Hillary-Joan Funeral Services

15/03/2026

My naam.is Claudia en hy' - terwyl sy stip na die liggaam onder die silwer SAPS laken kyk..."hy is my seun, Rodwin"

Terwyl ons Vrydag, 27 Februarie 2026 na die toneel uitgery het - het 'n laat middag windjie hom tuis gemaak oor die hange van Stellenbosch.

Saggies was die koue verdryf deur die sterk liefdes-band tussen die ma en haar lewelose seun - 'n toneel ongewoon tog menslik.

Selfs hier tussen die paaie van Stellenbosch lê daar vandag 'n baken wat bevlek is met Claudia se trane vir haar seun - die liefde van 'n ma is onvoorwaardelik...en Claudia pas soos 'n handskoen in dié gesegde.

SAPS Stellenbosch het ons laat-middag gekontak oor die sterfte van Rodwin en hom geklassifiseer as die "hawelose" wat gedwaal het in die midde-dorp van Stellenbosch.

Tog, was die toneel gevul met empatie en baie ondersteuning teenoor Claudia en Johannes deur die manne in blou - 'n sagte kant van hulle, heeltemal sigbaar en indrukwekkend - hulle is ondersteunend en hul empatie opreg.

Hulle is opreg dankbaar vir Rodwin SE mammie wat tenspyte van sy keuse om op die straat te bly, vir hom voorsiening gemaak het, sou hy eendag sterf.

Ons tyd SAAM met Claudia en Johannes was leersaam, 'n regte 'eye-opening' geleentheid...'n ontmoeting opgevang in liefde en oomblikke van sorgvrye gelag.

"Hy is my seun, Hillary" die aanhaling, sal altyd 'n spesiale plekkie in my hart opneem as ek weer 'n hawelose teëkom.

Vir baie was hy die "bergie" wat gewandel het in die middedorp se strate - tog, vir die manne in blou en vir sy ma was hy 'n seun met 'n naam, 'n identiteit...'n seun wat liefgehad was deur sy susters en sy broers.

Rodwin SE sterfte het refleksie-tyd aangewakker.

Deur sy sterfte het ons geleer dat elke lewe van onskatbare waarde is - en dat elke lewe opgevang is in 'n agtergrond-skets.

Soos ons saam met Rodwin se familie en vriende langs sy oop graf gestaan het, het ons bewus geraak van die liefde wat altyd - maar altyd sal oorwin.

Vir Claudia was hy haar seun, die kind aan wie sy geboorte geskenk het - die kind vir wie sy elke jaar 'n partytjie gegee het op die straat.

Rodwin

...is die naam wat met soveel liefde oor haar lippe rol.

Die liefde is soveel dieper as wat die menslike-oog ooit kan sien🌻

Liefde en Lig❣️

11/03/2026

Laat Maandag-middag kry ek kans om te 'skim-read' deur die boek wat ons Oudste vir my gegee het.

Dan val my oog op die agterkant van die boek - hier op die agterblad het hy 'n spesiale boodskap vir my neergepen.

Ek waardeer die sticky notes wat hy by sekere hoofstukke vir my neergeplak het.
..en soos ek deur die boek blaai, val my trane sonder brieke 😊 sommer vir die moeite wat hy ingesit het met die geskenk.

My timing vir die skim-read was heeltemal uit - ek het nie geweet die boek sal aan my trane besorg nie...ek sou net vinnig loer en dan weer neersit.

Maar...dan sit en huil ek my oë uit vir die versteekte sticky notes tussen die bladsye... en al waarvoor ek wens was dat niemand op my moet afkom.nie🌻

Maar meteens raak ek bewus van die 'clown' wat agter die muur staan en lag vir my...daar is mos maar net eén Middel-kind❣️

Vir 'n oomblik loer hy om die muur en vra met 'n duim-gebaar of ek ok is - deur my sopnat neus en trane wys ek, ek is ok...Hy smile en raak weg om die muur...

Ek sit in stilte om die oomblik te absorbeer.

Toe spring hy agter die muur uit en sing " Kan ek jou Superman, Batman, Ironman, Spiderman wees?
Ek sal jou oppas in die donker
Vir jou 'n hero wees..

