Spitali i Përgjithshëm Prizren - “prim.Dr.Daut Mustafa”

17/11/2025

Prezantohet Plani 100-ditor dhe Projektet Strategjike për 2025–2026

Prizren, 17 nëntor 2025
Të hënën, në Spitalin e Përgjithshëm të Prizrenit, u mbajt takimi i Këshillit Profesional, i udhëhequr nga kryesuesja Dr. Fatmire Braha, me praninë e drejtorit ekzekutiv, MSc. Osman Hajdari, dhe anëtarëve të Këshillit Drejtues: Dr. Shefki Xharra, UD drejtor mjekësor; Burbuqe Gashi, UD drejtoresha e infermierisë; dhe Lumrim Murtezaj, UD drejtor i Administratës dhe Shërbimeve të Përbashkëta.

Para anëtarëve të Këshillit Drejtues, shefave, kryeinfermierëve dhe udhëheqësve të njësive, drejtori ekzekutiv prezantoi Planin 100-ditor dhe planifikimin për vitin 2026. Ai, fillimisht, falënderoi menaxhmentin, udhëheqësit dhe gjithë stafin për angazhimin dhe kontributin e tyre në shërbim të pacientëve dhe zhvillimin e institucionit, duke theksuar nevojën për vazhdimësi në punët e nisura dhe përgjegjësi në kryerjen e detyrave.

Plani i punës: “Ky plan i punës paraqet aktivitetet zhvillimore dhe infrastrukturore të realizuara dhe në proces realizimi në Spitalin e Përgjithshëm të Prizrenit gjatë periudhës Tetor–Dhjetor 2025, në përputhje me prioritetet e Ministrisë së Shëndetësisë dhe udhëzimet e SHSKUK-së. Plani përfshin projektet e rinovuara, iniciativat digjitale dhe përmirësimet në efikasitet, higjienë dhe kushte pune. Ky Plan 100-ditor (Tetor–Dhjetor 2025) përfaqëson angazhimin e Spitalit të Përgjithshëm të Prizrenit për të përmirësuar vazhdimisht cilësinë e shërbimeve, infrastrukturën dhe mirëqenien e pacientëve dhe stafit. Zbatimi i suksesshëm i këtij plani do të krijojë bazën për fazat e ardhshme zhvillimore në vitin 2026”, tha drejtori ekzekutiv.
Projektet e filluara:
• Renovimi i Repartit të Pediatrisë dhe Internos: Punime infrastrukturore dhe zhvendosje e përkohshme e aktiviteteve për rinovimin e plotë të ambienteve.
• Renovimi i Njësisë së Kujdesit Intensiv Qëndror dhe Njësisë Koronare: Përmirësim i kushteve teknike dhe ventilimit, instalimi i sistemeve të reja elektrike.
• Renovimi i sallave të Bllokut Kirurgjik (kirurgji e përgjithshme, obstetrike): Rikonstruksion i ambienteve operative, ndriçimit dhe pajisjeve kirurgjikale.
• Renovimi i Repartit të Patologjisë: Përmirësim i kushteve laboratorike dhe sigurisë biosanitare.

Projektet e planifikuara deri në fund të vitit 2025:
• Ndriçimi i jashtëm i hapësirave spitalore me LED për rritjen e sigurisë.
• Riparim dhe standardizim i nyjeve sanitare në të gjitha repartet.
• Riorganizim i parkingut për staf, pacientë dhe urgjencë.
• Vendosja e dyerve të garazheve të autoambulancave për siguri dhe mirëmbajtje.
Digjitalizimi:
• Digjitalizimi i imazherisë, termineve dhe dokumentacionit.
• Monitorimi i disiplinës dhe orarit të punës.
• Digjitalizimi i të dhënave laboratorike.

Shërbimet klinike dhe pajisjet mjekësore:
• Funksionalizimi i sallës operative në Bllokun Kirurgjik.
• Furnizimi me shtretër të rinj për Repartin e Dializës dhe ridizajnimi i hyrjes së tij.
• Furnizim me RTG mobil në Pulmologji, MRI Coilet (3 modele), pajisje për Gjinekologji dhe pajisje të tjera.

