Oxygen Therapy

18/02/2026

Pse ndjejmë presion në vesh gjatë terapisë HBOT?

Sepse trupi po përshtatet me një mjedis me presion më të lartë se normalja. Gjatë HBOT, presioni në dhomë rritet dhe veshi i mesëm një hapësirë me ajër, duhet ta barazojë këtë ndryshim përmes tubit të Eustachit.

Derisa presioni të barazohet, membrana timpanike tendoset lehtë dhe ne ndjejmë atë ndjesinë e “bllokimit” ose shtypjes.

Është një reagim fiziologjik, i pritshëm dhe i përkohshëm, thjesht shenjë që trupi po adaptohet me presionin e ri.

11/02/2026

Pas goditjes në tru, disa zona mbeten me furnizim të kufizuar me oksigjen.

HBOT ndihmon në dërgimin e oksigjenit në këto zona, duke mbështetur plasticitetin e trurit dhe rikuperimin funksional.

Shpresa për përmirësim ekziston edhe pas traumave neurologjike.

10/02/2026

Oksigjeni i zakonshëm ka kufizime.

Kur oksigjeni jepet nën presion, ai depërton shumë më thellë në inde dhe arrin zona ku qarkullimi i gjakut është i dobët.
Presioni e shndërron oksigjenin në mjet shërues, jo vetëm në ajër për frymëmarrje.

07/02/2026

Pse një seancë HBOT nuk mjafton?

Një seancë mund të të bëjë të ndihesh më mirë, por nuk është e mjaftueshme për ndryshim të qëndrueshëm.

Terapia hiperbarike funksionon duke stimuluar trupin gradualisht. Çdo seancë rrit nivelin e oksigjenit në inde, aktivizon mekanizma shërimi dhe përgatit trupin për fazën tjetër të rikuperimit.

Shërimi i vërtetë kërkon vazhdimësi, jo vetëm një herë.

28/01/2026

Trajtim i avancuar i plagëve diabetike

Plagët që nuk shërohen me metodat tradicionale trajtohen me terapinë HBOT:

1. Rrit qarkullimin dhe oksigjenimin e indeve
2. Përshpejton shërimin dhe riparimin e indeve
3. Redukton infeksionet dhe komplikimet

Trajtim profesional dhe plan i personalizuar për secilin pacient!

20/12/2025

Plakja nuk përcaktohet vetëm nga vitet, por nga niveli i oksigjenimit dhe funksioni qelizor. HBOT (Hyperbaric Oxygen Therapy) adreson këtë proces në thelb, duke ekspozuar organizmin ndaj oksigjenit 100% në kushte të kontrolluara presioni mjekësor. Kjo nxit prodhimin e energjisë qelizore, përmirëson mekanizmat e riparimit të ADN-së, redukton inflamacionin sistemik dhe rrit rigjenerimin e indeve. Në vend që të maskojë shenjat e plakjes, HBOT optimizon proceset biologjike që përcaktojnë vitalitetin, elasticitetin dhe funksionin afatgjatë të trupit. Anti-aging jo si koncept estetik, por si qasje mjekësore e bazuar në shkencë.

09/12/2025

HBOT po studiohet gjithnjë e më shumë si terapi ndihmëse për gjendje neurologjike si Alzheimeri, demenca dhe skleroza multiple. Duke rritur nivelin e oksigjenit në inde, kjo terapi synon të përmirësojë funksionet qelizore dhe të mbështesë shëndetin e trurit.

Pse konsiderohet HBOT si terapi mbështetëse?

* Rritja e oksigjenimit cerebral: Përmirësimi i rrjedhës së gjakut mund të ndihmojë aktivitetin metabolik të trurit.
* Reduktimi i inflamacionit: Oksigjeni i koncentruar mund të ndihmojë proceset anti-inflamatore, të cilat luajnë rol në sëmundjet neurodegjenerative.
* Mbështetje për përqendrimin dhe qartësinë mendore: Disa pacientë raportojnë aftësi më të mira për fokus dhe orientim.
* Stimulim i neuroplasticitetit: Procesi i rigjenerimit qelizor mund të mbështesë funksionet mendore në mënyrë graduale.

Kush mund të përfitojë potencialisht?

* Pacientë me rënie të lehtë deri të moderuar të funksioneve kognitive
* Persona me demencë vaskulare ose me çrregullime që lidhen me qarkullimin cerebral
* Pacientë me sklerozë multiple që kërkojnë terapi mbështetëse për lodhjen, funksionin mendor ose mirëqenie të përgjithshme

Çfarë pritet nga trajtimi?

Disa persona raportojnë përmirësime në qartësinë mendore, energjinë, përqendrimin dhe mirëqenien e përgjithshme pas një cikli të rregullt seancash. Rezultatet ndryshojnë nga pacienti në pacient dhe varen nga gjendja specifike shëndetësore.

E sigurt dhe e monitoruar profesionalisht

HBOT kryhet në një ambient të kontrolluar, është pa dhimbje dhe monitorohet nga staf i trajnuar. Para fillimit të terapisë, vlerësimi mjekësor është i domosdoshëm për të përcaktuar përshtatshmërinë e pacientit.