Ai toggie tog..toe blêr ek maar weer van voor af🤣

Mag daar vandag vir jou 'n sonvanger opdaag wat met liefde en omgee jou gemoed lig❣️

🙏of
.. mag jy die eén wees wat vandag vir iemand 'n 'veilige plek' bied - 'n plek om net weer vrylik asem te haal 🌸

Liefde en Lig❣️

10/03/2026

09/03/2026

Vanoggend kom Marcellous met ons Oudste SE wasgoed-mandjie by die deur in gestap - ons is deesdae ons kind SE amptelike laundromat - drop-off tyd en die dag van die drop-off word erens deur die dag gekommunikeer.

Ons sien hom min (volgens my😊), sy pa is net te bly😊...die pa sê altyd: "dit is een probleem minder, nog twee om te gaan. Ek kan nie wag nie! Julle twee bliksems (verwysend na Poppie en Middel-kind ) moet aankom. Ek soek my peace!!!"

Vanoggend voel my hart broos want op sy wasgoed-mandjie het Oudste 'n geskenkpakkie gelos❣️

Ek weet in my hart dat ons niks verdien nie en ek weet ook dat hy dit nie vir ons gegee het omdat ons iets reggedoen het nie.... maar bloot uit liefde en waardering.

Die pakkie bring 'n nederigheid - en my hart sê in stilte dankie vir die vreugdes wat die lewe ons bied.

Die pakkie leer my dat ek nie perfek is nie maar dat ek waardig is❣️
..waardig om lief gehê te word, waardig om genade te ontvang....waardig om op te staan as ek faal 🌻

Mag u ook vandag vreugde ervaar in die wete dat tenspyte van u tekortkominge, u steeds vasgehou word deur genade❣️

Liefde en Lig❣️

05/03/2026

Ons het vanoggend 'n familie vergesel na 'n privaat-verassing.

Dit was ’n sagte, gewyde oomblik waarin die familie SE harte Vir 'n oomblik stil geword het.

Vanoggend het ons opnuut weer besef hoe moeilik die afskeidsgeleentheid vir ons families is❣️
.Die hartseer lê dieper as wat woorde ooit kan beskryf.

Ek d**k die onmiddelikke leegheid en stilte wat families oorval na afloop van die diens is die eerste inleiding waar hul werklikheid sagkens maar onkeerbaar begin.

Ons hoor so gereeld tydens ons opvolg besoeke dat families nie regtig afskeid geneem het nie.

Sommiges voel dat die dag van die begrafnis gevul was met emosie, soveel mense, soveel reëlings… dat die hart eers later agterkom dat dit nie behoorlik afskeid geneem het nie.

In die geval van 'n verassing, is dit om hierdie rede hoekom ons soms ’n privaat besigtiging voorstel aan ons families.

Nie om die wond weer oop te krap nie - nie om hul pyn te verleng nie....
..maar om 'n ruimte te skep.

🌹 'n Ruimte vir hul sagte hande op die kis van hul geliefde..
🌹 'n Ruimte vir woorde wat nie voor ander gesê kon word nie.
🌹 'n Ruimte vir trane sonder wagtyd of enige formele program.

Soms, net soms is genesing ’n stil oomblik —waar familie en vriende uiteindelik kan fluister:

"Nou is ek reg. Nou...kan ek jou laat gaan."

Elke familie se pad is uniek en ons is hier om die ruimte veilig te hou, sou een van ons families dit nodig mag hê 🌻

Liefde en lig❣️

02/03/2026

Behartig julle Gedenkdienste/Rou-dienste?

Vir n Lang tyd na COVID het ons dit gedoen maar stelselmatig begin wegdoen van die praktyk...

En die begin van hierdie jaar 'n doelbewuste besluit gemaak om afstand te doen van dit.
..die doodeenvoudige rede vir ons besluit is dat hierdie aand aan families behoort. Vir ons is Gedenkdienste ''n "Sacred space"...dit is die spasie Vir die familie om vrylik asem te haal, om te reflekteer, om te huil, om te waardeer sonder die volg van 'n program opgestel deur die onderneming...dit is 'n spesiale spasie wat deur liefde gelei moet word🌻

As ondernemers dra ons met liefde die gewig van logistiek, waardigheid en die fyn detail soos versoek word deur families vir die dag van die begrafnis.

