Ons Spesiale Storie

14/02/2026

Valentynsdag gaan oor liefde. ❤️

Maar vir ’n kind op die spektrum lyk liefde dalk anders.

Liefde beteken:
• Ek gee jou ruimte.
• Ek wag geduldig.
• Ek bly kalm wanneer jy oorweldig raak.
• Ek oordeel jou nie.

Outistiese kinders probeer nie ongeskik wees nie.
Hulle verwerk net die wêreld anders.

Die grootste liefdestaal is nie drukkies of woorde nie —
dit is aanvaarding. 💙

24/01/2026

Vandag was Pieter se heel eerste atletiekbyeenkoms, en eerlikwaar het ek nie eers gedink hy sou kon hardloop nie. Maar hy het my verras – hy het dit só goed gedoen, op sý manier, met soveel moed.

Dankie aan ons wonderlike gemeenskap wat ’n kind met unieke behoeftes met soveel geduld, liefde en aanvaarding dra. Julle maak hierdie oomblikke moontlik. Spesiale dankie aan – Pieter se persoonlike ‘pace setter’ en morele ondersteuning in een. Ons kon nie sonder jou nie 😄💙

16/12/2025

Ek verstaan dit so goed. Elke storie soos hierdie help om begrip te bou vir kinders met spesiale behoeftes.🤍

01/12/2025

🎧✨ Wat is Tomatis?
Gisela Naudé verduidelik hoe hierdie klankgebaseerde metode help om luister, fokus, taal en emosionele regulasie te verbeter. ’n Sagte, nie-indringende benadering wat groot verskil kan maak vir kinders én volwassenes.

17/11/2025

Wanneer ’n kind se lyf sterker en meer in balans voel, verander hul hele wêreld.
Fisioterapie help kinders om hul liggame beter te verstaan, te beheer en met meer selfvertroue te beweeg.

deel hoekom fisio so waardevol is vir kinders op die Outistiese spektrum. 🌟💛

29/10/2025

So dankbaar om ons storie op OFM te sien.
Ons hoop dit help ander ouers en families om te weet hul is nie alleen nie.

Dit is vir my ’n ware passie om mense meer te leer oor Outisme – veral in ons Afrikaanse, plattelandse gemeenskappe.
Ek glo hoe meer mense verstaan, hoe makliker dit vir ons as ouers van kinders op die spektrum word om deel te wees van die samelewing – sonder oordeel, maar met begrip en aanvaarding. 💙

Dankie OFM dat julle ons storie deel. 🙏



OFM, The Sound Of Your Life

Toe haar seuntjie na sy eie wêreld begin onttrek – oogkontak vermy, ophou praat en troos vind in spinnende wiele en lopende water – het sy aangevoel iets dieper is besig om te ontvou. Min het sy to...

19/10/2025

As mamma het ek gesien hoe fisioterapie my seuntjie help om nuwe mylpale te bereik. 🌈
In hierdie video deel Cornea Liebenberg, ’n fisioterapeut van Sannieshof, hoe fisioterapie kinders op die spektrum kan help om sterker, meer selfstandig en met meer selfvertroue te beweeg. 💪🏼💛

08/09/2025

Elke vaardigheid wat ’n kind leer, bou ’n brug na ’n voller, ryker lewe.
ABA is nie net terapie nie – dit is ’n pad na meer moontlikhede.

29/08/2025

Met ABA-terapie het ek gesien hoe my kind se wêreld stadig opmaak. Dit was ons eerste tree in die regte rigting. Ons stap nou al amper twee jaar 'n pad met Magriet en die span van Star Academy en ek is ongelooflik dankbaar vir die groei wat ek in my kind sien.

27/08/2025

ABA-terapie fokus op klein suksesse wat groot oorwinnings word. Ons het dit self beleef en dit beteken ongelooflik baie vir ons. ✨

23/08/2025

Tilana Kotze, ‘n arbeidsterapeut van Namibië, werk daagliks met kinders op die outisme-spektrum. Sy deel haar belangrikste riglyne – eenvoudige, praktiese wenke wat ouers kan help om hul kinders se ontwikkeling en welstand te ondersteun. 💛

19/08/2025

Arbeidsterapie = onafhanklikheid, selfvertroue en groei. 💛🧩