Wari Press Club

11/05/2025

11/05/2025

سیکیورٹی فورسز کے زیر اہتمام خیبر پختونخواہ کے ضلع لوئر چترال کی تحصیل دروش کے علاقہ دامیل نثار میں امن و امان کی صورتحال کا جائزہ لینے کے لیے ایک جرگہ منعقد ہوا۔

جرگے میں سیکیورٹی فورسز کے عہدے داران نے علاقہ مشران کو دامیل نثار میں سکیورٹی صورتحال سے آگاہ کیا اور علاقے میں امن و استحکام کے لئے سیکیورٹی فورسز سے بھرپور تعاون کی اپیل کی۔

سیکیورٹی فورسز کے افسران نے قومی مشران سے اپیل کی کہ وہ علاقے کا امن و امان قائم رکھنے کے لیے مشکوک اشخاص اور ان کی سرگرمیوں پر نظر رکھیں۔ کسی بھی اجنبی یا مشکوک اور مشتبہ شخص کو اپنے علاقے میں دیکھیں تو فوری قانون نافذ کرنے والے اداروں کو اطلاع دیں۔

علاقہ مشران نے سیکیورٹی حکام کو علاقہ کے عوام کو درپیش مسائل سے آگاہ کیا اور سڑک کی تعمیر و مرمت، موبائل نیٹ ورک کی بحالی، مقامی پرائمری سکول میں اسٹاف کی تعیناتی اور ڈسپنسری کے قیام کا مطالبہ کیا جسے سیکیورٹی فورسز کے عہدے داران نے ضلعی انتظامیہ کی باہمی مشاورت سے فوری طور پر حل کرنے کی یقین دہانی کرائی

11/04/2025

قبائلی ضلع خیبر میں سکیورٹی فورسز اور عوام الناس کے مابین اعتماد اور باہمی احترام کا رشتہ ہر گزرتے دن کے ساتھ مضبوط ہوتا جا رہا ہے سیکیورٹی فورسز عوام الناس کو تحفظ فراہم کرنے کے ساتھ ساتھ عوامی اور فلاحی سرگرمیوں میں بھی پیش پیش رہتی ہیں ۔

سیکیورٹی فورسز کے تعاون سے جاری کرکٹ ٹورنامنٹ کا فائنل میچ گورنمنٹ ہائی سکول شاگئی اور گورنمنٹ ہائر سیکنڈری سکول عبدالزم جمرود کی ٹیموں کے درمیان کھیلا گیا۔
سیکیورٹی فورسز کے افسران نے فائنل میچ اور ٹورنامنٹ کی اختتامی تقریب میں شرکت کی۔

سیکیورٹی فورسز کی جانب سے جیتنے والی ٹیم اور رنر اپ ٹیم کو انعامات سے نوازا گیا ۔
سیکیورٹی فورسز نے علاقہ مشران کو کھیلوں کے فروغ کے لیے علاقے میں مزید اقدامات اٹھانے کی بھی یقین دہانی کروائی۔

11/03/2025

خیبر پختونخواہ میں سیکیورٹی فورسز عوام الناس کو تحفظ فراہم کرنے کے ساتھ ساتھ فلاحی سرگرمیوں میں بھی مصروف عمل ہیں۔ خیبر پختونخواہ کے پسماندہ علاقوں میں درس و تدریس اور معیار تعلیم کو بہتر بنانے کے لیے سیکیورٹی فورسز خصوصی اقدامات اٹھا رہی۔

خیبر پختونخواہ کے ضلع سوات کی تحصیل کبل کے نواہی گاؤں علی گرما میں سیکیورٹی فورسز کی جانب سے گورنمنٹ پرائمری سکول کا دورہ کیا گیا جس میں سیکیورٹی فورسز کے عہدے داران نے سکول کے بچوں کے ساتھ ملاقات کی اور انہیں تحفے تحائف، کتابیں، اسٹیشنری کا سامان اور دیگر تعلیمی مواد فراہم کیا۔
بچوں نے اپنے درمیان سیکیورٹی فورسز کے اہلکاروں کو دیکھ کر انتہائی خوشی اور مسرت کا اظہار کیا۔ اساتذہ کرام کی جانب سے سیکیورٹی فورسز کے تعلیم کے فروغ کے جذبے کو بھرپور خراج تحسین پیش کیا گیا

اہلیان علاقہ نے سیکیورٹی فورسز کی فروغ تعلیم کی کاوشوں کو بہت سراہا اور اسے عوام الناس اور سکیورٹی فورسز کے درمیان بہتر تعلقات کی کڑی قرار دیا

11/02/2025

10/29/2025

خیبر پختونخواہ کے ضلع مہمند کے گاؤں کوٹ درگئی میں الخدمت فاؤنڈیشن اور سیکیورٹی فورسز کے باہمی اشتراک سے فری میڈیکل کیمپ منعقد کیا گیا۔

