Thoughts of a guy with a Master's in Homeopathy

16/08/2022

Kollageen is nie net vir mooi hare, naels en vel nie... dit kan ook help met gewrigspyne en derm gesondheid (gut health).

Hier volg n paar basiese dinge wat jy moet weet om die regte produk (vir jou) te koop:

Daar is baie verskillende tipes kollageen, maar die meeste wat in produkte voorkom, is tipes 1, 2, 3 en 5.

Tipes 1 en 3, word hoofsaaklik as skoonheidsprodukte bemark - vir mooi sterk hare en naels , asook vir verbeterde vel elastisiteit.

Tipes 2 en 5, word vir gewrigsgesondheid aangewend - vir versterking van ligamente, herstel van beskadigde gewrigte en osteo-arthritis.

Alle kollageen is geskik om derm gesondheid te bevorder - help met sooibrand, maagseer voorkoming, prikkelbare derm ens.

Alle kollageen, is n baie goeie bron van proteïen vir atlete, en vir mense wat spiermassa probeer bou.

Jy kan kies om die suiwer, "hydrolysed" kollageen, of die saamgestelde produkte, wat n kombinasie van ander bestandele bevat, te gebruik. Hou in gedagte, dat die ander bestandele n verdunningseffek, op die hoeveelheid kollageen wat jy in kry, kan hê.

Die poeier vorm, los redelik goed op in n glas sap... jy kan dit selfs by jou koffie, of tee, voeg. 1of 2 teelepels is, oor die algemeen, meer as genoeg vir die dag.

Dit is ook verkrygbaar as kapsules, maar word dan gereeld gekombineer met ander bestandele.

As jy net nou-en-dan n kollageen boost wil hê, kan jy dit in sekere sjokolades, energie drankies, brood, poeiermelk en velroom kry.

Al die genoemde tipes kollageen, is afkomstig van diere. Vegans en sommige vegetarieërs sal dus nie hierdie produkte wil gebruik nie... ek sal op n ander dag alternatiewe opsies vir nie-diereproduk verbruikers, plaas.

As jy allergië vir sekere vis soorte het, moet jy tipe 1 kollageen vermy. As jy n eier allergie het, moet jy tipe 5 kollageen vermy.

As jy nie vark produkte gebruik nie, moet jy die etiket (label) mooi nagaan. Die meeste tipe 3 kollageen is van bees afkomstig (produk verwys daarna as BOVINE), maar kyk uit vir die woord, PORCINE, wat beteken dat dit van vark afkomstig is.

Mense met verswakte nier funksie, moet kollageen aanvullings vermy.

Mense wat gereeld jig (gout) kry, moet ook maar versigtig wees vir kollageen - dit kan tot n akute aanval kan lei.

Hierdie produkte is oor die algemeen nogal duur, maar daar is menigte mense wat getuig dat die produkte werklik n verskil maak. As jy dit wil probeer, moet jy dit vir ten minste 3 maande gebruik, voordat jy jou oordeel vel.

Laat weet gerus hoe jou ondervinding met kollageen produkte was.

02/08/2022

As jy effens angstig of depro raak, maar nog nie hoofstroom medisyne gebruik nie, moet jy beslis een (of twee) van hierdie produkte probeer:

Skeletium - het n kalmerende effek omdat dit die deel in die brein, wat jou veg-vlug-vries reaksie beheer, rustiger maak.

Ashwagandha - verminder die stress hormoon, cortisol, wat jou wakker hou en bloeddruk opjaag.

Lion's Mane sampioen- versterk en ondersteun die deel van die brein wat help met emosionele regulasie en gehue.

Skeletium en Ashwagandha kan saam geneem word, maar Lion's Mane funksioneer heel goed op sy eie.

Hierdie aanvullings word hoog aangeskryf - ek kry gereeld positiewe terugvoering by kliente wat dit probeer het.

Wees asb bewus daarvan dat jy ten sterkste afgeraai word om dit saam met hoofstroom angs-, depressie- en slaap medikasie te neem. Moet dit ook nie saam met GABA of 5HTP aanvullings neem nie.

O ja... natuurlike gesondheidsprodukte soos hierdie kan n effense bloed verdunningseffek hê. So, indien jy vir n operasie moet gaan, moet jy die gebruik daarvan, 2 weke voor die tyd staak.

Laat weet gerus wat jou ervaring met hierdie produkte is, indien besluit om dit te probeer.

25/07/2022

Talle vroue gebruik n Biotin (vitamien B7) aanvulling om hul hare sterker te laat uitgroei... en blykbaar werk dit!

Daar is wel n klein persentasie van hierdie vroue wat kort daarna begin sukkel met puisies, of slapeloosheid.

As jy een van daardie persone is, behoort n ekstra aanvulling met vitamien B5 (Pantothenic acid) die probleem op te los, sodat jy nie daardie sterk hare hoef prys te gee nie.

Daar is nog n hele paar ander dinge wat jy ook kan doen om jou haargroei n hupstoot te gee, maar, later meer daaroor.

