Qendra Dija

24/12/2025

Gëzuar festat e fundvitit 🎉!

Shëndet dhe mbarësi në Vitin e Ri.

23/12/2025

Terapia ABA (Applied Behavior Analysis) ofrohet pas një vlerësimi paraprak, i cili na ndihmon të kuptojmë në mënyrë të detajuar aftësitë dhe nevojat e fëmijës, si dhe të hartojmë një program të personalizuar ndërhyrjeje.

Terapia realizohet nga staf i trajnuar dhe i specializuar, me qasje të kujdesshme, profesionale dhe të ndjeshme ndaj fëmijëve.

Terapia ABA rekomandohet të fillohet në moshë të hershme, që nga 18 muaj – 2 vjeç, sapo të vërehen shenja të vështirësive zhvillimore. Periudha më e favorshme për ndërhyrje intensive është nga 2 deri në 5 vjeç, megjithatë ABA mund të zbatohet me sukses edhe te fëmijët më të rritur, duke u përshtatur sipas nevojave individuale.

Benefitet e terapisë ABA:
• përmirëson komunikimin dhe gjuhën
• zhvillon aftësitë sociale dhe emocionale
• ndihmon në menaxhimin e sjelljeve sfiduese
• rrit pavarësinë në aktivitetet e përditshme

Çdo hap ndërtohet me durim, respekt dhe bashkëpunim të ngushtë me familjen, duke respektuar ritmin e fëmijës. Çdo fëmijë ka rëndësi dhe çdo përparim vlerësohet.

19/12/2025

✨ Në Qendrën DIJA, çdo fëmijë është i veçantë dhe çdo përpjekje ka vlerë.

🎄Me shumë përkushtim dhe dashuri, kemi organizuar aktivitete zhvillimore, kemi dekoruar ambientin dhe kemi përgatitur kartolina, certifikata dhe dhurata për të vlerësuar punën dhe progresin e fëmijëve tanë.

Çdo hap i vogël përpara është një arritje e madhe dhe ne jemi krenarë për secilin prej tyre.

15/12/2025

🗣Çrregullimet e artikulimit tek fëmijët me vonesë në zhvillimin mendor

Fëmijët me vonesë në zhvillimin mendor shpesh përballen me vështirësi në artikulimin e saktë të tingujve, duke ndikuar në komunikim dhe në marrëdhëniet sociale.

Përmes vlerësimit të hershëm, terapisë logopedike dhe mbështetjes së vazhdueshme familjare, fëmijët mund të bëjnë përparime të dukshme.

Çdo fëmijë ka potencial.
Me durim, dashuri dhe profesionalizëm, i ndihmojmë ata të shprehen dhe të dëgjohen

Ndërhyrja në kohë bën diferencën.

03/12/2025

🌍 Dita Ndërkombëtare e Personave me Nevoja të Veçanta

Sot kujtojmë një të vërtetë të thjeshtë: përfshirja nuk është mirësi – është përgjegjësi.

Në Qendra DIJA, çdo ditë punojmë për t’u krijuar personave me nevoja të veçanta një ambient ku ata mësojnë, rriten dhe ndihen të pranuar plotësisht.

Çdo hap përpara është arritje.
Çdo përqafim është forcë.
Çdo buzëqeshje është frymëzim.

Falënderojmë prindërit, edukatorët dhe terapistët që japin zemrën e tyre në këtë rrugëtim.

28/11/2025

Të gjithë shqiptarëve, Gëzuar Dita e Pavarësisë!

27/11/2025

🎉Çdo hap i vogël ka ndërtuar historinë tonë të madhe.

14 vite kujtime, dashuri dhe përkushtim për çdo fëmijë!

31/10/2025

Kontributi i themelueses së Qendra Dija për gazetën Telegrafi.com.

Lexoni më poshtë artikullin e plotë

Bashkëpunimi midis prindërve dhe specialistëve – themel i progresit në terapitë zhvillimoreSevdije MarmullakuPedagoge speciale & LogopedeTel. 044 596 955 Të jesh pedagoge speciale nuk është vetëm një profesion – është një mision që lind nga dashuria për fëmijët dhe dëshira për...

20/10/2025

💬Dygjuhësia nuk është pengesë. Mësoni si ta mbështesni fëmijën tuaj që po mëson dhe rritet në dy gjuhë me dashuri, durim dhe lojë.

17/10/2025

Në Qendrën Dija, mësojmë duke luajtur!

Çdo ditë është një aventurë e re plot ngjyra, lojëra dhe buzëqeshje 💛
Përmes aktiviteteve argëtuese, fëmijët tanë zhvillojnë aftësi të reja, mësojnë të përqendrohen dhe të shprehen me vetëbesim.
Çdo ngjyrë ka historinë e saj, çdo lojë një qëllim - e mbi të gjitha, çdo përparim është një hap drejt zhvillimit të plotë 🌼

🧠 Në Qendrën Dija, përdorim aktivitete të strukturuara dhe terapi zhvillimore për të ndihmuar fëmijët në:
✅ përmirësimin e vëmendjes dhe përqendrimit
✅ zhvillimin e aftësive motorike fine
✅ nxitjen e njohjes konceptuale dhe komunikimit

Çdo fëmijë mëson në ritmin e tij — dhe ne jemi këtu për ta udhëhequr me dashuri e kujdes 💙

10/10/2025

🥺Nganjëherë mund të ndjehemi të pikëlluar ose në ankth, por është njerëzore

😴Pushimi nuk është shpërblim, por nevojë

😁☹️Mund të ndjesh çfarëdo që të duash

😡Disa ditë janë më të rënda

🧠Biseda me një terapist është hapi i parë drejt trajtimit

🏆Ndjehu krenar me përparimin që ke shënuar

02/10/2025

Si ta ndihmojmë fëmijën të dëgjojë me më shumë vëmendje?

👉 Loja “Gjej tingullin”:

1. Mbyllni sytë e fëmijës.
2. Prodhoni një tingull të thjeshtë (trokitje dere, ujë që rrjedh, zile telefoni).
3. Pyeteni: “Çfarë dëgjove?”

Kjo lojë ndihmon fëmijën të:

• përqendrohet më shumë,
• zhvillojë kujtesën dëgjimore,
• lidhet më mirë me mjedisin përreth.

💡Çdo hap i vogël është një fitore e madhe