Ons wil die formaliteite hanteer sodat alles op die dag van die begrafnis met eer en orde kan geskied.
Maar die gedenkdiens? .... dit as ’n harts-ruimte - 'n spasie gereserveer Vir familie❣️

Ons tree doelbewus vyf, selfs tien treë weg🌻

Die afgelope tyd was ons harte verwarm wanneer ons van 'n afstand ingekyk het tydens ons families SE rou-dienste - die blomme wat met sorg deur die familie gekies was, 'n kers wat aangesteek was of die ietsie spesiaal wat neergesit of geskryf of gedoen was deur kleinkind/ers- dit is die harts-dinge wat ons nie as ondernemers wil orkestreer nie...hierdie geleentheid word 'n spasie waarin liefde sigbaar word, 'n spasie waar jou hartklop ten toongestel word🌻

Op die dag van die begrafnis, sal ons daar wees❣️- voorbereid met die volle verantwoordelikheid om u geliefde met waardigheid te eer - maar die roudiens behoort in die hande van geliefdes wat eerstehands liefgehad het.

Liefde en Lig❣️

23/02/2026

What's on your mind??? ....Middel-kind is op my mind, Facebook😊

Aan die "alias" op ons page wat my remind van sy birthday-post 😊...my eie roof-kyk-kind😊my fun-filled Middel-kind...my kind wat leef Vir Instagram en Tiktok...happy happy birthday my Cyril-kind
..ek sien jou❣️

Ek sien hoe jy jou pad deur die tiener-golwe navigate...ek is trots op jou...dankie dat jy jaar na jaar vra na die storie van jou geboorte - deur ons tweetjies se hier-wees besef ek die kosbaarheid van lewe❣️

Dankie dat jy ons lewe inkleur in die helderste kleure...en jou pa naby sy bloeddruk-pille hou😊

ndiyakuthanda, uyolo lwakho lokuzalwa Middelkind❣️

23/02/2026

In die stilte van die oggend besef ek die kom-vandaan van my versnellende speedometer van Saterdag-oggend🌻

Saterdag het soos 'n berg voor my uitgestrek gelê, ons moes 'n pa en 'n eggenoot in 'n kis by hul huis instoot...hierdie realiteit het erens op 'n emosionele draad van my mens-wees 'n tuiste gevind net voor die aanvang van ons 'werksdag'🌻

Die prentjie in my kop van 'n jong pa wat in die bres probeer tree Vir sy seun - en die prys met sy lewe betaal het, het lewe in my gedagtegang geblaas.

Anne se fyn lyfie het gestalte in my gedagtes opgeneem... hierdie man in die kis SE lewe was kosbaar Vir Anne en sy kinders.

Ons het Anne en haar vriende ontmoet, toe hulleself nog opgevang was deur die skokkende realiteit van Shawn se dood.

Met my agteropeenvolgende ontmoetings met Anne- besef ek die trauma waarin sy verkeer.

Die wreedheid van Shawn se sterfte lê in elke hoekie van haar oë wat stip staar en by tye tydens gesprekke net verstil.

Shawn het nog een van die wrede statistieke geraak binne Cloetesville en hierdie ma voor ons is bekommerd oor haar kinders SE psigologiese welstand - hoe sien haar kinders se toekoms daarna uit nadat hulle hul lewelose pa langs die pad sien lê het?

Anne is 'n omgee-mens met 'n sagte hart en 'n stewige ruggraat- dit was ons heel eerste opvatting van haar. Anne plaas almal SE seer bo haar eie - onbaatsugtig, sonder om enige iets terug te verwag❣️

Terwyl die kis al dieper die graf insak, staar sy in die verte terwyl sy haar eie emosies onderdruk om skuiling te bied aan haar jongste seuntjie onder haar arms.

Hoe lank gaan Cloetesville se strate nog bevlek wees met bloed? Hoe lank gaan ons hierdie sterftes nog normaliseer? Hoe lank moet ons, ons families voor die ingang van n forensiese eenheid ontmoet - want dit is geensins normaal, nie eens vir ons wat hier wil wees vir families in rou nie?

Ons kan nie meer wegkyk en die wreedheid van hierdie sterftes aanvaar as deel van ons dag tot dag nie.

Elke naam is 'n storie en elke storie maak deel uit van ’n gesin -'n gesin wat lief gehad het, wat omgegee het... elke gesin verdien beter as om voor ’n oop graf afskeid te neem van 'n sterfte so wreed.

Liefde en Lig❣️

22/02/2026

"I am my brother's keeper"....dit was een van my pa SE gunsteling aanhalings. As kind het ek nie veel verstaan wat hy daardie tyd Vir my wou tuis bring nie.