[Hierdie is algemene raad, waarby die gemiddelde persoon kan baat vind.]

22/10/2021

Die werklike kwessie is nie, of jy ingeent, of NIE ingeent is nie... die werklike kwessie is, of jy immuun is, of nie.

Mense wat hersel het van n natuurlike SARS-CoV-19 infeksie, het n onbetwisbare natuurlike immuuniteit teen die virus, wat waarskynlik net so goed, indien nie beter, is as persone wat ten volle ingeent is nie.

Die implikasie daarvan maak dinge vir beleidmakers moeilik. Dit is eenvoudig makliker om te vereis dat almal ingeent moet word, as om verdere beleid te skep wat persone met natuurlike immuuniteit, ook vrywaring gee.

Geen persoon wat n natuurlike infeksie gekry het, het daarvoor gaan soek nie - niemand WIL siek word nie. As iemand siek word, en dan herstel, is hulle n SURVIVOR, en verdien hulle nie die diskriminasie wat na hullle kant toe kom, as hulle daarna nie ingeent wil word nie.

Wees versigtig dat die media jou nie teen jou medemens polariseer nie.

Gaan lees gerus die berig wat onlangs deur die Britse Mediese Joernaal gepubliseer is:

The US CDC estimates that SARS-CoV-2 has infected more than 100 million Americans, and evidence is mounting that natural immunity is at least as protective as vaccination. Yet public health leadership says everyone needs the vaccine. Jennifer Block investigates When the vaccine rollout began in mid-...

19/08/2021

Persoonlikheid Pret-

Neig jou ervaring meer na die plant-, mineraal-, of dier patroon?

Vraag 1
1. Die oomblik toe jy besef dat die pandemie onvermeidelik is, en dat infeksie met die virus fataal kan wees.

Plant– “Ek is geskok en d**k heeltyd daaraan. Dit voel so onwerklik. Ek kan dit nie glo nie. Wat kan ons doen? Hoe reageer mens hierop? Wat is die regte ding om in hierdie situasie te doen?”
[Hierdie persone volg die nuus onophoudelik. Hulle wil hoogte bly van gebeure, maar voel oorweldig daardeur. Hulle volg die autoriteite en vakkundiges se leiding makliker.]

Mineraal– “Hoekom raak almal so paniekerig? Die navorsing uit Wuhan dui daarop, dat net bejaardes en mense met komorbiditeite ʼn hoë risiko het om te sterf. Mense moet nie alles glo wat die media uitbasuin nie.”
[Hierdie persone hou ook ʼn ogie op die nuus, maar hulle bevraagteken die objektiwiteit daarvan. Hoe meer deursigtig en logies die informasie, hoe makliker is dit om te aanvaar. As dit sin maak, en veilig lyk, sal hulle hul samewerking gee.]

Dier– “Ek sal, soos altyd, doen wat ookal nodig is, sodat ek en my geliefdes kan oorleef. Ek sal maar net aangaan soos normaal en dinge hanteer soos dit kom. Ek sal die geweerkluis se sleutel naby hou.”
[Hulle sal ook die nuus dop hou, maar wil eintlik net weet of hulle, en hul geliefdes, persoonlik bedreig word. Hulle het baie vertroue in hul eie oorlewingsvermoë en sal doen wat hul moet om te oorleef.]

2. Die eerste Covid-19 sterf geval

Plant– “Ek is geskok. Dit het wraggies gebeur. Die arme persoon se familie. Dit sou my verpletter as dit een van my geliefdes was. Ek hoop ons gaan okay wees.”

Mineraal– “Ai, dis sleg, maar ten minste weet ons nou, dat nie almal wat dit kry, daarvan sal sterf nie. Ek wonder wat hierdie geval anders maak as die ander? Was daar komorbiditeite? Ek d**k darm ons sal okay wees as ons aanhou om aanvullings, en immuunboosters te gebruik.

Dier– “Oh-oh. Dis nie goed nie. Ek sal wakker moet wees vir enige moeilikheid wat oppad is.”

3. Vlak 5 – harde inperking

Plant– “Ek kan nie glo die hele wêreld kom tot stillstand nie – en dit in my leeftyd. Soveel mense gaan hul inkomste verloor en finansieel geruineer word. Wat gaan ek doen as dit met my gebeur? Ek kan nie ophou om daaraan te d**k nie.”
“Die arme gesondheidswerkers is so oorlaai en kan nie cope nie. Ons moet beslis doen wat ons kan om hulle nie verder te oorlaai nie.”
“As dít is wat nodig is, om mense se lewens te red, is ʼn harde inperking seker die regte besluit.”

Mineraal– “Ek het darm alles gekry wat op my lysie was. Ek d**k ons sal okay wees as ons nie onnodige risiko’s neem nie. Miskien moet ek solank daardie belegging van my begin losmaak… net vir ingeval.”
“Ons moet net nie nou seerkry of siek word nie, want dan gaan ons nie goeie diens by die hospitaal kry nie.”
“Dit maak sin om ʼn streng inperkingstyd in te stel, sodat die kurwe af kan plat.”

