16/10/2025
🧠 “Të kujdesesh për mendjen është po aq e rëndësishme sa të kujdesesh për trupin.”
Në kuadër të vizitave në shkollat e mesme të rajonit të Prizrenit, sot patëm kënaqësinë të mirëpritemi në IAAP “Abdyl Ramaj” në Shirokë.
Tema mbi shëndetin mendor ngjalli interes të veçantë tek nxënësit, të cilët u njohën më nga afër me punën e Qendrës së Shëndetit Mendor të Bazuar në Bashkësi, shërbimet që ofrojmë, si dhe mënyrat se si mund të mbështesim një person që po përballet me vështirësi emocionale.
Ligjërata u mbajt nga Aferdita Kajdomqaj, e shoqëruar nga Emiranda Tahiri.
Gjatë takimit, u dhuruan disa libra me poezi, autor i të cilave është një person që ka kaluar shqetësime mendore, por me mbështetjen e qendrës sonë ka arritur t’i përballojë dhe t’i shndërrojë ndjenjat në krijimtari, duke i botuar veprat e tij poetike. Një shembull frymëzues i fuqisë së rimëkëmbjes përmes artit dhe mbështetjes profesionale.
Faleminderit për mikpritjen e ngrohtë, bashkëbisedimin e hapur dhe interesimin e madh! 💚
