Huis van Liefde

27/02/2026

As bestuurder weet ek - jy kan nie alleen bou nie.

Langs my staan twee ongelooflike vroue wat elke dag saam met my dra, dien en liefhet! Esmeralda en Alicia – julle is soveel meer as net administratiewe beamptes. Julle is die hartklop agter soveel wat by Huis van Liefde gebeur. Julle vriendelikheid, julle opregtheid en die manier waarop julle elke mens met respek en liefde hanteer, spreek boekdele.

Julle sien mense raak wanneer ander dalk verbykyk. Julle bring rustigheid in chaos en warmte in elke interaksie. Ek sien julle harde werk, julle toewyding en julle sagte harte. Ek waardeer dit meer as wat woorde kan beskryf.

Dankie dat julle nie net saam met my werk nie, maar saam met my hierdie roeping leef 🤍

25/02/2026

Nu look Haarsalon het 3 van ons inwoners se hare gewas, geblow en knip. Auntie Klara, Cecelia en Johanna (Poppie). Baie dankie aan die span by Nu look haarsalon. Elke 2de week kan ons 3 inwoners stuur na die haarsalon verniet.

29/01/2026

Vandag het ons 'n Firedrill met al die werkers en inwoners gedoen vir indien ons 'n brand het. Onder 4 min kon ons al die inwoners en werkers veilig uit die Tehuis kry. Baie dankie aan die Brandweer span, personeel en alle inwoners.

23/01/2026

Vrydae is Casual Day by Huis van Liefde! ’n Dag waar jeans en gemak ontmoet, maar respek, omgee en roeping bly dieselfde. Ons bou doelbewus ’n omgewing waar elke werker vry kan wees wie hul is, gemaklik kan voel, en steeds met liefde en waardigheid kan dien - selfs in ’n jean. Want wanneer mense veilig voel, blom liefde!

22/01/2026

By Huis van Liefde werk ’n span wat nie net take uitvoer nie, maar lewens aanraak. Hulle sorg nie net vir die inwoners nie, maar sit stil om na stories te luister. Hou ’n hand vas wanneer woorde ontbreek en bring lig op dae wat stil raak. Vir 80 bejaardes beteken julle nie net sorg nie. Julle skep ’n tuiste, eer herinneringe en gee menswaardigheid terug. Ons sien julle diens, ons waardeer julle toewyding en ons sê vanuit die hart: dankie!

05/01/2026

Dit is met groot hartseer dat ons deel dat Sr Ella Cordy na haar ewige tuiste is op 4 Januarie 2026. Ons innige simpatie aan Madelein, Hanmari en Jan met die afsterwe van julle ma. Ons bid vir julle asook die breë familie. Op die poster is die begrafnisreëlings.

Rus sag Sr Ella - u het die wedloop voltooi 🕊

23/12/2025

Ons is so dankbaar vir Heidi en haar span. Die afgelope jare doen hulle die Angel Trees vir die 2 Outehuise in ons dorp. By ons apteek kan enige iemand 'n engel kies van die boom om 'n geskenkie voor te koop. Al ons inwoners het vandag 'n kersgeskenk gekry. Dankie dat julle aan ons bejaardes d**k. Die smiles was groot en die bederf nog groter! Ons moes net keer dat hulle nie al hulle chocolates op een slag op eet nie😋😅❤️

10/12/2025

Baie dankie aan Ds Karla Smit, Elske en die NG Gemeente Lambertsbaai vir die geskenkies aan elke personeellid van Huis van Liefde. Ons waardeer dit so baie. Mag die Here julle oneindig seën🙏

20/11/2025

20/11/2025

Baie dankie aan Crown Create Studio. Melanie en Terrenay vir die pragtige sang items. IS DAAR MIS IN JOU KRISMIS.

13/11/2025

Groot dank en waardeering aan Nu Look Haarsalon van Lambertsbaai wat ons inwoners se hare weekliks verniet blow en sny . Ons inwoners kan nie wag vir Woensdae dan weet hulle die groot bederf is aan. 🥰🥰🥰🥰