24/02/2026
Tydens die kragonderbreking was ons tehuis in donker gehul… maar beslis nie ons inwoners se gemoed nie.
Ons het gesien hoe inwoners rustig lê of sit en hul leesboekies geniet. Ander het inkleur-terapie gedoen en met elke kleur ’n bietjie ekstra lig ingebring. En toe – die mooiste oomblik – het party van hulle begin sing vir ander inwoners. Sagte stemme wat deur die gange weerklink het en warmte gebring het waar daar geen ligte was nie.
Alles was donker, maar nie hul gemoed nie. 💛
In sulke donkertye besef ons weer: dit is ons gesindheid, ons omgee en ons saamwees wat ’n plek werklik ophelder.
Ons is ongelooflik trots op ons inwoners. ✨