Dier– “Wat! Hulle maak dit nou wragtig moeilik. Hoe verwag hulle moet ek vir my familie sorg as ek nie kan werk nie. Ek d**k dat kopdoek, en die President, ook nie hulle salarisse moet kry nie. Hulle gaan my wragtig nie stop om ʼn dop te drink, of sigaret te rook nie – ek sal self ʼn plan maak.”
"Ek verstaan wat hulle sê, maar daar moet ʼn ander manier wees.”

4. Verlenging van inperking

Plant– “Okay, as die kundiges d**k dis nodig, dan is dit seker nodig. Joh, dit moes ʼn moeilike besluit gewees het. Het jy die trane in sy oë gesien toe hy die aankondiging maak? Sjame, hy is onder verskriklike druk.”

Mineraal– “Hierdie benadering is nie volhoubaar nie – die staat sal ʼn redelike balans tussen veiligheid en ekonomiese behoeftes moet vind, anders gaan ons ekonomie vou. Waarop baseer hulle die maatreëls wat geimplimenteer word?”

Dier– “Nee, dit gaan nie vir my werk nie. Hoe kan hulle ons so inhok en my inkomste wegneem? Hoe leef mens van R350 ʼn maand? Ek sal maar so, in die geheim, ietsie moet doen wat geld inbring.”
“Ek d**k ons moet maar emigreer.”

5. Terug skool toe

Plant– “Is hulle seker? Miskien moet ons, ons kinders maar nog so bietjie uit die skool weghou tot alles verby is.”

Mineraal– “Die kinders sal okay wees. Die statistieke toon dat kinders minimale risiko dra, en nie sommer ernstig siek word daarvan nie. Hopelik kan hulle vinnig opmaak vir verlore tyd.”

Dier– “Dankie tog, nou kan ons weer gaan werk.”
“Ek vertrou hulle nou glad nie meer nie – is dit nou veilig, of nie?”

6. Maskers

Plant– “Ag, dis maar ʼn klein opoffering om te maak om lewens te red. Ek weet nie hoekom mense so ʼn ophef daaroor maak nie? Dis mos nie so erg nie.”

Mineraal – “Eintlik is daar teenstrydige bevindings as dit by die effektiwiteit van maskers kom.”
“Wie maak hierdie reëls? ʼn Hele paar van hierdie reëls maak glad nie sin nie.”

Dier– “Ag nee, flip man. Ek sal dit opsit wanneer ek moet, maar sodra hulle wegkyk haal ek dit af.”

7. Ivermectin

Plant– “Jong, ek d**k nie ons moet nie. Hulle sê dat dit nie werk nie en dat dit eintlik gevaarlik is.”

Mineraal– “Die nie-ampelike, gevallestudies en teorië klink belowend. Kundiges moet beslis hierdie middel se effektiwiteit ondersoek. As dit ʼn wesenlike verskil maak, sal dit groot verligting bring. Ek sal die gebruik daarvan beslis oorweeg as dit goed gekeur word.”

Dier– “Ek het lankal vir my ʼn botteltjie aangeskaf.”

8. Inentings

Plant– “Watter een is die beste? As dit kan help, hoekom nie?”

Mineraal– “Ek is ongemaklik daarmee. Daar is nog glad nie genoeg voltooide navorsing om vas te stel hoe effektief, en veilig, dit oor die lang termyn is nie – veral die mRNA een.”
“Natuurlik moet almal dit kry. Die wetenskap het al bewys dat inentings baie effektief was teen vorige pandemies.”

Dier– “Noddeflip…daar is nie ʼn manier nie.”
“As ek toegelaat word om weer soos normaal te leef, sal ek dit nou dadelik vat.”

Die verskeie opinies en uitganspunte van elk van die 3 patrone, is tong-in-die-kies.

Let daarop dat die reaksies op ʼn gegewe gebeurtenis nie noodwendig positief of negatief hoef te wees nie. Persone wat, byvoorbeeld, na die diere-patroon neig, se opinie aangaande inenting kan heeltemal verskil. Ten spyte daarvan, sal die inherente motivering en ervaring van die gebeurtenis dieselfde wees vir almal van dieselfde patroon.

Opsomming van kenmerke van elke patroon

Plant-patroon mense, word gekenmerk deur ʼn sensitiwiteit vir hul omgewing, asook hul reaksie daarop. Hulle is van nature, baie oplettend en is gedurig besig om te ontleed wat ʼn spesifieke situasie van hul vereis. Oor die algemeen, sal hulle situasies wat moontlik aanstoot kan gee, of wat iemand kan seermaak, vermy – juis omdat hulle self sensitief daarvoor is.

Mineraal-patroon mense, kan onsensitief voorkom maar dit is nie noodwendig kenmerkend nie. Hul behoefde is hoofsaaklik om struktuur gesentreer . Wanneer hulle onvoeldoende struktuur beleef, of wanneer dit verlore gaan (of bedreig word), word hulle angstig. Dinge wat onstabiele situasies veroorsaak (byvoorbeeld gebroke verhoudings, finansiele probleme, siekte, en verlore status of posisie), is ʼn krisis. Hulle hou van lysies, akuraatheid, en voorspelbaarheid. Hoe minder risiko, hoe beter.

