31/10/2025
Njoftim Zyrtar
Simpoziumi Shkencor “Neuroshkenca Klinike dhe Ndërhyrjet Transformuese”
Organizuar nga: White Storm - Instituti për Shëndetin Mendor dhe Neuroshkencën
Të nderuar kolegë,
Kemi kënaqësinë t’ju njoftojmë se Instituti i Shëndetit Mendor dhe Neuroshkencës “White Storm” është në procesin e organizimit të Simpoziumit Shkencor “Neuroshkenca Klinike dhe Ndërhyrjet Transformuese”, që do të mbahet në Kosovë 2026.
Ky simpozium ka për qëllim të krijojë një platformë profesionale për shkëmbimin e dijes, praktikave klinike dhe përvojave kërkimore që synojnë transformimin e trurit dhe mirëqenien emocionale përmes ndërhyrjeve të bazuara në evidencë shkencore.
Ftohen të gjithë profesionistët e shëndetit mendor, neurologët, psikiatrit, psikologët klinikë, neuroshkencëtarët dhe terapistët zhvillimorë që janë të interesuar të kontribuojnë me punime kërkimore ose klinike, të dorëzojnë:
Abstraktin shkencor të punimit që dëshirojnë të prezantojnë (deri në 300 fjalë)
CV-në profesionale.
Ky simpozium përfaqëson një pikënisje të re për zhvillimin e neuroshkencës klinike në Kosovë, Shqipëri, Maqedoni e Veriut dhe më gjerë, duke promovuar një qasje që e sheh çdo rast jo përmes kufizimeve, por përmes potencialit dhe shpresës që ofron neuroplasticiteti dhe ndërhyrja e bazuar në shkencë.
Ju mirëpresim!
