BORA Pharmacy

06/02/2026

🍼Qumështi i nënës konsiderohet i pazëvendësueshëm për foshnjat, veçanërisht në muajt e parë të jetës, për disa arsye thelbësore që lidhen drejtpërdrejt me shëndetin dhe zhvillimin e tyre.

🤱 Përbërje unike, e krijuar posaçërisht për foshnjën
Qumështi i nënës përmban sasinë ideale të proteinave, yndyrnave dhe karbohidrateve që i nevojiten foshnjës për zhvillimin e shëndetshëm të trurit dhe trupit.
Proteinat e tij, si laktalbumina, treten më lehtë dhe janë shumë më të përshtatshme për sistemin e ndjeshëm tretës të foshnjës sesa ato që gjenden në qumështin e kafshëve.

🤱 Mbrojtje natyrale dhe imunitet
Qumështi i nënës është burim i pasur antitrupash (si IgA dhe IgG) që ndihmojnë në mbrojtjen e foshnjës nga infeksionet.
Ai përmban gjithashtu substanca mbrojtëse si laktoferina, lizozimet dhe citokinat, të cilat luftojnë bakteret dhe viruset.
Ky sistem mbrojtës është unik dhe nuk mund të kopjohet plotësisht nga asnjë formulë artificiale.

🤱 Hormone dhe faktorë rritjeje të veçantë
Qumështi i nënës përmban hormone dhe faktorë rritjeje që mbështesin zhvillimin e organeve, trurit dhe sistemit nervor.
Shumë prej këtyre elementeve janë specifikë për njeriun dhe nuk gjenden në qumështin e kafshëve apo në alternativa të tjera ushqimore.

🤱 Tretje më e lehtë dhe më pak rrezik alergjish
Falë përbërjes së tij natyrale, foshnjat e tresin më lehtë qumështin e nënës.
Kjo shoqërohet me rrezik më të ulët për alergji, diarre dhe probleme të tretjes, krahasuar me qumështin formulë.

🤱 Qumësht që përshtatet me nevojat e foshnjës
Qumështi i nënës ndryshon vazhdimisht sipas fazës së gjidhënies dhe nevojave të foshnjës:
• Kolostrumi (ditët e para): shumë i pasur me antitrupa dhe minerale
• Qumështi i ndërmjetëm: më shumë energji dhe yndyrna
• Qumështi i pjekur: kalori dhe yndyrna për rritje dhe zhvillim të vazhdueshëm

💡 Mesazhi kryesor:
Nuk ekziston asnjë ushqim tjetër që ofron kombinimin unik të lëndëve ushqyese, mbrojtjes imunitare dhe faktorëve të rritjes që gjenden në qumështin e nënës.
Për këtë arsye, ai konsiderohet i pazëvendësueshëm, veçanërisht për foshnjat nën 6 muaj.

💌 Megjithatë, është e rëndësishme të theksohet se ne nuk gjykojmë asnjë nënë që, për arsye personale, shëndetësore apo rrethana jetësore, vendos t’i japë foshnjës qumësht formule.
Çdo nënë dëshiron dhe zgjedh gjithmonë më të mirën për fëmijën e saj, dhe dashuria, kujdesi dhe përkushtimi nuk maten vetëm me mënyrën e ushqyerjes.

05/02/2026

💉Kur një fëmijë NUK duhet të marrë vaksinën?

A duhet shtyrë vaksina kur fëmija është i sëmurë?
✔️ Po.
Nëse fëmija ka temperaturë të lartë ose është i sëmurë rëndë, vaksina zakonisht shtyhet derisa të shërohet.

A mund të bëhet vaksina kur fëmija merr antibiotikë?
✔️ Po. Antibiotikët vetë nuk janë arsye për të mos bërë vaksinën.
👉 Por nëse fëmija merr antibiotikë sepse është në gjendje jo të mirë shëndetësore, mjeku mund të vendosë ta shtyjë vaksinën për disa ditë.

Po nëse fëmija ka pasur reaksion nga vaksina e mëparshme?
❌ Nëse ka pasur reaksion të rëndë alergjik, vaksina nuk jepet më pa vlerësim nga mjeku specialist.

A ndikon alergjia te vaksinat?
✔️ Po, vetëm nëse fëmija ka alergji të njohur ndaj ndonjë përbërësi të vaksinës.

A ka fëmijë që nuk duhet të marrin disa vaksina?
✔️ Po. Fëmijët me probleme serioze të sistemit imunitar nuk duhet të marrin disa vaksina të gjalla.