Mbështetje, jo zëvendësim i trajtimit mjekësor

HBOT nuk e shëron demencën, por mund të ofrojë përmirësime të ndjeshme dhe të ndihmojë në ngadalësimin e progresit të sëmundjes.

25/11/2025

Terapia Hiperbarike e Oksigjenit (HBOT) po përdoret gjithnjë e më shumë si mbështetje për trajtimin e infertilitetit, falë ndikimit të saj në qarkullim, inflamacion dhe cilësinë e qelizave riprodhuese.

• Rrit qarkullimin e gjakut në vezore, mitër dhe testise, duke përmirësuar oksigjenimin e indeve.
• Përmirëson cilësinë e vezëve dhe ndihmon te rezervat ovariane të ulëta.
• Ndihmon në formimin e një endometriumi më të trashë dhe më të shëndetshëm, duke rritur gjasat e implantimit.
• Ul inflamacionin kronik dhe mbështet shërimin e indeve pas procedurave.
• Përmirëson parametra të spermës, si lëvizshmërinë dhe morfologjinë.
• Mund të rrisë shanset e suksesit para IVF,  sidomos në rastet me dështime të mëparshme.

HBOT është një terapi mbështetëse premtuese për çifte që kërkojnë të përmirësojnë potencialin e tyre riprodhues.

22/11/2025

Terapia Hiperbarike – Mbështetje e fuqishme për trupin pas abuzimit me substanca

Abuzimi me narkotikë e lodh trupin, e dëmton trunin, mushkëritë dhe sistemin e imunitetit. Terapia hiperbarike (HBOT) ofron një mbështetje të sigurt dhe natyrale për rimëkëmbje.

Me oksigjen 100% nën presion të lartë, trupi merr energji të re dhe fillon proceset e vetëshërimit shumë më shpejt.

Përfitimet kryesore te personat që kanë abuzuar me substanca:
• Përmirësim i funksionit të trunit dhe qarkullimit të gjakut
• Ulje e inflamacionit dhe stresit oksidativ
• Rifreskim i kapacitetit të mushkënive dhe përmirësim i frymëmarrjes
• Rigjenerim më i shpejtë i qelizave të dëmtuara
• Lehtësim i ankthit, lodhjes dhe çrregullimeve të gjumit
• Mbështetje gjatë fazës së detoksifikimit dhe rikthimit të energjisë

Vëmendje:

HBOT nuk zëvendëson trajtimin kundër varësisë, por është një mbështetje e fuqishme fizike dhe neurologjike për ata që synojnë rikuperim dhe jetë më të shëndetshme.

08/10/2025

Në mbështetje të grave që po përballen me kancerin e gjirit, klinika jonë ofron 40% zbritje në terapinë HBOT gjatë gjithë këtij muaji.

Terapia me oksigjen hiperbarik (HBOT) rrit furnizimin me oksigjen në qeliza, përmirëson qarkullimin dhe rigjeneron indet e dëmtuara nga rrezatimi. Si rezultat, redukton inflamacionin dhe ndihmon në rikthimin gradual të mirëqenies fizike.

Së bashku mund ta mposhtim këtë betejë me forcë, shpresë dhe kujdes të vazhdueshëm.

📍 Rr. Ymer Aliu, Kalabri – Prishtinë

📞 Për të caktuar termin tuaj: +383 46 739 739

10/09/2025

Terapia me Oksigjen Hiperbarik (HBOT) me kabinën më të re uDr C3 ofron trajtim të avancuar në kushte të kontrolluara dhe të sigurta.
Në këtë kabinë, pacienti merr oksigjen 100% nën presion të lartë, duke rritur ndjeshëm oksigjenimin e indeve dhe përshpejtuar proceset rigjeneruese të organizmit.

HBOT rekomandohet për:

✔ Rigjenerimin qelizor dhe përmirësimin e qarkullimit
✔ Shërim më të shpejtë pas traumave, ndërhyrjeve kirurgjikale ose infeksioneve
✔ Reduktim të inflamacionit dhe forcim të imunitetit
✔ Përmirësim të energjisë dhe funksioneve kognitive

uDr C3 është sinonim i efikasitetit, komoditetit dhe sigurisë në terapinë hiperbarike, një hap i rëndësishëm drejt inovacionit në kujdesin shëndetësor.

31/08/2025

A je gati të provosh diçka ndryshe? 🚀

Me krenari ju njoftojmë për paisjen më të avancuar në terapinë me oksigjen hiperbarik – uDr C3.
E projektuar me teknologjinë më moderne, kjo makineri ofron siguri, komoditet dhe efikasitet maksimal për pacientët tanë. Falë kapaciteteve të saj të reja, trajtimet bëhen më të personalizuara, më të shpejta dhe me rezultate të përmirësuara.

Në klinikën tonë, përkujdesja për shëndetin tuaj bëhet përmes inovacionit!

Medical centre