Diere-patroon mense, kan baie warm, spelerig en lojaal wees, maar hul word gekenmerk vir hul oorlewingsdryf. Mededingendheid is ʼn groot tema. Hulle is baie bewus van sosiale hiërargie. Baie van hul spanning het te doen met hul rangorde. Sodra iemand hul rang of bestaan bedreig, kom hul spreekwoordelike tande uit. As dinge nie vir hul uitwerk nie, vat hulle dit baie persoonlik, en maak dit dan duidelik dat hul benadeel word en ʼn slagoffer is.

Tag gerus jou eggenoot, familie lid, vriend of kollega wat jy hierin raaksien.

22/01/2021

Entstof inisiatiewe se effek op inperkingsregulasies

Doelwitte wat gedurig skuif is geweldig frustrerend, en dit is presies wat in die stryd teen covid-19 gebeur. Wanneer ons egter verwagtinge ten opsigte daarvan kan bestuur, word die situasie effens draagliker. Daarom is dit noodsaaklik dat jy jouself inlig, en voorberei, vir die toekoms.

Die gebrek aan ʼn presiese geskiedkundige verwysingsraamwerk, maak dit moeilik om voorspellings te maak oor hierdie pandemie. Die naasbeste opsie is, om ʼn pandemie te bestudeer, wat baie ooreenkomste met die huidige een het.

Alhoewel dit nie ʼn perfekte plaasvervanger is nie, is daar genoeg oorvleuling met die vorige masels* pandemie, om dit as ʼn gebeurlikheismodel te gebruik.

Agtergrond konteks – masels pandemie

In 1975 het Suid-Afrika met ʼn enkel-dosis, masels entstof, benadering begin. Masels gevalle het, daarna, dramaties verminder, maar gereelde epidemies was steeds aan die orde van die dag. In 1996 en ’97, het Suid-Afrika met intensiewe, twee-dosis masels inenting inisiatiewe begin. Die totale uitwissing van masels, teen 2002, was die doelwit.

Hierdie inisiatief was uiters suksesvol maar kon nie masels totaal uitwis nie. Na 3 jaar, het die hoeveelheid bevestigde jaarlikse infeksies verminder van duisende na ʼn paar honderd; hospitalisering het verminder van 736 na net 29 gevalle; en sterftegevalle het verminder van 23 na 0.

Ten spyte van gereelde opvolg inisiatiewe, elke 3-4 jaar, was daar van tyd tot tyd steeds plaaslike uitbrake… maar nog nooit weer ʼn epidemie nie. In 2019 was daar net enkele, bevestigde, maselsgevalle in Suid-Afrika.

My gevolgtrekking

Die status quo sal vir ʼn geruime tyd nog gehandhaaf word.

Eers na, ongeveer, 2-3 jaar van intensiewe covid-19 inentingsinisiatiewe, behoort infeksiegetalle genoegsaam te daal om aan vlak 1 of 0 vereistes te voldoen. Daarom kan ons verwag dat die huidige patroon van wipplank inperkingsregulasies nog, vir ʼn paar jaar, sal herhaal.

Daar is natuurlik ʼn klomp veranderlikes wat hierdie hele proses mag vertraag. So, kom ons hoop vir die beste, terwyl ons vir die ergste voorberei.

*Daar bestaan duidelike verskille tussen, geskiedkundige masels pandemies, en die huidige covid-19 een. My stawing dat dit toepaslike insigte kan verskaf, is gebaseer op die soortgelyke transmissietempo en hoë mortaliteitspersentasie voor inentings beskikbaar geword het.

Bronne:

https://www.nicd.ac.za/wp-content/uploads/2018/09/Annual-measles-and-rubella-surveillance-review-South-Africa-2017.pdf

https://academic.oup.com/ije/article/31/5/968/745802

https://www.who.int/news-room/fact-sheets/detail/measles

Measles remains one of the leading causes of death among young children globally, despite the availability of a safe and effective vaccine.

14/08/2020

Help, my kind is anders!
- Raad vir nuwe ouers

Die waarneming dat jou kind anders is as sy/haar portuurgroep, is kommerwekkend vir enige ouer. Hierdie plasing is vir ouers wat so ʼn waarneming ten opsigte van hul kind gemaak het, en nou met algemene vrae worstel.

Onsekerheid – miskien is dit niks?

Alhoewel, veral eersteling, ouers hulself gereeld onnodig bekommer, is dit belangrik om te onthou dat niks ooit spontaan sal verbeter nie. Jou kind se eerste 5 lewensjare is krities vir brein-ontwikkeling. Daarom is dit noodsaaklik om vroëer, eerder as later, met kundiges in gesprek te tree.

Eenvoudig gestel… as jy wonder of jy met ʼn kundige moet gesels, is dít juis die teken dat jy dit moet doen. Slegs wanneer ʼn kundige bevestig dat jou kind se ontwikkeling op koers is, kan jy jou bekommernis toeskryf aan ʼn oorreaktiewe disposisie.