Po sëmundjet neurologjike?
✔️ Në rastet kur sëmundja nuk është e kontrolluar, vaksina mund të shtyhet derisa gjendja të stabilizohet.

E rëndësishme të dihet:
Vendimi për të bërë ose për të shtyrë vaksinën merret gjithmonë nga mjeku. 🥼

05/02/2026

Shtesë ushqimore vs. Medikament
Dallimet kryesore:

🥼 Shtesa ushqimore: plotëson dietën me vitamina, minerale, probiotikë, etj.
🩺 Medikamenti :trajton, parandalon ose kuron një sëmundje

🥼 Shtesa ushqimore: nuk lejohet të pretendojë kurim sëmundjesh
🩺 Medikamenti :ka indikacione të qarta mjekësore

🥼 Shtesa ushqimore: nuk kalon prova klinike të detyrueshme
🩺 Medikamenti:kalon prova klinike rigoroze për siguri dhe efektivitet

Aspekti rregullativ
🥼 Shtesa ushqimore: aspekt rregullativ më i lehtë
🩺 Medikamenti :aspekt rregullativ shumë i rreptë farmaceutik

🥼 Shtesa ushqimore: mund te jepet pa recetë
🩺 Medikamenti :shpesh kërkon recetë nga mjeku

🥼 Shtesa ushqimore: doza dhe perberjr jo gjithmonë të standardizuara
🩺 Medikament:doza dhe përbërje të standardizuara

🥼 Shtesa ushqimore: mbështetje e përgjithshme e organizmit
🩺 Medikamenti:trajtim i drejtpërdrejtë i një problemi shëndetësor

🔬 Në thelb:
Shtesa ushqimore mbështet shëndetin.
Medikamenti trajton sëmundjen.

04/02/2026

https://privebruto.com/sekreti-i-lekures-se-lemuar-pse-silikoni-mjekesor-eshte-zgjidhja-e-duhur-per-shenjat/

Shenjat e lëkurës – pse formohen dhe si mund të trajtohen në mënyrë të duhur? Shumica prej nesh mbajnë në lëkurë të paktën një shenjë. Disa janë kujtime nga fëmijëria, disa nga ndërhyrje kirurgjikale, lindje, aksidente, djegie apo akne. Shenjat e lëkurës janë pjesë e procesi...

04/02/2026

🎗 4 Shkurt – Dita Botërore e Kancerit 🎗

Kanceri nuk është vetëm një diagnozë.
Është një betejë e heshtur, net pa gjumë, lot që nuk shihen dhe forcë që lind aty ku nuk mendohej se ekzistonte.

Sot përulemi me respekt para atyre që po luftojnë çdo ditë, atyre që nuk u dorëzuan kurrë dhe atyre që jetojnë përjetësisht në zemrat tona.

Çdo jetë ka vlerë.
Çdo moment ka rëndësi.

Te Bora Pharmacy, besojmë se kujdesi është më shumë se mjekim, është empati, dëgjim dhe shpresë.

Jemi këtu për t’ju mbështetur në çdo hap, me zemër, profesionalizëm dhe përkushtim.

Le ta thyejmë heshtjen.
Le ta zgjedhim jetën.
Le të qëndrojmë bashkë.

03/02/2026

🤰🏽SHENJA KRYESORE QË LINDJA PO AFROHET

👶🏼 Zbritja e foshnjës (Lightening):
Foshnja vendoset më poshtë në legen. Frymëmarrja mund të bëhet më e lehtë, por shtohet presioni në fshikëz (urinim më i shpeshtë).

👶🏼 Një sekrecion i trashë me ngjyrë rozë ose kafe tregon se qafa e mitrës po fillon të zbutet dhe të hapet.

👶🏼 Kontraksione Braxton Hicks më të forta / më të shpeshta:
Kontraksionet bëhen më të shpeshta, më të forta dhe ndonjëherë të pakëndshme.

👶🏼 Dhimbje shpine dhe presion në legen:
Dhimbje në pjesën e poshtme të shpinës është e zakonshme ndërsa muskujt dhe ligamentet shtrihen.

👶🏼 Ndryshime në tretje:
Diarre, jashtëqitje më të shpeshta ose të përziera mund të shfaqen për shkak të hormoneve (prostaglandinave) që stimulojnë zorrët.

👶🏼 Instinkti i “folezimit” (nesting):
Një shpërthim energjie për të pastruar, rregulluar ose përgatitur gjithçka për ardhjen e foshnjës.

👶🏼 Ndryshime në qafën e mitrës:
Mjeku mund të konfirmojë se qafa e mitrës po zbutet, po hollohet (efacement) ose po hapet (dilatacion).