Projektet strategjike për vitin 2026:
• Renovimi dhe riorganizimi i reparteve Pediatri dhe Interno.
• Ndërtimi, renovimi dhe adaptimi i Emergjencës, Radiologjisë dhe aneksit të Administratës.
• Riorganizimi i hapësirave të jashtme, parkingjeve, rrugëve, trotuareve dhe hapësirave të gjelbërta.
• Instalimi i sistemeve të reja të klimatizimit dhe ventilimit në të gjitha objektet e institucionit.
• Depoja e Barnatores.
• Renovimi i Bllokut Operativ, Fizioterapisë, Repartit të Infektivës, Neurologjisë, Psikiatrisë dhe Ambulancave të Pulmologjisë DAT.
• Inventarizimi i spitalit me inventar medicinal dhe administrativ.
• Projekte të veçanta për Spitalin “Nëna dhe Fëmijë”.
Dr. Shefki Xharra, UD drejtor mjekësor, prezantoi vizionin strategjik të institucionit, ndërsa Burbuqe Gashi fokusoi në forcimin e kujdesit shëndetësor.
Gjatë diskutimeve, shefat dhe kryeinfermierët e repartëve (Dr. Sami Resh*taj – MIQ, Dr. Agim Sefa – Blloku Operativ, Dr. Shemsedin DShabollari – Interni, Dr. Syla Osmanaj – Anestezion, Dr. Shefazim Hulaj – ORL, Dr. Imet Poniku – Psikiatri, Dr. Hekuran Veçgishti – Emergjenca dhe Rrahim Semani – ORL) prezantuan problemet ekzistuese dhe propozimet për zgjidhjen e tyre.

08/11/2025

Punë e shkëlqyer nga ekipi i Kardiologjisë Invazive!
Me përkushtim e profesionalizëm, kardiologët e Spitalit të Përgjithshëm të Prizrenit po e bëjnë spitalin tonë qendër referuese për trajtimin modern të sëmundjeve të zemrës.

Shërbimi i Kardiologjisë Invazive në Spitalin e Përgjithshëm të Prizrenit ka shënuar një hap të madh në ofrimin e trajtimit modern për pacientët me sëmundje të zemrës, duke u bërë qendër referuese për qytetarët e Prizrenit, komunave përreth dhe madje edhe për pacientë nga veri...

28/10/2025

Takim me përfaqësuesit e Shoqatës së Pensionistëve të TMK/FSK dhe Simpatizantëve “ELITA”

Prizren, 28 tetor 2025
Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, z. MSc. Osman Hajdari, së bashku me anëtarët e Këshillit Drejtues, priti sot në takim përfaqësuesit e Shoqatës së Pensionistëve të TMK/FSK dhe Simpatizantëve “ELITA”: z. Bajram Bekteshi, kryetar i shoqatës; Prof. Haxhi Ferati, nënkryetar; z. Vesel Maliqaj, sekretar; z. Agim Leka, anëtar i selisë qendrore; z. Mitat Qovanaj, përgjegjës për shëndetësi; dhe z. Latif Bajrami, anëtar.
Qëllimi i takimit ishte njoftimi me misionin dhe veprimtarinë e shoqatës, si dhe diskutimi për mundësitë e bashkëpunimit ndërmjet palëve në fushën e shëndetësisë.

23/10/2025

Takim me përfaqësues të Forcës së Sigurisë së Kosovës
Prizren, 23 tetor 2025
Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, z. MSc. Osman Hajdari, së bashku me anëtarët e Këshillit Drejtues, priti sot në takim zyrtar përfaqësuesit e Forcës së Sigurisë së Kosovës nga Kompania e Deminimit, z. Petrit Loshi dhe z. Ferit Xhemaj.
Gjatë takimit u diskutua për vazhdimin dhe thellimin e bashkëpunimit institucional ndërmjet dy institucioneve, me qëllim të përbashkët për përmirësimin e shërbimeve dhe për rritjen e sigurisë dhe mirëqenies së qytetarëve.
Ky takim pasqyron përkushtimin e ndërsjellë për ndërtimin e një partneriteti të qëndrueshëm dhe efikas, në shërbim dhe në funksion të interesit të përgjithshëm të qytetarëve.

