishte krenar të kontribuojë në një aktivitet të rëndësishëm shëndetësor të organizuar në bashkëpunim me Shoqatën e Nefrologëve të Kosovës, në kuadër të Ditës Botërore të Veshkës.
Në këtë iniciativë humanitare, të zhvilluar në Shtëpinë e të Moshuarve në Gjinoc dhe në Prishtinë, u realizuan kontrolle dhe analiza laboratorike për vlerësimin e funksionit të veshkave dhe gjendjes së përgjithshme shëndetësore të banorëve.
🔬 Laboratori Dr. Limbach kontribuoi duke ofruar analizat laboratorike dhe mbështetjen profesionale.
Ky aktivitet kishte për qëllim diagnostikimin e hershëm dhe rritjen e ndërgjegjësimit për sëmundjet e veshkave, duke theksuar rëndësinë e kontrolleve të rregullta shëndetësore.
Sepse besojmë se diagnostikimi i hershëm shpëton jetë.
🤝Si një institucion i përkushtuar ndaj cilësisë dhe shëndetit publik, Laboratori gjerman Dr. Limbach mbështet iniciativa që kontribuojnë në përmirësimin e kujdesit shëndetësor dhe ndërgjegjësimin e komunitetit.
Ne besojmë se kujdesi për shëndetin nuk është vetëm profesion – është edhe përgjegjësi ndaj komunitetit.
Falënderojmë Shoqatën e Nefrologëve të Kosovës dhe të gjithë profesionistët shëndetësorë që kontribuan në këtë iniciativë të rëndësishme për shëndetin publik.
💙 Së bashku ndërtojmë një komunitet më të shëndetshëm.