Ontkenning

Die gedagte dat jou engel-kind dalk anders mag wees, en die moontlike gevolge daarvan, is so vreesaanjaend dat jou hart na enige teken van die teendeel sal probeer gryp. Daarom is ʼn persoon wat met ontkenning sukkel, aanvanklik onbewus daarvan.

Om jou te help om dit te identifiseer, wil ek twee, baie subtiele, tekens van ontkenning met jou deel.

Indien jy jou bekommernis met iemand deel, maak mense dit maklik af as niks. Wanneer jy te veel waarde heg aan ʼn oningeligte en onervare persoon se opinie, is daar fout. Veral as jy dit gebruik as die rationaal om die situasie nie verder te verken nie.

ʼn Tweede teken van ontkenning, is ʼn heftige emosionele reaksie wanneer iemand wat vir jou omgee, hul eie waarneming of bekommernis, in terme van jou kind se ontwikkeling, met jou deel. Die intense woede is soos ʼn spreekwoordelike damwal van onderdrukking wat bars. Soos jy dalk reeds weet, vorm beide, ontkenning en woede, deel van die normale rou proses (maar later meer daaroor).

Hoe vinniger beide ouers verby die ontkenningsfase beweeg, hoe beter vir die hele gesin.

Waar begin ek?

Evaluasie(s)

Die gewaarwording dat jy iewers in ʼn onbekende plek (in jou lewe) is, is angswekkend. Net soos wanneer jy verdwaal het, is die eerste prerogatief om te bepaal waar jy jouself bevind. ʼn Formele evaluasie deur ʼn (ervare) kundige is die eerste stap. Wanneer jy weet wat fout is, kan jy jou (kind se) posisie op die, spreekwoordelike, spesiale-behoefte-kaart plot.

Evaluasie, of assessering, is ʼn manier wat kundiges gebruik om te bepaal of ʼn kind van die norm afwyk. Dit beoog ook om die mate van afwyking te kwantifiseer en die probleem area te identifiseer. Hierdie uitslae word gebruik om ʼn gepaste ontwikkelingsplan en/of behandeling strategie vir elke kind te formuleer.

Hierdie evaluasie kan ʼn bykomende voordeel inhou, mits dit deur ʼn kundige gedoen word wat ʼn amptelike, definitiewe diagnose mag maak. Die amptelike diagnose kan gebruik word om toegang tot staatshulp, spesialis dienste en spesiale skole te verkry.

Omdat medici streng gereguleer word, het elke kundige ʼn bepaalde professionele sfeer waarin hy/sy mag beweeg. Daar is wetgewing wat bepaal wat elke professie mag, en nie mag doen nie. Daarom mag sekere kundiges nie ʼn amptelike, definitiewe diagnose maak nie.

Aan die ander kant, is daar kundiges wat wel ʼn defnitiewe diagnose mag maak, maar wat nie regtig spesialiseer in die gebied van spesiale behoefte assessering nie.

Die ideaal is, om ʼn kundige te kry wat baie ervaring ten opsigte van spesiale behoefte bepalings het, maar wat ook ʼn amptelike, definitiewe diagnose mag maak. Verder behoort die ideale kundige deel te vorm van ʼn professionele ondersteuningsnetwerk wat bestaan uit ʼn verskeidenheid ervare terapeute, tutors en komplimentêre spesialiste… maar jy het ʼn beter kans om ʼn unicorn te vind.

Pediatriese neuroloë, kliniese- en kinder sielkundiges, psigiaters, pediaters, mediese- en homeopatiese dokters mag ʼn definitiewe diagnose maak. Arbeidsterapeute en opvoedkundige/skool sielkundiges mag evaluasies doen maar mag nie ʼn definitiewe diagnose maak nie.

Kinder-ontwikkeling is ʼn komplekse vakgebied en daarom vind kundiges dit soms moeilik om ʼn defnitiewe diagnose te maak. In so ʼn geval kan jy verwag dat daar nog evaluasies kan volg op ʼn latere stadium. Begin dadelik met proaktiewe terapie. Moennie dit uitstel as daar nog nie ʼn definitiewe diagnose beskikbaar is nie – jy (en terapeute of tutors) behoort reeds genoeg te weet om te kan begin.

Diagnose

Die aanhoor van ʼn diagnose laat ouers gewoonlik met ʼn diep sin van verlies. Dit is ʼn tydperk van gemengde emosies. Aan die een kant, is dit ʼn verligting om te weet wat fout is, en aan die ander kant verpletter dit die gedagtes wat jy gekoester het oor jou kind se toekoms. Dit is heeltemal normaal om te rou vir jou kind in hierdie situasie.

Jy sal later besef dat die diagnose jou ook bemagtig. Jy kan nou begin om jouself, en ander mense, daaroor in te lig. Kinders met spesiale behoeftes se gedrag affronteer soms oningeligte omstanders. As jy wil, kan jy nou so ʼn geleentheid gebruik om bewusmaking te bevorder.