20/10/2025

Takim pune me Policinë e Kosovës

Prizren, 20 tetor 2025
Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, z. MSc. Osman Hajdari, së bashku me anëtarët e Këshillit Drejtues, priti në takim një delegacion të Policisë së Kosovës nga Rajoni i Prizrenit, të kryesuar nga z. Qamil Kroni, Shef i Burimeve Njerëzore të Rajonit të Prizrenit.

Qëllimi i takimit ishte forcimi i bashkëpunimit ndëinstitucional, me theks të veçantë në zbatimin e marrëveshjes së bashkëpunimit të nënshkruar në vitin 2024 ndërmjet Policisë së Kosovës dhe SHSKUK-së.

Drejtori ekzekutiv i spitalit, MSc. Osman Hajdari, falënderoi Policinë e Kosovës për bashkëpunimin e vazhdueshëm dhe për kontributin e saj në shërbim të qytetarëve, duke theksuar gatishmërinë e spitalit për të ofruar shërbime shëndetësore sa më cilësore për pjesëtarët e Policisë së Kosovës.

Nga ana tjetër, Shefi i Burimeve Njerëzore të Policisë Rajonale të Prizrenit, z. Qamil Kroni shprehu mirënjohje për menaxhmentin dhe stafin e spitalit, duke vlerësuar angazhimin dhe profesionalizmin e tyre. Ai ritheksoi rëndësinë e bashkëpunimit dhe koordinimit ndërinstitucional për përmirësimin e shërbimeve ndaj qytetarëve dhe punonjësve të të dy institucioneve.

Ky takim konfirmon përkushtimin e ndërsjellë për vazhdimin e bashkëpunimit të qëndrueshëm dhe efikas në funksion të ofrimit të shërbimeve sa më të mira dhe sa më cilësore.

16/10/2025

Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, z. MSc. Osman Hajdari, priti në takim urues përfaqësuesit e FSK-së për Çështje Civile
Prizren, 16 tetor 2025
Të enjten, drejtori ekzekutiv i Spitalit të Përgjithshëm “Prim. Dr. Daut Mustafa” në Prizren, z. MSc. Osman Hajdari, së bashku me anëtarët e Këshillit Drejtues, priti në takim urues një delegacion të Forcës së Sigurisë së Kosovës për Çështje Civile, i udhëhequr nga z. Osman Zeqiraj.
Gjatë takimit, përveç urimit për marrjen e detyrës së re të drejtorit ekzekutiv, u diskutua edhe për mundësitë e bashkëpunimit të ndërsjellë, me theks të veçantë në fushën e ndërhyrjeve emergjente dhe situatave të jashtëzakonshme.
Ky takim shënon një hap të rëndësishëm drejt forcimit të koordinimit ndërinstitucional në shërbim të qytetarëve.

