Shkolla e Mesme e Lartë e Mjekësisë Viciana Med

08/02/2026

Nxënësit e Shkollës “Viciana Med” sot, ditë e Diel kishin një ekskursion në qendrën e skijimit në Brezovicë.

Një pjesë e tyre u angazhuan në aktivitete skijimi, ndërsa të tjerët shijuan bukuritë natyrore dhe pamjet mbresëlënëse të zonës. ⛷️🏔️

04/02/2026

Në përmbyllje të aktivitetit, përmes një sesioni pyetje dhe përgjigje, nxënëset Medina Selimi, Lumturije Beqiri, Stina Tahiri dhe Adriana Syla se bashku me profesoreshen ndanë njohuri dhe mesazhe të fuqishme mbi kancerin, duke inkurajuar ndërgjegjësimin, kujdesin për shëndetin dhe solidaritetin ndaj të prekurve me kancer 🌼

04/02/2026

Mos e neglizho trupin tënd, dëgjo shenjat 🎗️

Diagnostikimi i hershëm rrit ndjeshëm shanset për shërim 🌼

Kujdesi sot parandalon sëmundjen nesër 🧑‍⚕️

04/02/2026

Nxënësit e shkollës sonë, nën udhëheqjen e profesoreshës Fatbardha Musa, realizuan sot një ligjëratë informuese në gjimnazin e qytetit "Eqrem Çabej" në Vushtrri me rastin e Ditës Botërore të Kancerit, duke kontribuar kështu në promovimin e shëndetit, ndërgjegjësimin, sensibilizimin dhe vetëdijësimin nëpërmjet bashkëpunimit institucional 🎗️

Për shpresën që lind nga dija dhe për forcën që vjen nga ndërgjegjësimi. Çdo hap i vogël sot, është një shans më shumë për nesër 💛

26/01/2026

🫀 Trajnim praktik në ndihmën e parë – reanimimi kardiopulmonar (CPR).
Njohuritë shpëtojnë jetë dhe praktika i bën ato reale.

📚 👩‍⚕️👨‍⚕️

23/01/2026

Nxënësit e klasave XI dhe XII, të drejtimit shëndetësor, janë duke e zhvilluar praktikën profesionale në Qendrën e Mjekësisë Familjare, ku po aftësohen në kushte reale pune dhe po thellojnë njohuritë e fituara gjatë mësimit teorik.

Praktika po realizohet nën përkujdesjen dhe mbikëqyrjen profesionale të Profesorit Mentor Hasani, i cili me përkushtim, korrektësi dhe profesionalizëm po i udhëzon nxënësit në zhvillimin e shkathtësive praktike dhe etikes profesionale.

Ky bashkëpunim përbën një mundësi të vlefshme për nxënësit, duke kontribuar në përgatitjen e tyre për tregun e punës dhe në formimin e tyre si profesionistë të ardhshëm të fushës shëndetësore.👩‍⚕️👨‍⚕️

15/01/2026

🎉Sukseset e nxënësve tanë na bëjne krenarë!
Nxënësja jonë Venesa Januzi aktualisht është duke punuar në Münchenshift,në qytetin e München,në Tauernstrabe 🇩🇪.

Ky ështe një hap i rëndësishëm në rrugëtimin e saj profesional dhe një dëshmi e përkushtimit,punës dhe përgatitjes së mirë akademike.
I urojmë Venesës shumë suksese të tjera dhe jemi krenarë për arritjet e saj! 🌟

31/12/2025

25/12/2025

Klasa 12/2 me kujdestarën Sylejme Gogolli💫

24/12/2025

Shkolla e Mesme e Mjekësisë VicianaMed është krenare me arritjen dhe ngritjen profesionale dhe akademike për mësimdhënsin Dr. Visar Kameri i cili ka përfunduar me sukses specializimin në Ortopedi.
Ky sukses përfaqëson jo vetëm arritje personale, por edhe një vlerë të shtuar për institucionin tonë, pasi përvoja klinike dhe formimi i avancuar profesional pasurojnë drejtpërdrejt cilësinë e mësimdhënies dhe përgatitjen profesionale të nxënësve tanë.
I urojmë shumë suksese të mëtejshme në rrugëtimin profesional dhe akademik, me bindjen se kontributi i tij do të vazhdojë të jetë i çmuar për nxënësit, kolektivin dhe misionin edukativ të shkollës sonë.

24/12/2025

Me rastin e festave të fundvitit, Shkolla Viciana Med ju uron të gjithë nxënësve, prindërve dhe stafit arsimor shëndet, paqe dhe suksese të vazhdueshme. Ky vit ishte një rrugëtim i mbushur me dije, përkushtim dhe arritje, falë punës së palodhur dhe bashkëpunimit të të gjithëve. Urojmë që viti i ri të sjellë mundësi të reja, motivim dhe rezultate edhe më të mëdha në rrugën e dijes dhe profesionalizmit. Gëzuar festat dhe një Vit të Ri të mbarë! 🎉✨

23/12/2025

Kompania Dukagjini ka realizuar një donacion me dhurata për stafin dhe mësimdhënësit e Shkollës së Mjekësisë VICIANAMED, në shenjë vlerësimi për përkushtimin profesional, përgjegjësinë dhe kontributin e tyre të vazhdueshëm në fushën e arsimit shëndetësor.

Ky gjest përfaqëson një akt domethënës mbështetjeje dhe respekti ndaj rolit të rëndësishëm që mësimdhënësit dhe stafi luajnë në edukimin dhe formimin e kuadrove të ardhshme mjekësore. Shkolla e Mjekësisë VICIANAMED shpreh mirënjohjen e saj të thellë ndaj Kompanisë Dukagjini për këtë iniciativë të çmuar dhe bashkëpunimin korrekt.