Ontwikkeling strategie/plan

Sodra jy en die kundige weet waarmee jou kind sukkel, kan daar ʼn ontwikkelingsplan opgestel word om by jou (en jou kind se) behoeftes te pas. Ongeag die diagnose, is hoofstroom opsies beperk tot arbeidsterapie, spraakterapie en medikasie.

Dit is belangrik om te verstaan dat medikasie (selfs homeopatiese medikasie) nie ʼn kuur vir enige spesiale behoeftes is nie, maar slegs kan help om sekere simptome te bestuur. Hiperaktiwiteit, afleibaarheid, en aggressie wat gereeld gepaard gaan met spesiale behoeftes, maak terapie baie moeilik. Wanneer ʼn kind dan minder “besig” of “moeilik” is, kan hy/sy meer by die bepaalde terapie baatvind. Medikasie kan dus ʼn wesenlike, positiewe verskil maak wanneer dit aangedui word – oorweeg dit.

Ten spyte daarvan dat terapeute, in dieselfde professie, dieselfde kurrikulum gevolg het tydens hul studies, verskil hul benaderings en persoonlikhede. Vertrou jou instink om die regte terapeut en benadering vir jou, en jou kind, te kies. As jy ongemaklik voel, skuif.

Buiten die hoofstroom behandelingsregime is daar ander opsies ook.

Privaat tutors kan van onskatbare waarde wees. Hulle is dalk minder formeel, maar beslis nie minder georganiseerd of bekwaam as hoofstroom terapeute nie. Inteendeel, hulle het gewoonlik jare se praktiese ervaring in spesiale skole, wat hul benadering meer natuurlik, maar steeds gefokus, laat voel. Baie ouers vind meer aanklank by hierdie buigbare, alles-in-een, benadering. Tutors is nie so opsigtelik soos hoofstroom terapeute nie, daarom is dit bietjie moeiliker om hul op te spoor. Kleuterskooltjies en ander ouers, met spesiale behoefte kinders, behoort jou hiermee te kan help.

Daar is heelwat ander alternatiewe terapieë, maar meer daaroor in ʼn volgende plasing.

Jy, die ouer, moet eienaarskap van jou kind se ontwikkeling neem. Aanvanklik, terwyl jy nog leer en aanpas, gaan jy hoofsaaklik net ʼn ondersteunende rol speel. Sommige ouers word egter later so bekwaam, dat hul self ʼn, alles-in-een, tutor vir hul kind kan word. Hoe meer betrokke jy kan wees, hoe beter.

Ondersteuningsnetwerk

Die realiteit is dat jou gesinslewe onherroeplik verander het. Dit is nie ʼn tydelike situasie nie. Dit het ook nie ʼn oplossing wat jou in staat sal stel om jou vorige lewenstrajek weer op te neem nie. Hierdie is die begin van ʼn reis na die onbekende. Daar is geen eindbestemming nie, maar daar is ʼn verskuilde vreugde te vinde in ʼn gemeenskap van reisigers wat saam lag en huil.

ʼn Persoonlike ondersteunersnetwerk is uiters belangrik – alle ouers van kinders met spesiale behoeftes sal daarvan kan getuig. Een mamma het dit só gestel: “Omring jouself met mense wat bereid is om jou te ondersteun wanneer dit moeilik raak, want dit gaan moeilik raak… Dis baie belangrik vir ouers (/voogde) van spesiale behoefte kinders om ‘n blaaskans te kry op, ten minste, ‘n weeklikse basis. Jy kan nie vir iemand sorg as jy self uitgebrand is nie.”

Algemene raad

Ten voorbereiding van hierdie plasing, het ek vir ander ouers wat reeds op hierdie reis is, gevra om raad te gee aan ouers wat sopas begin het. Die antwoord wat ek ontvang het, eggo my eie sentiment so goed, dat ek dit onveranderd hieronder wil plaas:

1. Kry daai diagnose. Dit help. Dit maak deure oop vir staatshulp, dit gee die “ding” ‘n naam; jy kan vir mense sê, “my kind is nie stout nie, dit is ”; jy kan by ondersteuningsgroepe aansluit en ondersteuning kry.

2. Stel ‘n ondersteuningsnetwerk op. Omring jouself met mense wat bereid is om jou te ondersteun wanneer dit moeilik raak, want dit gaan moeilik raak.

3. Kry vir jou kind die nodige terapieë, maar moet hom/haar nie te veel druk nie. Laat hulle toe om kinders te wees. Elke kind ontwikkel op hul eie tyd.

4. Laat gaan daai drome en fokus daarop om elke liewe daggie saam met jou kind ten volle te geniet. Vier die klein mylpale.

5. Maak tyd vir jou eggenoot. Die egskeidings-syfers onder spesialebehoefte ouers is hoog. Al die tyd en energie gaan in die kind in. Gesels met mekaar, ondersteun mekaar, “validate” mekaar. En maak tyd vir alleentyd met mekaar, gaan eet uit en moenie oor huis-probleme praat nie. Nou meer as ooit moet die huwelik gekoester word.