15/10/2025

Shënohet aktiviteti kryesor në kuadër të muajit të vetëdijesimit për kancerin e gjirit
Prizren, 15 tetor 2025
Në kuadër të shënimit të “Muajit Tetor – Muajit të Vetëdijesimit për Kancerin e Gjirit”, të mërkurën në amfiteatrin e Spitalit të Përgjithshëm të Prizrenit, ndërtesa e QRSHP, u mbajt aktiviteti kryesor sensibilizues. Në këtë ngjarje morën pjesë menaxhmenti i spitalit, shefat e reparteve, kryeinfermieret, profesionistë shëndetësorë, mjekë, infermiere, punonjëse të administratës, si dhe përfaqësuese të organizatës joqeveritare “Renesanca”.
Aktiviteti u hap nga znj. Delvina Hoti Shpejti, e cila përshëndeti të pranishmit dhe falënderoi drejtorin dhe menaxhmentin e spitalit për përkrahjen e aktiviteteve të organizuara në kuadër të “Muajit Rozë”, duke theksuar rëndësinë e informimit dhe ndërgjegjësimit të grave dhe vajzave lidhur me kancerin e gjirit.
Dr. Fatmire Braha, kryetare e Këshillit Profesional, në fjalën e saj vuri në dukje se Tetori është një fushatë ndërkombëtare që synon të rrisë vetëdijen dhe edukimin për rëndësinë e zbulimit të hershëm të kësaj sëmundjeje, e cila mbetet një nga sfidat më të mëdha shëndetësore për gratë në mbarë botën.
MSc. Osman Hajdari, drejtor ekzekutiv i spitalit, foli për shërbimet që spitali ofron në përgjithësi, në fushën e parandalimit dhe trajtimit të kancerit të gjirit, në veçanti. Ai falënderoi të gjithë punonjësit shëndetësorë për angazhimin e tyre të përditshëm dhe premtoi përkrahje të vazhdueshme dhe përkushtim për përmirësimin e cilësisë së shërbimeve dhe zgjerimin e kapaciteteve për kujdesin shëndetësor të popullatës.
Dr. Arta Zhuri Dula, shefe e repartit të Radiologjisë, prezantoi të dhëna dhe statistika të rëndësishme mbi diagnostikimin e hershëm të kancerit të gjirit, duke nënvizuar rolin kyç të radiologjisë në zbulimin në kohë të kancerit të gjirit.
Një moment i veçantë dhe emocional i aktivitetit ishte fjalimi i Burbuqe Gash*t, ushtruese e detyrës së drejtoreshës së infermierisë dhe vetë një e mmbijetuar nga kanceri i gjirit, e cila ndau përvojën e saj personale dhe bëri apel për kontrolla të rregullta mjekësore, duke theksuar se zbulimi i hershëm shpëton jetë.
Violeta Pirana, drejtoreshë e OJQ-së “Renesanca”, prezantoi aktivitetet dhe nismat që shoqata zhvillon në funksion të vetëdijesimit dhe mbështetjes për gratë që përballen me këtë sëmundje, duke falënderuar edhe spitalin për bashkëpunim në aktivitetet që janë në të mirë të grave dhe popullatës në përgjithësi.
Ky aktivitet shënoi një tjetër hap të rëndësishëm në drejtim të informimit dhe ndërgjegjësimit publik, me theks të veçantë te rëndësia e parandalimit, kontrollit të rregullt dhe trajtimit të hershëm të kancerit të gjirit.

09/10/2025

Drejtori Ekzekutiv viziton Neurologjinë, Pulmologjinë dhe Dermatovenerologjinë

Prizren, 9 tetor 2025

Në vazhdën e vizitave të reparteve, të enjten, MSc. Osman Hajdari, Drejtor Ekzekutiv i Spitalit të Përgjithshëm “Prim. Dr. Daut Mustafa” në Prizren, i shoqëruar nga anëtarët e Këshillit Drejtues: Dr. Shefki Xharra, Drejtor Mjekësor (u.d.), Burbuqe Gashi, Drejtoreshë e Infermierisë (u.d.), dhe Lumrim Murtezaj, Drejtor i Administratës dhe Shërbimeve të Përbashkëta (u.d.), ka vizituar Repartin e Neurologjisë, Pulmologjisë dhe Dermatovenerologjisë.
Nga shefat e reaprteve , Dr. Mehdi Shehu, Neurologji, Dr. Sevim Brina, Pulmologji, dhe Dr. Ilir Besimi, Dermatovenerologji, drejtuesit më të lart të spitalit, u njoftuan për funksionimin e shërbimeve, të arriturat, sfidat aktuale dhe planet për zhvillim të mëtejshëm të shërbimeve në repartet përkatësee.
Drejtori Ekzekutiv, Msc. Osman Hajdari, ka falënderuar stafin për punën dhe sukseset e deritanishme, duke theksuar rëndësinë e përkushtimit dhe përgjegjësisë në kryerjen e detyrave të përditshme. Ai shprehu gatishmërinë e tij dhe të menaxhmentit për të mbështetur projektet dhe iniciativat për zhvillimin e mëtejshëm të shërbimeve, me qëllim ngritjen e cilësisë së kujdesit dhe shërbimeve sa më të mira për pacientë.