Çdo trup është i ndryshëm, disa shenja shfaqen herët, disa vetëm pak para lindjes.

Dëgjo trupin tënd dhe mbaj kontakt me mjekun!

02/02/2026

CILËT ANTIBIOTIKË NUK DUHET TË MERREN ME QUMËSHT OSE PRODUKTE BULMETI?

🧀🥛 Qumështi, kosi, djathi dhe suplementet me kalcium mund të bllokojnë përthithjen e disa antibiotikëve dhe t’i bëjnë më pak efektivë.

🚫 ANTIBIOTIKËT QË NUK DUHEN MARRË ME QUMËSHT / KALCIUM:

❌ Tetracyclina:
• Tetracycline
• Doxycycline
• Minocycline

❌ Fluoroquinolonet:
• Ciprofloxacin
• Levofloxacin
• Norfloxacin
• Moxifloxacin

👉 Këto NUK DUHET të merren me:
• Qumësht, kos, djathë
• Lëngje me kalcium
• Suplemente kalciumi, magnezi, hekuri, zinku

⏳ Duhet të mbahen të paktën 2–3 orë larg nga këto produkte.

✅ SI DUHET TË MERREN?
💧 Me ujë të thjeshtë
🚫 Jo me qumësht
🚫 Jo me lëngje frutash
🚫 Jo me kafe ose çaj

⚠️ PO ANTIBIOTIKËT E TJERË?
✔️ Shumica e antibiotikëve të tjerë mund të merren me ushqim, por prapë:
👉 Uji është gjithmonë zgjedhja më e sigurt

📌 RREGULLI I ARTË:
💊 Antibiotikët → vetëm me ujë
🧀🥛 Nëse është nga grupet e mësipërme → larg qumështit & kalciumit

01/02/2026

ÇFARË NDRYSHIMESH SJELL MENOPAUZA NË TRUPIN E GRUAS?

Menopauza është një fazë natyrale e jetës së gruas, por shoqërohet me ndryshime hormonale që ndikojnë në gjithë trupin.

🔥 NDRYSHIME TË SHPESHTA:

🌡️ Valë të nxehta & djersitje nate
😴 Çrregullime gjumi
😟 Ndryshime humori, nervozizëm, ankth
🧠 Vështirësi përqendrimi & kujtese
💔 Rrahje zemre të shpejta
⚖️ Shtim në peshë, sidomos në bark
😵 Lodhje

🩺 NDRYSHIME FIZIKE:

🦴 Dobësim i kockave (osteoporozë)
💇‍♀️ Rënie flokësh, thonj më të dobët
🧴 Lëkurë më e thatë & më pak elastike
💧 Thatësi vaginale & dhimbje gjatë marrëdhënieve
🚽 Infeksione urinare më të shpeshta / mosmbajtje urine
🫀Rritje e rrezikut për sëmundje të zemrës

🩸 NDRYSHIME MENSTRUALE:
• Perioda të çrregullta
• Më të rralla derisa ndalen fare

⚠️ PSE NDODHIN KËTO?
👉 Për shkak të uljes së estrogjenit (hormoni kryesor femëror)

✅ ÇFARË NDIHMON?
🥗 Ushqim i shëndetshëm
🚶‍♀️ Aktivitet fizik
☀️ Vitaminë D & kalcium
😴 Gjumë i mirë
🧘‍♀️ Menaxhim stresi
👩‍⚕️ Kontrollet mjekësore

31/01/2026

📌 ÇFARË DUHET TË DINI KUR MERRNI LEVOTIROKSINË (T4, Euthyrox, Letrox, etj)?

Levotiroksina është hormon shumë i ndjeshëm dhe mënyra si e merrni ndikon drejtpërdrejt në efektin e saj.

🕗 KOHA E MARRJES
✅ Merret në mëngjes, sapo të zgjoheni
✅ Esëll, me një gotë ujë
✅ Prisni 30–60 minuta para se të hani ose pini kafe

❌ Mos e merrni bashkë me ushqimin
❌ Mos e merrni me kafe, qumësht apo lëngje

🍽️ USHQIME & PIJE QË E PENGOJNË PËRTHITHJEN

⚠️ Kafe
⚠️ Qumësht & produktet e bulmetit
⚠️ Soja dhe produktet me sojë
⚠️ Ushqime shumë të pasura me fibra
⚠️ Suplementet me:
• Kalcium
• Hekur
• Magnez
• Zink

⏳ Këto duhen marrë të paktën 3–4 orë larg levotiroksinës.