Krediet:
- Foto deur Jordan Whitt op Unsplash
- Al die ouers wat gewillig was om hul lewenservaring te deel

31/07/2020

Don't be loyal to a specific system of medicine. Consider that both mainstream and complementary medicine have boundaries, strenghts and weaknesses... find out how to use them for your benefit.

30/07/2020

Lots of sympathy for my fellow gout sufferers... long-term lifestyle changes are worth it. The struggle is real... feel free to share yours 😉

14/07/2020

Het jy al in n "hoofstroom mediese-muur" vasgeloop?

Ek het onlangs twee pasiënte gehad wat komplimentêre/alternatiewe behandeling verlang omdat hulle in ʼn spreekwoordelike hoofstroom mediese-muur vasgehardloop het.

Die eerste, het vir meer as 5 maande ʼn ongediagnoseerde kroniese koors beleef. Ten spyte van ʼn lang lys bloed toetse kon die spesialis nie ʼn defnitiewe diagnose maak nie. Geen behandeling het blywende verligting gebring nie. Toe dokters bepaal dat dit nie noodwendig ʼn lewensgevaarlike oorsaak het nie, is die pasiënt uiteindelik huistoe gestuur om self gesond te word.

Die tweede, was ʼn jaar terug gediagnoseer met tipe 2 diabetis, en moes sederdien, daagliks anti-diabetiese medikasie neem. Ongelukkig het die medikasie konstante diarree veroorsaak. Die voorskrif was herhaaldelik verander, maar die diarree het gebly. Uit desperaadheid het die pasiënt besluit om die medikasie eerder te staak. Die diarree het gestop, maar die pasiënt se suikervlakke het weer die hoogte in geskied. Twee weke daarna het die pasiënt vir die eerste keer voor my gesit. “Jy moet my help, want ek gebruik nooit weer daardie medisyne nie”, was die pasiënt se woorde aan my.

Alhoewel, hul gesondheidsprobleme en motivering hemelsbreed verskil, was hul behoeftes eenders. Vir altwee was hul gesondheid belangrik, maar hulle wou ook goed voel en ʼn redelike lewenskwaliteit handhaaf. Hulle het geweier om die een ten koste van die ander te kies, en was ontnugter toe hoofstroom medici dit nie kon bied nie.

Natuurlik het komplimentêre/ alternatiewe medisyne en terapieë ook beperkings. Net ʼn uiters roekelose praktisyn sal sy/haar spesifieke modaliteit as n alles-omvattende terapie beskou en bemark. Daarom skroom ek nie om pasiënte na ander dokters en terapeute te verwys wanneer dit nodig is nie.

Homeopatie is die fondasie van my praktyk, maar ek gebruik ook gereeld kruie medisyne as ondersteunende modaliteit. Gepaste lewenstyl veranderinge, veral dieët, word ook bespreek, maar dit is gewoonlik vir pasiënte ʼn bitter pil om te sluk.

Hierdie gekombineerde benadering is gewoonlik voldoende om ʼn wesenlike gesondheidsverbetering te weeg te bring – dit was ook juis die geval met bogenoemde pasiënte. Om al die krediet vir myself te neem sal kortsigtig wees. In albei gevalle het die pasiënte hul volle samewerking gegee… selfs ten opsigte van dieët en oefening.

Ek vereis nooit dat pasiënte hul kroniese medikasie summier staak in ruil vir komplimentêre/ alternatiewe medisyne of terapie nie. As dit wel die pasiënt se uiteindelike doel is, bespreek ek dit gewoonlik eers met die pasiënt se mediese dokter. In bogenoemde gevalle was daar egter ʼn veilige geleentheidsvenster waarin die behandeling se effektiwiteit geëvalueer kon word.

Kontak my gerus indien jy ooit in ʼn soortgelyke mediese-muur vashardloop – stuur vir my ʼn direkte boodskap, of Whatsapp jou navraag na 072 682 0101.

29/05/2020

Kinder gesondheid – is dit veilig om my kind skool toe te stuur?

Dit is die vraag waarmee miljoene ouers tans in Suid-Afrika wroeg. En geen wonder nie.

Hierdie pandemie word gekenmerk deur gemengde seine, en sinnelose reels, wat deur ʼn baie ondeursigtige leierskap gemaak word.

Volgens die amptelike Covid-19 Corona Virus South African Resource Portal1, was daar nog nooit rede tot paniek nie. Die rede wat hul aanvoer is dat ongeveer 82% van die gevalle slegs matige griep simptome ervaar, terwyl slegs 6% van die gevalle krities is. In kontras met hierdie boodskap, word landsburgers van hul menseregte ontneem en selfs in hegtenis geneem, “omdat die virus mense kan doodmaak”.

Die aankondiging dat kinders weer terug skool toe mag gaan, terwyl miljoene ouers steeds tuis moet bly, saai verwarring. Om sake te vererger, is die aankondiging baie dubbelsinnig – jy kan jou kind terug stuur skool toe… maar jy hoef nie. Hierdie skisofreniese boodskap laat baie ouers nou rigtingloos en met gemengde gevoelens.