08/10/2025

Drejtori Ekzekutiv viziton Shërbimin e Radiologjisë
Prizren, 8 tetor 2025
MSc. Osman Hajdari, Drejtor Ekzekutiv i Spitalit të Përgjithshëm “Prim. Dr. Daut Mustafa” në Prizren, i shoqëruar nga anëtarët e Këshillit Drejtues – Dr. Shefki Xharra, Drejtor Mjekësor (u.d.), Burbuqe Gashi, Drejtoreshë e Infermierisë (u.d.), dhe Lumrim Murtezaj, Drejtor i Administratës dhe Shërbimeve të Përbashkëta (u.d.), të mërkurën, ka realizuar një vizitë në Shërbimin e Radiologjisë.
Gjatë vizitës, drejtuesit më të lart të spitalit, u pritën nga Dr. Arta Zhuri Dulla, Shefe e Shërbimit të Radiologjisë, dhe Naim Stupa, Kryeteknik i Radiologjisë, të cilët njoftuan për funksionimin e shërbimit, të arriturat, sfidat aktuale dhe planet për zhvillim të mëtejshëm të shërbimeve radiologjike.
Drejtori Ekzekutiv, Msc. Osman Hajdari, përgëzoi stafin për punën dhe sukseset e deritanishme të shërimeve radiologjike, duke theksuar rëndësinë e përkushtimit dhe përgjegjësisë në kryerjen e detyrave të përditshme. Ai shprehu gatishmërinë e tij dhe të menaxhmentit për të mbështetur zhvillimin e mëtejshëm të shërbimit të radiologjisë, me qëllim ngritjen e cilësisë së kujdesit dhe shërbimeve sa më të mira për pacientë.

07/10/2025

NJOFTIM
Të nderuar qytetarë,

Ju informojmë se ka filluar realizimi i projektit për renovimin e plotë të ndërtesës/objekti spitalor nr.3/, ku janë të vendosura repartet e Pediatrisë dhe Internos.

Me qëllim të mbarëvajtjes së punimeve dhe garantimit të sigurisë së pacientëve dhe personelit, ka filluar edhe transferimi i pacientëve dhe personelit si më poshtë:
1. Pacientët dhe personeli i repartit të Pediatrisë transferohen në repartin e Gjinekologjisë.
2. Pacientët dhe personeli i repartit të Internos transferohen në repartin e ORL-së.
3. Pacientët dhe personeli i repartit të ORL-së transferohen në repartin e Oftalmologjisë

Për pacientët e pediatrisë:
- Vizitat mjekësore dhe specialistike gjatë ditëve të punës nga ora 07:00-15:00 do të ofrohen në ambulancën specialistike pedriatike e vendosur në hapësirat e ambulancave specialistike.
- Vizitat mjekësore dhe specialistike pas orës 15:00 të ditëve të punës, ditëve të vikendit dhe festave zyrtare do të ofrohen në repartin e gjinekologjisë, ku përkohësisht është vendosur reparti i pediatrisë me hyrje në shkallët ndihmëse-skaj laboratorit.
Kërkojmë mirëkuptimin dhe bashkëpunimin tuaj gjatë periudhës së punimeve!