💊 BARNAT QË MUND TË NDËRHYJNË
❗ Antacidet për stomakun
❗ Barnat me hekur, kalcium
❗ Disa barna për kolesterolin dhe stomakun

👉 Gjithmonë pyesni mjekun ose farmacistin.

📉 ÇFARË NDODH NËSE NUK MERRET SIÇ DUHET?

❌ Hormoni nuk përthithet si duhet
❌ Analizat dalin të çrregulluara
❌ Mund të keni:
• Lodhje
• Shtim në peshë
• Nervozizëm
• Rrahje zemre
• Simptoma të hipotiroidizmit ose hipertiroidizmit

RREGULLI I ARTË:
🕗 ÇDO DITË, NË TË NJËJTËN ORË
💧Vetëm me ujë
⏳ Prisni 30–60 min para ushqimit ose kafesë

⚠️ Mos e ndërroni dozën pa u konsultuar me mjekun!

30/01/2026

📌 Vitamina D3 është suplement apo medikament ?
Varet nga doza!

Shumë njerëz marrin vitamine D3 pa e ditur klssifikimin

Ne Itali psh dallimi mes suplementit dhe medikamentit bëhet nga DOZA dhe QËLLIMI.

Edhe vitamina D3, sipas dozës, mund të jetë suplement ose ilaç.

🟢 Vitamina D3 si SHTESË USHQIMORE

👉 Për mirëmbajtje dhe parandalim
👉 Pa recetë

🔹 Doza të zakonshme qe klasifikohen si shtesa ushqimore ne Itali:

• 400 UI (10 µg)
• 800 UI (20 µg)
• 1000 UI
• deri në 2000 UI në ditë

➡️ Përdoret për:
• imunitetin
• kockat
• mirëmbajtje dhe parandalim

🔴 Vitamina D3 qe klasfikohet si medikament ne Itali:

👉 Për trajtim mjekësor
👉 Për mungesë me te madhe te kesaj vitamine

🔴 Doza terapeutike:
• 10.000 UI
• 25.000 UI
• 50.000 UI
• deri në 100.000 UI (ampula/flakonë)

➡️ Përdoret për:
❗ mungesë me te madhe te vitamines D3
❗ osteoporozë
❗ probleme të metabolizmit të kockave
⚠️ Këto NUK janë suplemente.

Gjithmone beni analizat e gjakut per te percaktuar nivelin e vitamines D3 dhe gjithmone konsultohuni me mjekun apo farmacistin tuaj!

28/01/2026

📌 KUJDES KUR BLINI SHTESA USHQIMORE PER DOZEN E SAKTE📌

Shpesh në produkte, sidomos te shtesat ushqimore, shohim të shkruar psh disa shembuj ilustrues :
➡️ Magnez 450 mg
➡️ Vitaminë D3 10.000 UI
➡️ Hekur 30 mg

Por ❗ kujdes – kjo shifër jo gjithmonë është doza për 1 kapsulë apo 1 qese apo per 1 ml …

📦 Shumë herë, kjo sasi mund të jetë:
✔️ Doza për 2 ose më shumë kapsula
✔️ Sasia totale në gjithë kutinë ose shishen
✔️ Ose doza ditore e rekomanduar dhe jo doza ne 1 kapsulë,nje qese apo 1 flakon etj.

🔍 Prandaj:
📖 Lexoni gjithmonë me kujdes etiketën dhe fletëudhëzimin e produktit.

Mos u bazoni vetëm te numri i madh i shkruar në pjesën e përparme të kutisë.

⚠️ Marrja e gabuar e dozës mund të jetë jo efektive ose edhe e dëmshme për shëndetin.

✅ Informohu. Lexo. Kujdesu për shëndetin tënd!

Edhe ne si profesioniste shendetesore informohemi dhe lexojme me kujdes keto informacione ne menyre qe ju paciente te merrni dozen e sakte.💊

ushqimore

26/01/2026

A ke një shenjë që nuk po të pëlqen sa herë e sheh në pasqyrë?
Një shenjë e vogël në fytyrë, në qafë, apo shenja pas operacionit / akneve / prerjes që nuk po zhduket?

Scarban Velvet Touch – xhel silikoni është krijuar pikërisht për këto raste.

✔️ Ndihmon që shenjat të duken më të sheshta, më të buta dhe më pak të dukshme
✔️ Ul skuqjen, kruarjen dhe parehatinë
✔️ Ideale për zona të dukshme: fytyrë, qafë, kyçe
✔️ Transparent, thahet shpejt dhe nuk ngjit
✔️ Mund të përdoret edhe nën makeup