Dit is duidelik dat kinders een of ander tyd weer skool toe moet gaan, maar hoe weet ons of dit veilig is?

n Ingeligte besluit benodig voldoende feitlike informasie.

Soos met die varkgriep uitbraak, het Covid-19 aan ons onkunde begin beitel. Ons, die meerderheid Suid-Afrikaners, ervaar redelike goeie gesondheid terwyl daar duisende volwassenes en kinders is, wat met kroniese kwale saamleef… kwale wat ernstig genoeg is, dat die gewone griep virus jaarliks meer as 11 800 mense laat sterf2.

Ongeveer 5% van hierdie griep sterftes word verteenwoordig deur kinders. Daarom is die regering heeltemal reg – daar nie rede is tot paniek nie (al blyk dit dat hulle dit self nie glo nie). Die meerderheid van ons kinders kry gewoonlik net matige simptome, terwyl die kinders met onderliggende gesondheidsprobleme gehospitaliseer word en soms sterf.

Hoe bepaal jy of jou kind gesond genoeg is?

Die sleutel tot jou besluit, is om die demografie van hoë risiko kinders te verstaan, en om dit met jou eie kinders te vergelyk.

Daar is hoofsaaklik twee kenmerke3,4 wat by hoë risiko kinders geidentifiseer is – ouderdom en voorafgaande gesondheidsprobleme.

Ouderdom

• Kinders tussen die ouderdom van 5 en 18 jaar se risiko is heelwat laer as jonger kinders.
• Die risiko vir kinder sonder 5 jaar verhoog soos ouderdom verminder – babas onder 1 jaar toon die hoogste risiko van alle kinders.

Voorafgaande gesondheidsprobleme

Kinders en volwassenes met een (of meer) voorafgaande gesondheidsprobleme se risiko is baie hoog. Dit is hierdie groep wat eerder moet aanhou met self-isolasie. Voorbeelde van gesondheidsprobleme7,8 wat genoem word in Covid-19 navorsing (sluit volwassenes in) volg:
• Asma
• Chroniese long kwale (bv. emfiseem, COPD, sistiese fibrose)
• Chroniese hart kwale
• Chroniese lewer kwale (bv. lewersirrose)
• Suiker siekte
• Mense met chroniese niersiekte wat dialise ondergaan
• Immuniteit versteurings
o MIV+ en VIGS
o Kanker (bloed-, beenmurg- en long kanker)
o Kanker behandeling (chemoterapie en bestraling)
o Medikasie bv. kortikosteroide (en ander medikasie ter behandeling van auto-immuun toestande)
o Rook7

Die Amerikaanse Akedemie vir Pediatrie6 het op hul webwerf geskryf dat hospitalisering en sterftes, as gevolg van Covid-19, ongereeld voorkom by kinders. Daarom behoort die meerderheid ouers wat hierdie informasie opweeg, vind dat hul kinders nie in die hoë risiko demografie val nie.

Natuurlik word die situasie meer gekompliseerd indien die gesonde kind in nabye kontak met iemand wat ʼn hoë risiko het, leef. Aangesien daar baie aanduidings is dat Covid-19 nog lank saam met ons gaan wees, is dit onrealisties om die hele gesin in self-isolasie te hou. Dit is, waarskynlik, meer redelik dat die hoë risiko persoon eerder streng self-isolasie beoefen.

Die realiteit is, dat daar nog heelwat onsekerheid omtrent Covid-19 is. Nietemin, sal elke ouer nou self ʼn oordeel moet vel. Dit is my hoop, dat jy hierdie inligting kan gebruik om n ingeligte besluit te maak, wat nie gebaseer is op emosie en ongebalanseerde beriggewing nie.

Bronne:

1. https://sacoronavirus.co.za/?gclid=Cj0KCQjwwr32BRD4ARIsAAJNf_1aUxSCPdaM-ZFLa1F7wbBG2dnxHwdbqLspdY183FS_79vqmj2xs0MaAs-BEALw_wcB

2.https://www.nicd.ac.za/wp-content/uploads/2019/06/Influenza-guidelines-rev_-6-June-2019clean.pdf

3. https://www.cdc.gov/mmwr/volumes/69/wr/mm6914e4.htm?s_cid=mm6914e4_w

4.https://pediatrics.aappublications.org/content/pediatrics/early/2020/03/16/peds.2020-0702.full.pdf

5. https://www.cancerhealth.com/article/who-is-most-susceptible-new-coronavirus

6. https://services.aap.org/en/pages/2019-novel-coronavirus-covid-19-infections/children-and-covid-19-state-level-data-report/

7. https://www.cdc.gov/coronavirus/2019-ncov/need-extra-precautions/people-at-higher-risk.html

8. https://www.cdc.gov/coronavirus/2019-ncov/need-extra-precautions/groups-at-higher-risk.html

9. https://www.sciencealert.com/here-s-the-biggest-study-on-kids-and-covid-19-published-to-date