Me respekt,
Drejtoria
Spitali i Përgjithshëm
“Prim.Dr.Daut Mustafa”
Prizren

01/10/2025

Këshilli Profesional mban takimin e radhës – prezantohet drejtori i ri ekzekutiv dhe anëtarët e rinj të Këshillit Drejtues
Prizrten, 1 tetor 2025
Të mërkurën u mbajt takimi i radhës i Këshillit Profesional, i udhëhequr nga Dr. Fatmire Braha, kryesuese e Këshillit. Gjatë këtij takimi, para anëtarëve të Këshillit u prezantua drejtori i ri ekzekutiv i Spitalit të Përgjithshëm “Prim. Dr. Daut Mustafa” në Prizren, MSc. Osman Hajdari, së bashku me anëtarët e rinj të Këshillit Drejtues: Dr. Shefki Xharra, drejtor mjekësor, UD, Burbuqe Gashi, drejtoreshë e infermierisë, UD, dhe Lumrim Murtezaj, drejtor i Administratës dhe Shërbimeve të Përbashkëta, UD.
Në fjalën e tij prezantuese, drejtori ekzekutiv MSc. Osman Hajdari shprehu mirënjohjen për punën dhe sukseset e arritura deri më tani, duke theksuar nevojën për angazhim të përbashkët në funksion të përmirësimit të shërbimeve për pacientët, kushteve të punës për stafin si dhe zhvillimit të mëtejmë të institucionit.
“Është nder dhe fat për mua që më është besuar drejtimi i Spitalit të Prizrenit si Drejtor Ekzekutiv. Jam këtu që, së bashku me ju, të japim më të mirën e mundshme përmes reformave dhe ndryshimeve që synojnë përmirësimin e mirëqenies së pacientëve, stafit dhe institucionit në tërësi. Spitali i Prizrenit është një institucion me emër, histori, traditë dhe arritje të prekshme. Ka potencial të madh, si në aspektin profesional, ashtu edhe në pajisje dhe infrastrukturë, për të qenë shembull dhe pikë referimi në nivel vendi. Nevojitet vetëm përkushtim, përgjegjësi dhe realizim i plotë i detyrave dhe objektivave”,-tha drejtori Hajdari.
Ai theksoi rëndësinë e stafit profesional si “zemra e spitalit”, duke u zotuar për përkrahje të plotë 24 orë për projektet që kontribuojnë në përmirësimin e shërbimeve për pacientë, zhvillimin profesional dhe për avancimin e institucionit.
Drejtori ekzekutiv kërkoi nga të gjithë përkushtim maksimal dhe trajtim të barabartë për të gjithë, duke paralajmëruar se çdo neglizhencë apo shkelje e obligimeve kontraktuale do të trajtohet me seriozitet të plotë.
“Një nga kërkesat e mia të menjëhershme është respektimi i orarit të punës, i cili, sipas vendimit të Drejtorisë së SHSKUK-së, fillon në ora 07:00 dhe përfundon në ora 15:00 për të gjithë. Për rastet e ankesave, drejtori bëri të ditur se do të trajtohen individualisht, në përputhje me ligjet në fuqi, në bashkëpunim me Qendrën e Mjekësisë së Punës në Gjakovë, për të vlerësuar rrezikshmërinë në vendin e punës. “Unë kam ardhur për ndryshime. Kam vizion dhe objektiva të qarta, të cilat do të jenë në dobi të të gjithëve – pacientëve, stafit dhe institucionit. Që nga java e ardhshme, së bashku me ekipin tim drejtues, do të vizitojmë çdo repart për të parë nga afër gjendjen aktuale, shërbimet që ofrohen, sfidat që hasni si dhe vizionin tuaj për përmirësime”, -përfundoi drejtori ekzekutiv, MSc. Osman Hajdari
Në fund të takimit, edhe anëtarët e rinj të Këshillit Drejtues: Dr. Shefki Xharra, Burbuqe Gashi dhe Lumrim Murtezaj, mbajtën nga një fjalë të shkurtër prezantuese, duke shprehur përkushtimin e tyre për bashkëpunim dhe për të kontribuar në ngritjen e cilësisë së shërbimeve dhe zhvillimin e përgjithshëm të institucionit.

01/10/2025

Muaji Tetor – Muaji i Ndërgjegjësimit për Kancerin e Gjirit

Spitali i Përgjithshëm “Prim. Dr. Daut Mustafa” Prizren ndriçohet në rozë, në solidaritet me gratë që përballen me kancerin e gjirit.

Kontrolli i hershëm shpëton jetë – kujdesuni për shëndetin tuaj!