My ma op haar b***t het altyd probeer verduidelik dat jou pa sy broers en sy susters SE reddingstou wil wees sou hulle hom nodig mag hê...en soos julle pa, wil ek hê, julle moet mekaar SE reddingstoue wees...as kind het dit te veel brainpower geverg om te verstaan - tog verstaan ek vandag soveel meer van hul lewenslesse❣️

Maar die naweek was my drade heeltemal gecrosswire...'n ongemaklike posisie om in te wees; selfs vir myself.

Marcellous gaan maar in 'n stilte as die drade so crosswire, hy los my koffie op die counter en beweeg saggies om en ver verby my😊

Riaan, kom vroeg-oggend by ons AAN - sommer in die middel van die crosswiring...toe gaan dit gerook met my...non stop🫣 ....hy is my broer so anders as Marcellous en die kinders is hy tussen my versnellende speedometer ....Hy bang mos nie vir my😊
...maar ek wil mos nie verslap nie😊 - ek is op die oorlogspad - met niemand, behalwe met myself ....en oor wat, weet ek ook nog minder...maar hier is ek..heeltemal gecrosswire...verkeerde kant van die bed uitgeklim💣

Met die deurmekaar gemoed is ek pad toe - Riaan bel, hy maak nie nog 'n lang storie nie...hy het geweet ek kan nie terugpraat nie, want ek is tien teen een tussen mense - hy spreek sy ongelukkigheid uit " wat is jou purpose hier op aarde? Jy beter 'n vinnige kopskuif maak want jy is besig om die duiwel vatkans te gee en...(lang stilte) jy mag nooit ooit weer so uit die huis uit gaan nie"...

Ons gaan almal deur ons episodes- ek was bly vir gister SE episode - want uit ons episodes leer ons...dit bou ons, ons stof die lelik AF en bou weer van vooraf.

Hy koop vir ons slap chips en gemmerbier...ons gesels langs 'n tafel met die mooiste tafeldoek, een wat my skoonma vir ons paar weke gelede gestuur het...ons lag...ons leer van mekaar en hou mekaar verantwoordbaar😊

Marcellous en die kinders haal weer asem...vrylik😊
...ek het 'n "keeper"🌻...ons almal nodig een😊

Liefde en Lig❣️

19/02/2026

Twee weke gelede het iemand my ge-whattsapp om 'n stap vir stap uiteensetting neer te pen, wat sy teen haar yskas kan plak en ook om vir ander te gee want so baie is glo oningelig, sou sterfte plaasvind🌻

Ek sal my bes probeer om stap vir stap te verduidelik aan die hand van my eie ervaring en my kennis na my ma se sterfte...ek en Marcellous het met ons tracksuits en instekers na die hospitaal gejaag want vir geen oomblik het ons ged**k aan ondernemings-dienste nie...ons moes terug ry huistoe, aantrek, 'n kopskuif maak en die rol van ondernemers inneem en die proses wat daarna gevolg het was nogal oorweldigend vir beide van ons❣️...so ek besef dat die emosies die oorhand kry met die meedeling van sterfte.

Verlede week het ons 'n familie 'weggewys' want hul emosies was té oorweldigend - so 'n belangrike besluit kan nie met oorweldigende emosies geneem word nie (volgens my🙏) - ek is dankbaar dat hul die volgende dag terug gekom het na 'n nag se slaap🙏 ...ek besef dat tyd nie altyd ten gunste is nie- veral met hospitaal sterftes.

Ek deel die stappe volgens my eie kennis- (my kollegas wat my so lekker te reg wys op my spelfoute en sin-konstruksie kan aanvul op my leemtes😊)

a. Die proses is tweeledig: Huis-sterfte🌻die polisie en die ambulans dienste word gekontak om die sterfte te bevestig. Beide, sal aan die familie 'n verslag oorhandig wat dan aan die verkose ondernemer gegee moet word.

b. Hospitaal-sterfte: Die mediese span hanteer al die dokumentasie en die ondernemer ontvang dit na voltooiing.

2. Kontak die familie - ek d**k nie daar is 'n regte manier of selfs n verkeerde manier om so 'n tyding oor te dra nie. SAAM kan die familie besluit oor die kies van 'n ondernemer....maak alle betrokke partye deel van die seleksie van 'n ondernemer.

Besluit op die behoeftes van die familie in geheel- dit vergemaklik die proses wanneer daar ooreenkomstig besluit word oor 'n ondernemer...Vir die familie en so ook vir ons ❣️

3. Kies 'n ondernemer wat die familie deur die onbekende proses kan lei - een wat handpas is vir u familie.

Vertroue is (volgens my), die heel belangrikste komponent met u seleksie. Besluit of u met gemak u geliefdes in die sorg van u verkose ondernemer se hande kan plaas.