فری میڈیکل کیمپ کے انعقاد کا مقصد مقامی افراد کو بنیادی صحت کی سہولتیں فراہم کرنا، مختلف امراض میں مبتلا مریضوں کو انکے گھر پر ادویات اور علاج معالجے کی سہولیات فراہم کرنا اور لوگوں کو صفائی ستھرائی کے موضوع پر اگہی فراہم کرنا تھا۔
الخدمت فاؤنڈیشن اور سیکیورٹی فورسز کی جانب سے منعقد کردہ اس میڈیکل کیمپ میں 800 سے زائد افراد کو علاج معالجے کی سہولیات فراہم کی گئی جس میں بچے بوڑھے جوان اور خواتین بھی شامل تھیں

فری میڈیکل کیمپ کے انعقاد پر مقامی افراد نے الخدمت فاؤنڈیشن اور سیکیورٹی فورسز کا شکریہ ادا کیا۔

10/28/2025

قبائلی ضلع خیبر کے پاک افغان سرحد پر موجود علاقوں کے ملکان و مشران نے سیکیورٹی فورسز کے ہمراہ ایک جرگہ منعقد کیا جس کا مقصد ضلع خیبر کے سرحدی علاقوں میں امن و امان کی صورتحال پر تبادلہ خیال کرنا تھا ۔

مقامی عمائدین اور قومی مشران نے بارڈر پر امن و امان کے قیام اور قانون کی بالادستی کے لیے سیکیورٹی فورسز کے ساتھ مکمل تعاون کی یقین دہانی کروائی۔

سرحدی علاقوں کے ملکان و مشران نے بارڈر پر سمگلنگ اور دیگر غیر قانونی سرگرمیوں کو روکنے کے لیے سیکیورٹی فورسز کی کاروائیوں کو سراہا اور غیر قانونی سرگرمیاں روکنے کے لیے سیکیورٹی فورسز اور دیگر قانون نافذ کرنے والے اداروں کو مکمل تعاون کی یقین دہانی کروائی۔

10/28/2025

10/26/2025

قبائلی علاقوں میں پائدار امن کا قیام سیکیورٹی فورسز اور مقامی افراد کے باہمی تعاون اور مشترکہ جدوجہد سے ہی ممکن ہے۔

سیکیورٹی فورسز قیام امن کے لیے ٹارگیٹڈ کاروائیاں کرنے کے ساتھ ساتھ سماجی روابط اور مقامی افراد کے ساتھ تعاون کو فروغ دینے کے لیے بھی سرگرم ہیں

ضلع خیبر کی تحصیل لنڈی کوتل کے علاقوں سلطان خیل،مزرینہ، ولی خیل اور خیبر کلے کے مقامی عمائدین اور قومی مشران کے ہمراہ ایک جرگہ منعقد کیا گیا جس کا مقصد علاقے کی سیکیورٹی صورتحال کا جائزہ لینا اور سلطان خیل میں حالات کو بہتر بنانے کی تجاویز پر غور کرنا شامل تھا۔

سیکیورٹی فورسز کے افسران نے مقامی ملکان و مشران کو آگاہ کیا کہ امن و امان کی صورتحال میں مقامی تعاون کے بغیر بہتری لانا ایک مشکل عمل ہے اور مقامی افراد کی غفلت سے حالات خراب ہونے کا خدشہ ۔

مقامی عمائدین اور قومی مشران نے سیکیورٹی حکام کو یقین دہانی کروائی کے تمام قبائل علاقے میں امن و استحکام کے لیے سیکیورٹی فورسز کے شانہ بشانہ کھڑے ہیں۔

قومی مشران نے سیکیورٹی فورسز کو یقین دہانی کروائی کے ان کے علاقوں میں دہشتگردوں اور ان کے سہولت کاروں کو کسی بھی قسم کی رعایت نہیں دی جائے گی۔

جرگہ علاقے اور پاکستان کی ترقی و خوشحالی کی دعاؤں کے ساتھ اختتام پذیر ہوا

10/25/2025

ضلع خیبر کے علاقے زخہ خیل میں بریلینٹ پبلک سکول سے کیا وعدہ پورا کردیا گیا

سکول کے پرنسپل صاحب نے سالانہ نتائج کے موقع پر سیکیورٹی فورسز سے سکول کو پینے کے صاف پانی کے لیے واٹر ٹینک مہیا کرنے کی درخواست کی تھی جس پر فوری عمل کرتے ہوئے سیکیورٹی فورسز کی جانب سے 100 لٹر کپیسٹی کا حامل واٹر ٹینک سکول انتظامیہ کے حوالے کردیا ہے

سکول پرنسپل اور بچوں نے اس فلاحی خدمت پر سیکیورٹی فورسز کا شکریہ ادا کیا اور سیکیورٹی فورسز کے خدمت خلق کے جذبہ کو سراہا۔