Ons rol as ondernemer is:
🌻 om u geliefde met deernis te versorg
🌻 registrasie van sterfte
🌻 Reëlings ten opsigte van 'n teraardbestelling of Verassing

4. Die beplannings-fase:
🌻hier gesels ons oor 'n verkose datum en tyd (meeste begrafplase doen self indelings oor beskikbare tydgleuwe waaroor ondernemers nie beheer het nie).

🌻 Besluit oor die tipe afskeids-geleentheid, hetsy godsdienstig, privaat- of 'n viering van lewe

🌻Kis seleksie

🌻Besluit op blomme, program, musiek

Die proses is oorweldigend - Selfs tydens hierdie stap is daar nie 'n reg- of verkeerde manier van afskeid neem nie...daar is net 'n gepaste 'julle' manier❤️

Ek deel sommer 'n baie ou maar kosbare video van die Williams-broers met u.

Jare het Al verloop na hul.pa SE begrafnis en ons is nog steeds met mekaar in kontak - dit is wat ons werk ons bied...om in verhouding met mekaar te groei, lank nadat die begrafnis klaar is🙏

Ek hoop die video verfris u gemoed🌻

Liefde en Lig❣️

11/02/2026

Gister teen skemer, roep David "Siebriets!!" terwyl hy voor die hek staan.

Na 'n ruk kom Marcellous in die huis en sê "David soek soos altyd vir jou en nie vir my😊"

Nou skel ek soos ek gang af want hoekom kom David my pla as ek net rustig wil wees😊

"Ai Siebriets, ek sal jou mosi onnodige pla nie- ek wil vir julle altwee iets kom sê - ek weet jy is nog kwaad vir my " sy gesig dra die skynsel van trots en my kwaad verdwyn sommer onmiddelik 🙏

Ek het hom Saterdag in die "naughty corner" gesit.

Na afloop van verlede Saterdag SE diens het die familie vir ons twee iets te ete aangebied.

Meneertjie op sy b***t vra toe of hulle nie sparkling water het nie 🫣 want so wil hy van koeldrank af kom😊

Hy kom later met 'n hoop kos-pakkies na die kar aangestap 🫣"Siebriets, ek het gesê hulle moet sommer Vir Marcellous ook 'n kos-pakkie gee want hoe lykit ons kom by die huis sonder 'n pakkie vir Marcellous"

"Hemel bedek my en aarde sluk my in"- was my onmiddelik skietgebed.

Vir jare skaaf ons AAN David en David op sy b***t, skaaf aan ons....

Ons het David ontmoet, vars nadat hy uit die gevangenis gekom het - op daardie oomblik het 'n tweede kans na 'n ONMOONTLIKE gelyk, tog het hy elke dag opgestaan en die beste weergawe van homself probeer wees...skaaf, trane....baie van dit, gebed...ontelbaar, uithou-afstof aanhou....hy het stelselmatig mense se guns en hul vertroue oor die jare gewen.

Die mensdom is nie so onregverdig nie...hier is mense onder ons wat glo in tweede kanse🙏
.na soveel probeerslae het hy gister met trots sy naam op 'n kontrak beteken...'n trotse oomblik vir hom - "die guns van die Here" noem hy dit.

"Siebriets, ek het dit gemaak, weet julle hoe voel dit om jou naám op 'n papier te skryf? ..."ek het dit gemaak met die hulp van die Here" .

"klompie" (sy gunsteling woord) jare van stil en eerlike gebede...jare se mismoedigheid en selfs sy eie veroordeling teenoor sy eie lewe wat hy versteek het agter sy glimlag, het gister afbetaal🙏

'n Voorreg was dit om saam met hom hierdie mylpaal te kon vier
..dit is eers wanneer ons 'n myl in iemand se skoene gestap het dat ons verstaan dat elke tree 'n storie dra wat nie altyd hardop vertel word nie - dat die neerpen van jou naam, jou trotse identiteit saamdra❣️

Aan sy skoene is die letsels van klippe wat soms skerper gesny het as wat dit van die oog af lyk - tog het hy elke dag probeer om net aan te hou en uit te hou🙏

"God is goed, Siebriets. Julle moet môre vir my iets bring om te eet né" smile hy met trots voor hy die hek agter hom toemaak.

Ons sal vandag vir David opdaag...want vir jare daag hy op vir ons🌻

Tweede kanse🙏

Liefde en Lig ❣️